Leksiyon 23 Materyal sa Magtutudlo

Pagpuyo uban ang Paglaom samtang Kita Mangandam alang sa Ikaduhang Pag-anhi ni Jesukristo

Si Jesukristo “sa umaabot nga adlaw mobalik nganhi sa yuta … [ug] momando isip Hari sa mga Hari og mohari isip Ginoo sa mga Ginoo” (“Ang Buhi nga Kristo: Ang Pagpamatuod sa mga Apostoles,” https://www.churchofjesuschrist.org/study/scriptures/the-living-christ-the-testimony-of-the-apostles/the-living-christ-the-testimony-of-the-apostles?lang=ceb). Niini nga leksiyon, ang mga estudyante mopasabot kon nganong sila makapanglantaw uban ang paglaom ngadto sa Ikaduhang Pag-anhi ni Jesukristo. Mohunahuna usab sila sa mga paagi nga sila makapangandam sa ilang mga kaugalingon ug sa uban alang sa pagbalik ug milenyal nga paghari sa Manluluwas.

Mga Sugyot alang sa Pagtudlo

Ang Ikaduhang Pag-anhi sa Manluluwas mopasiuna sa Milenyum.

Sa dili pa moabot ang mga estudyante sa klase, kamo makasulat sa mosunod diha sa pisara: Pipila sa timailhan sa Ikaduhang Pag-anhi sa Manluluwas: mini nga mga Kristo, mini nga mga propeta, mga gubat, mga hungihong sa mga gubat, mga kagutom, modagsang nga mga sakit, mga linog, kalapasan, makalaglag nga sakit, kapintas, ug mga timailhan diha sa kalangitan (tan-awa sa Joseph Smith—Mateo 1:22–23, 28–30, 33; Doktrina ug mga Pakigsaad 45:26–27, 30–33, 40–42).

Sa pagsugod sa klase hunahunaa ang pagpakigbahin sa mosunod nga talan-awon:

Atol sa usa ka leksiyon sa kataposang mga adlaw, ang Sunday School nga klase ni Evan mihimo og lista sa tanang makaguol nga mga timailhan ug mga kahimtang nga mag-una sa Ikaduhang Pag-anhi. Daghang mga tawo ang mikomentaryo kon unsa ka ngil-ad ang kahimtang karon ug nga kini magkagrabe lamang. Gibati ni Evan ang kabalaka ug pagka-nawad-an og kadasig samtang mibiya siya sa simbahan.

• Mibati ka ba sukad og sama ni Evan?

• Unsa kaha ang nawala gikan niini nga panaghisgotan sa klase?

Dapita ang mga estudyante sa pagrebyo sa Doktrina ug mga Pakigsaad 45:34–35, 38–39, mangita sa tambag sa Ginoo ngadto niadtong kinsa naguol sa mga timailhan sa Iyang pag-anhi. Dayon hunahunaa hain sa mosunod nga mga pangutana ang inyong ipangutana aron matabangan ang inyong mga estudyante nga mobati og mas dako nga paglaom:

• Unsa ang mensahe sa Manluluwas ngadto sa mga disipulo kinsa naguol mahitungod sa mga timailhan sa Iyang pag-anhi? (Mahimo nga ang mga estudyante moila og usa ka kamatuoran sama sa mosunod: Ang mga timailhan sa pag-anhi sa Ginoo nagpakita ngadto sa mga matinud-anon nga ang Iyang Ikaduhang Pag-anhi duol na.) Sa unsang paagi kini nga kamatuoran mahimong usa ka mensahe sa paglaom?

• Unsa nga mga hitabo sa Pagpahiuli ang mga timailhan nga ang Ikaduhang Pag-anhi duol na? (Kamo makarebyo sa mga ehemplo nga makaplagan diha sa seksiyon 1 sa materyal sa pagpangandam. Mahimo usab ninyong idugang kini ngadto sa lista sa mga timailhan diha sa pisara.) Unsaon niini nga mga timailhan ug mga hitabo pag-impluwensiya sa paagi kamo magtan-aw sa kataposang mga adlaw?

• Nganong importante ang pagtutok diha ni Jesukristo kon kita maghisgot mahitungod sa mas makaguol nga mga timailhan kalabot sa Ikaduhang Pag-anhi? (Hunahunaa ang pagrebyo sa pamahayag ni Elder Ronald A. Rasband sa seksiyon 1 sa materyal sa pagpangandam.) Giunsa sa pagtutok diha ni Jesukristo pag-impluwensiya o unsaon nga makaimpluwensiya kini, sa paagi nga kamo nagtan-aw sa mga hagit sa kataposang mga adlaw?

