Chʼol 44
Li Jesukristo narosob’tesiheb’ li kok’al
Li Jesukristo kixtaqlaheb’ laj Nefita naq te’xk’am chaq lix kok’aleb’ rik’in a’an. Eb’ li kok’al ke’xk’ojob’ rib’ sa’ li ch’och’ chixk’atq li Jesus.
Li Kolonel kixye reheb’ li tenamit naq te’wiq’laaq. Chirix a’an kiwiq’la a’an ut kitijok chiru lix Choxahil Yuwa’.
Q’axal sachol ch’oolej lix tij li Kolonel, jo’kan naq ink’a’ kiru xtz’iib’ankil. Kixnujob’resiheb’ laj Nefita rik’in sahil ch’oolejil.
Chirix naq kitijok, li Jesus kixye naq eb’ laj Nefita te’osob’tesiiq xb’aan lix paab’aaleb’.
Kinumta xrahom ut xsahil xch’ool, jo’kan naq kiyaab’ak.
Chirix a’an, kixk’uleb’ li kok’al chixjunjunqaleb’, ut kirosob’tesiheb’. Kitijok chiru lix Choxahil Yuwa’ choq’ reheb’ ut kiyaab’ak wi’chik.
Li Jesus kixye reheb’ laj Nefita naq te’rileb’ lix kok’al.
Naq yookeb’ chi ilok li tenamit, eb’ li anjel ke’kub’e chaq sa’ choxa ut ke’xsutiheb’ rix li kok’al. Eb’ li kok’al ut eb’ li anjel sutsuukeb’ rix rik’in xam.