Chʼol 54
Li k’a’ru yeechi’inb’il sa’ lix Hu laj Mormon
Rub’elaj naq laj Moroni kixmuqeb’ li perel ch’iich’ sa’ roso’jik, kixtz’iib’a jun yeechi’ihom choq’ reheb’ laj Lamanita ut choq’ re ani chik taaril li tz’iib’anb’il esil a’an.
A’an kixye reheb’ li tenamit naq te’rileb’ li esil tz’iib’anb’il, naq te’xk’oxla, ut chirix a’an naq te’xpatz’ re li qaChoxahil Yuwa’ ma yaaleb’.
Laj Moroni kixyeechi’i naq wi eb’ li tenamit te’patz’oq rik’in x’anchalil xch’ooleb’, rik’in xpaab’aaleb’ chirix li Kristo, li Santil Musiq’ej tixtenq’aheb’ chixnawb’al naq yaaleb’ li tz’iib’anb’il esil.
Laj Moroni kixtz’iib’a naq wi eb’ li tenamit te’xjal xk’a’uxl, te’xtaaqe li Jesukristo, ut te’xra li qaChoxahil Yuwa’, te’ruuq chi wulak chi tz’aqal re ru.
Naq laj Moroni kixchoy tz’iib’ak chiruheb’ li perel ch’iich’ oor, kixmuqeb’ sa’ jun kaax pek sa’ li tzuul Kumorah ut kixtz’ap xb’een li kaax rik’in jun nimla pek. Kiraqe’ lix k’anjel sa’ li ruchich’och’.