Миний суурь зарчим: Харилцаа холбоо тогтоо: Хүсэлт тавихын хамт сонсох

Дээд талын хугацаа: 20 минут

Тунгаан бод:

Хэзээ Тэнгэрлэг Эцэг миний залбирлуудад хариулж байсан бэ?

Үз:

“Өргөх хүчийг бий болгох нь” видео бичлэг srs.lds.org/videos дээр байгаа. (Видео бичлэг байхгүй бол энэ бүлгийн тѳгсгѳл дэх бичвэрийг уншина уу.)

Ярилц:

Бид залбирлынхаа хариуг хэрхэн таних вэ? Яагаад сонсох нь залбирлын чухал хэсэг вэ?

Унш:

Сургаал ба Гэрээ 8:2 ба ерөнхийлөгч Рассэлл М.Нэлсоны хэлсэн үгээс авсан эшлэл.

Сургаал ба Гэрээ 8:2

“Тийм ээ, болгоогтун, чамд ирж мөн зүрх сэтгэлд чинь орших Ариун Сүнсээр оюунд чинь мөн зүрх сэтгэлд чинь би чамд ярих болно.”

Ахлагч Рассэлл М.Нэлсон

“Сонсож сурснаар, дараа нь хүүхдүүд, эцэг эх, хөрш, Сүмийн удирдагчдаа сонсож сурснаар та нарын бодгаль адислагдах болно. Эдгээр бүх зүйл дээрээс ирэх зөвлөгөөг сонсох бидний чадавхыг илүү их хөгжүүлэх болно.”

“Listen to Learn,” Ensign, May 1991, 24

Ярилц:

Яагаад сонсох нь чухал ур чадвар байдаг вэ? Анхааралтай сонсох нь бидний ажилд хэрхэн тусалж чадах вэ?

Үйл ажиллагаа (5 минут)

1-р алхам: Бүлгээрээ доорх хайрцган доторх алхмуудыг уншаад, тэдгээр нь хэрхэн таныг илүү сайн сонсогч болгохыг товч ярилц.

Үр дүнтэй сонсох алхмууд

2-р алхам: Бүлгийнхээ нэг юм уу хоёр гишүүнээс өөрсдийн бэрхшээл эсвэл асуултыг бусдадаа хэлэхийг хүс. Хүн бүр дээрх алхмуудыг даган, сонсохыг хичээх хэрэгтэй.

3-р алхам: Хийж дууссаны дараа бүлгийнхэн тэднийг үнэхээр сонсохыг хичээх үед тэдэнд ямар мэдрэмж төрсөн талаар хуваалцсан гишүүдээс асуу.

Унш:

Ерөнхийлөгч Хэнри Б.Айринг, ахлагч Робэрт Д.Хэйлс нарын хэлсэн үгээс авсан эшлэлийг унш.

Ерөнхийлөгч Хэнри Б.Айринг

“Идэх хоол, өмсөх хувцас, бие даан амьдрах чадвартай байхаас ирдэг сэтгэл ханамжийг гуйдаг, дэлхий даяарх хүүхдүүдийнхээ залбирлыг Тэнгэрлэг Эцэг сонсдог.”

“Сайныг үйлдэх боломжууд,” Ensign, May 2011, 22 эсвэл 2011 оны 4-р сарын Ерөнхий чуулган, 24.

Ахлагч Робэрт Д.Хэйлс

“Бид Тэнгэрлэг Эцэгээсээ тусламж хүсэж, Түүний Хүү Есүс Христийн Цагаатгалаар ирэх хүчийг эрэлхийлэх ёстой. Материаллаг болон сүнсний зүйлсийн аль алинд бурханлаг тусламжийг олж авах нь өөрсдөдөө болон өрөөл бусдад ухаалаг, арвич хямгач, үлгэр жишээ үзүүлэгч байх боломжийг олгодог.”

“Материаллаг болон сүнсний зүйлст ухаалгаар арвилан хэмнэгч байх нь,” Ensign, May 2009, 7–8 эсвэл 2009 оны 4-р сарын Ерөнхий чуулган, 6.

Амлалт өг:

Долоо хоногийн турш дараах үйлдлүүдийг хийхээр амла.

• Ганцаараа болон гэр бүлээрээ өглөө, орой бүр залбир. Залбирал бүрийн дараа удирдамж хүсэн хүндэтгэл, бишрэлтэйгээр сонс.

• Өнөөдөр харилцаа холбооны талаар ойлгож авсан зүйлээ гэр бүлийнхэн, найз нөхөдтэйгөө хуваалц.

Өргөх хүчийг бий болгох нь

Хэрэв видео бичлэгийг үзэх боломжгүй бол бүлгийн нэг гишүүнийг сонгож, дараах бичвэрийг уншуулна уу.

Илүү сайн амьдралын төлөө сурч боловсрох нь

Ерөнхийлөгч Дийтр Ф.Угдорф: Та нисэх онгоцыг газраас хөөргөхийн тулд өргөлтийг бий болгох ёстой. Аэродинамикт нисэх онгоцны далавчин дээгүүр агаарын урсгал өнгөрөхөд далавчин доорх даралт далавчин дээрх даралтаас илүү гарсан тохиолдолд хөөрөлт үүсдэг. Дээш өргөх хүч доош татах хүндийн хүчнээс давсан үед нисэх онгоц газраас дээш хөөрч, нисдэг.

Үүнтэй адилаар, бид сүнсний амьдралдаа өргөгдөж чадна. Биднийг тэнгэр өөд өргөх хүч нь уруу таталт, гай зовлонгоос илүү байгаа үед бид дээш өргөгдөж, Сүнсний орчинд дүүлэн нисэж чадна.

Биднийг өргөхөд тусалдаг сайн мэдээний олон зарчим байдаг ч би нэг л зарчим дээр тусгайлан анхаарал төвлөрүүлэхийг хүсэж байна.

Залбирал!

Залбирал бол өргөлтийг бий болгодог сайн мэдээний зарчмуудын нэг юм. Залбирал нь биднийг дэлхийн санаа зовоодог зүйлсээс болон цөхрөл гутралын үүлс дундуур туулан, харанхуйгаас гэрэл гэгээтэй, цэлмэг тэнгэр рүү өргөн гаргах хүчтэй.

Тэнгэрлэг Эцэгийн хүүхдүүд бидэнд байдаг агуу адислал, онцгой хувь тавилан хийгээд боломжуудын нэг бол бид залбирлаар дамжуулан Түүнтэй харилцаж чаддаг явдал мөн. Бид амьдралынхаа туршлага, хүнд сорилт, адислалуудын тухай Түүнд ярьж, Ариун Сүнсийг сонсож мөн ямар ч цагт, хаана ч селестиел удирдамжийг нь хүлээн авч чадна.

(Дийтр Ф.Угдорф, “Залбирал ба хөх тэнгэр,” Ensign эсвэл Лиахона, 2009 оны 6-р сар, 3–5-ыг үзнэ үү)