Pahinumdomi ang mga estudyante nga ang Ikaduhang Pag-anhi mopasiuna sa milenyal nga paghari sa Manluluwas sa kalinaw ug pagkamatarong. Dapita ang mga estudyante sa pagrebyo sa Doktrina ug mga Pakigsaad 101:26–32, 35 ug pangitaa ang mga kahimtang nga maanaa atol sa Milenyum. Mahimo ninyong ilista diha sa pisara kon unsay ilang makit-an.

• Hain niini nga mga kahimtang kamo labing nagpaabot? Ngano?

Kamo makapakita sa mosunod nga pahayag ni Elder Neil L. Andersen:

Walay makadasig sa akong tinguha sa pagpamulong bahin ni Kristo labaw pa kay sa paghanduraw sa Iyang pagbalik. … Kining talagsaon nga kasinatian moimpluwensiya sa atong mga kalag sa kahangtoran. (Neil L. Andersen, “Kita Naghisgot Kang Kristo,” Liahona, Nob. 2020, 91)

Dapita ang mga estudyante sa paghanduraw sa Ikaduhang Pag-anhi sa Manluluwas ug sa Milenyum. Samtang sila naghanduraw, dapita sila sa pagrekord sa ilang mga hunahuna ug mga pagbati agi og tubag ngadto sa mosunod nga pangutana:

• Sa unsang paagi nga ang paghunahuna mahitungod sa Ikaduhang Pag-anhi ug sa Milenyum nagtabang kaninyo sa pagpuyo uban sa mas dako nga paglaom ug kalinaw?

Mahimo kamong magdapit og usa o duha ka estudyante nga makigbahin kon unsay ilang nasulat.

Ang Ginoo nagtudlo kanato unsaon sa pagpangandam alang sa Iyang Ikaduhang Pag-anhi.

Dapita ang mga estudyante sa pagrebyo sa sambingay sa napulo ka dalagang birhen sa Mateo 25:1–13 o sa pagtan-aw sa video “They That Are Wise” (gikan sa time code 0:00 ngadto sa 5:46). Kon gikinahanglan, tabangi ang mga estudyante sa pagsabot nga ang mga dalagang birhen nagrepresentar sa mga miyembro sa Simbahan (tan-awa sa Dallin H. Oaks, “Pagpangandam alang sa Ikaduhang Pag-anhi,” Liahona, Mayo 2004, 8).

Pagpalambo sa Atong Pagtudlo ug Pagkat-on

Salig sa inyong mga estudyante. Samtang ang mga estudyante nagtrabaho sa ginagmay nga mga grupo, salig nga sila makabaton og dinasig nga mga panagsultihanay nga dili ninyo bantayan. Human sa ginagmay nga panaghisgot, paniira kon unsa nga lebel sa follow up ang gikinahanglan sa mga estudyante. Sama pananglitan, kay sa pausbon lamang ang mga estudyante sa pagsulti mahitungod sa unsay ilang gihisgotan, pangita og mga paagi sa pagpalambo sa gamay nilang panaghisgot sa grupo.

Aron sa pagtabang sa mga estudyante nga mohunahuna og lawom mahitungod sa kalabotan sa sambingay, kamo makahimo kanila sa pagporma og ginagmay nga panaghisgot nga mga grupo (duha ngadto sa tulo ka mga tawo). Hatagi ang matag grupo og bisan hain nga handout sa “Ang Boangboang nga mga Dalagang Birhen” o “Ang Buotan nga mga Dalagang Birhen.” Pahibaloa ang mga estudyante nga human sa ilang panaghisgot, sila moipon ngadto sa usa ka grupo nga mihisgot sa laing hilisgotan ug makigbahin kon unsay ilang nakat-onan sa usag usa.

Ang Boangboang nga mga Dalagang Birhen

Materyal sa Magtutudlo alang sa Si Jesukristo ug ang Iyang Walay Kataposang Ebanghelyo––Leksiyon 23

1. Hisgoti og dungan ang mosunod nga mga pangutana:

   • Unsa kaha ang girepresentar sa lamparahan ug lana diha sa sambingay? (Kamo makarebyo sa Doktrina ug mga Pakigsaad 45:56–57 ug sa pamahayag ni Presidente Russell M. Nelson sa seksiyon 2 sa materyal sa pagpangandam.)

