Chʼol 50
Eb’ laj Jaredita neke’el chaq Babel
Laj Jared ut li ras a’aneb’ winq tiikeb’ xch’ool li ke’wan sa’ jun tenamit Babel xk’ab’a’. Ke’wan chaq k’iila cient chi chihab’ ma neke’wan eb’ laj Nefita.
Lix k’ihal li tenamit sa’ Babel aj maakeb’. Ke’xkab’la jun li najt xteramil kab’l re te’wulaq sa’ choxa. Li Qaawa’ kijosq’o’ ut kixjali ru li raatinob’aaleb’.
Laj Jared kixpatz’ re li ras naq taatijoq ut tixtz’aama re li Qaawa’ naq ink’a’ tixjal li raatinob’aaleb’ lix junkab’al ut lix komoneb’.
Li ras laj Jared kitijok, ut li Qaawa’ kixsume lix tij. Laj Jared, li ras, ut eb’ lix junkab’al ut ramiiw toj ke’xtaw ru li raatineb’ chirib’ileb’ rib’.
Li Qaawa’ kixye re li ras laj Jared naq tixch’utub’eb’ lix junkab’al ut eb’ li ramiiw ut te’elq chaq sa’ li ch’och’ a’an. Ke’xk’am lix ketomq ut li jar paay chi iyaj rik’ineb’.
Li Qaawa’ kixye naq tixk’ameb’ xb’e laj Jaredita sa’ jun yeechi’inb’il ch’och’.
Eb’ laj Jaredita ke’xchap li xik’anel xul ut li kar re xk’amb’al chirixeb’.
Ke’xk’am chirixeb’ chi tzoqol li saq k’aw.
Eb’ laj Jaredita ke’b’eek sa’ li yamyookil ch’och’. Li Qaawa’ ki’aatinak rik’ineb’ sa’ jun choql, ut kixye reheb’ b’ar wan li b’e te’xik wi’.
Li Qaawa’ kixye naq ani te’eechaninq re li yeechi’inb’il ch’och’ tento te’k’anjelaq chiru li Dios, malaj ut te’sache’q.
Naq eb’ laj Jaredita ke’wulak chire li palaw, ke’xyiib’eb’ lix muheb’aal t’ikr. Ke’wan chire li palaw chiru kaahib’ chihab’.