Chʼol 53
Laj Moroni ut eb’ lix k’utum
Laj Moroni kixnaw naq sa’ jun kutan eb’ li perel ch’iich’ oor te’isiiq chaq sa’ li ch’och’.
Eb’ li aatin sa’ li perel ch’iich’ oor neke’aatinak chirix li Jesukristo. Neke’xch’olob’ xyaalal ut neke’xk’ut chiruheb’ li tenamit chan ru wank sa’ tiikilal.
Eb’ laj Lamanita aj maakeb’ ke’xkamsi chixjunileb’ laj Nefita li ink’a’ ke’xtz’eqtaana xyaalal li Jesukristo.
Laj Moroni maajun wa tixtz’eqtaana xyaalal li Jesukristo. Yalaq b’ar kib’eek, yoo chixmuqb’al rib’ chiruheb’ laj Lamanita.
Laj Moroni kixtz’iib’a xkomon chik xna’leb’ chiruheb’ li perel ch’iich’ oor, q’axal wi’chik choq’ reheb’ laj Lamanita sa’ roso’jikeb’ li kutan.
A’an kixtz’iib’a naab’al li xninqal ru na’leb’, jo’ li raatinuleb’ li tij re li loq’laj wa’ak.
Laj Moroni kixtz’iib’a naq ka’ajwi’ te’ruuq chi kub’eek xha’ li ani wankeb’ xch’ool chixjalb’al xk’a’uxl chirix lix maakeb’ ut chi k’anjelak chiru li Jesukristo.
Laj Moroni kiraj naq chixjunileb’ te’xpaab’ li Jesukristo ut te’wulaq chixnawb’al ru. Kixye naq chixjunil li k’a’ru us nachal chaq rik’in li Kristo.
Laj Moroni kixtz’iib’a naq wi eb’ li tenamit te’xra li Dios ut te’xtaaqe, te’ruuq chi ok chi tz’aqaleb’ re ru.
Laj Moroni kixnaw naq chirix lix kamik taawakliiq chi yo’yo ut taawanq rik’in li qaChoxahil Yuwa’ ut rik’in li Jesukristo.