   • Unsa kaha ang mahinungdanon mahitungod sa hugpong sa mga pulong “kay ang pamanhunon nadugay man sa pag-abot” (Mateo 25:5) ug “sa pagkatungang gabii dihay singgit” (bersikulo 6)?

   • Ngano nga ang lima ka dalagang birhen gihulagway nga mga boangboang? (Kamo makahisgot kon unsa ang hugpong sa mga pulong “wala ako makaila kaninyo” [bersikulo 12] ug “Kamo wala makaila kanako” (Hubad ni Joseph Smith, Mateo 25:11 [diha sa Mateo 25:12, footnote a] gitudlo kanato mahitungod sa pagpangandam niining mga dalagang birhen.)

2. Pag-ila og usa o duha ka sagad nga mga ehemplo kon sa unsang paagi kita isip mga miyembro sa Simbahan mahimong mopili nga mahisama sa boangboang nga mga dalagang birhen. Pangandam sa pagpakigbahin sa inyong mga ehemplo ngadto sa usa ka grupo kinsa mihisgot sa maalamong mga dalagang birhen.

© 2023 pinaagi sa Intellectual Reserve, Inc. All rights reserved.

Ang Boangboang nga mga Dalagang Birhen

Materyal sa Magtutudlo alang sa Si Jesukristo ug ang Iyang Walay Kataposang Ebanghelyo––Leksiyon 23

Ang Buotan nga mga Dalagang Birhen

Materyal sa Magtutudlo alang sa Si Jesukristo ug ang Iyang Walay Kataposang Ebanghelyo––Leksiyon 23

1. Hisgoti og dungan ang mosunod nga mga pangutana:

   • Unsa kaha ang girepresentar sa lamparahan ug lana diha sa sambingay? (Kamo makarebyo sa Doktrina ug mga Pakigsaad 45:56–57 ug sa pamahayag ni Presidente Russell M. Nelson sa seksiyon 2 sa materyal sa pagpangandam.)

   • Nganong ang lima sa dalagang birhen gihulagway nga mga buotan?

   • Nganong ang buotan nga mga dalagang birhen wala makigbahin sa ilang lana ngadto sa boangboang nga mga dalagang birhen?

2. Pag-ila og usa o duha ka ehemplo kon unsaon nato isip mga miyembro sa Simbahan nga makapili nga mahisama sa buotan nga mga dalagang birhen samtang kita nangandam alang sa Ikaduhang Pag-anhi. Pangandam sa pagpakigbahin sa inyong mga ehemplo uban sa usa ka grupo kinsa mihisgot sa boangboang nga mga dalagang birhen.

© 2023 pinaagi sa Intellectual Reserve, Inc. All rights reserved.

Ang Buotan nga mga Dalagang Birhen

Materyal sa Magtutudlo alang sa Si Jesukristo ug ang Iyang Walay Kataposang Ebanghelyo––Leksiyon 23

Sa makausa nga ang mga estudyante adunay igo nga panahon sa paghisgot sa ilang mga hilisgotan, dapita ang matag grupo sa pagtipon ngadto sa usa ka grupo kinsa mihisgot sa laing hilisgotan sa pagpakigbahin sa mga ehemplo nga ilang giila.

Human tugoti og igo nga panahon alang sa mga estudyante sa pagkompleto sa ikaduhang grupo nga mga panaghisgot, kamo makadapit og usa o duha ka estudyante sa pagpakigbahin kon unsay ilang nakat-onan. Mahimo kamong mosulat o mopakita og usa ka kamatuoran nga ilang naila, sama sa mosunod: Makapangandam ako alang sa Ikaduhang Pag-anhi sa Ginoo pinaagi sa paglig-on sa akong pagpamatuod ug paghimo sa Espiritu Santo isip akong giya.

Sa pagtapos sa klase, hatagi ang mga estudyante og pipila ka oras sa pagrekord sa ilang mga hunahuna ug mga pagbati mahitungod kon unsaon kaha nila pagpangandam ang ilang mga kaugalingon ug sa uban sa labing maayo alang sa Ikaduhang Pag-anhi ni Jesukristo.

Alang sa Sunod nga Higayon

Sulod sa semana, hunahunaa ang pagpadala sa mga estudyante sa mosunod nga mga mensahe o usa nga inyong kaugalingon: Samtang kamo magtuon sa leksiyon 24 mahitungod sa Kataposang Paghukom, hunahunaa kon unsay inyong mabuhat nga makahimo niini nga hitabo nga usa ka mahimayaong panahon.