Миний суурь зарчим: Ариун сүмийн ёслолуудыг хүлээн авах

Дээд талын хугацаа: 20 минут

Тунгаан бод:

Таны хувьд хамгийн чухал зарим зүйл юу вэ?

Үз:

“Хамгийн чухал зүйлсээ хийх нь” видео бичлэг Srs.lds.org/videos дээр байгаа. (Видео бичлэг байхгүй бол Энэ бүлгийн төгсгөл дэх бичвэрийг уншина уу.)

Ярилц:

Биднийг өсөж хөгжихөд ямар шалихгүй зүйлс анхаарлыг маань сарниулдаг вэ? Сайн мэдээний ёслолууд бидэнд хэрхэн тусалдаг вэ?

Унш:

Ерөнхийлөгч Боид К.Пакэрын хэлсэн үгээс авсан эшлэлийг унш.

Ерөнхийлөгч Боид К.Пакэр

“Биднийг ариун сүмийн ёслолуудын ариун нандин ажилд оролцоход Их Эзэн адислах болно. Бид бүх үйл хэрэгтээ адислагдах болно. Бид сүнслэг болон материаллаг байдалдаа Их Эзэний тусламжийг хүлээн авах эрхтэй болно.”

The Holy Temple (1980), 182

Ярилц:

Бид бие даасан байдалтай болохыг эрэлхийлэх үедээ ариун сүмд орохуйц зохистой байх нь яагаад чухал вэ?

Үйл ажиллагаа (5 минут)

1-р алхам: Хамтрагчтайгаа ахлагч Квинтин Л.Күкийн хэлсэн үгээс авсан эшлэл болон дараах судрыг унш. Ариун сүмд орж шүтэн биширдэг хүмүүст амлагдсан адислалуудын талаар бод.

Ахлагч Квинтин Л.Күк

“Бид Сургаал ба Гэрээний 109-р хэсгийг сайтар судлаад, ерөнхийлөгч [Ховард В.] Хантэрын бидний гишүүнчлэлийн агуу бэлгэ тэмдэг болгон, Их Эзэний ариун сүмийг босгох уриалгыг дагавал бидэнд сайн зүйлс ирнэ.”

“Өөрийгөө ариун сүмд байгаагаар хар,” Ensign, May 2016, 99 эсвэл 2016 оны 4-р сарын Ерөнхий чуулган, 83–87; Teachings of Presidents of the Church: Howard W. Hunter(2015), 178.

“Тиймийн тул, үүний ёслолуудад бурханлиг чанарын хүч илэрхийлэгддэг” (С ба Г 84:20).

“Мөн тэд танд өсөхийн тулд, мөн Ариун Сүнсний бүрэн байдлыг хүлээн авч, мөн таны хуулиудын дагуу зохион байгуулагдаж, мөн хэрэгтэй юм болгоныг олж авахад бэлтгэгдэж болохын тулд буюу” (С ба Г 109:15).

“Мөн таны хүмүүсийн хэн нь ч зөрчил гаргахад, тэд нэн түргэнээр наманчилж мөн танд эргэн ирж мөн таны мэлмийд ээл хишгийг олж, мөн таны өргөөнд таныг хүндэтгэн бишрэх тэдэн дээр юүлэгдэхээр таны томилогдсон адислалуудад сэргээгдэж болохын тулд буюу” (С ба Г 109:21).

“Мөн Ариун Эцэг минь, таны үйлчлэгчид энэ өргөөнөөс таны сүр хүчээр зэвсэглэн урагш одож болохын тулд, мөн таны нэр тэдэн дээр байж болохын тулд мөн таны алдар суу тэдний эргэн тойронд байж болохын тулд, мөн таны тэнгэр элчүүд тэдний дээр захирч байхын тулд бид танаас гуйж байна” (С ба Г 109:22).

“Ариун Эцэг минь, … Тэдний эсрэг бий болсон зэр зэвсэг амжилтад хүрэхгүй байхыг … бид танаас гуйж байна” (С ба Г 109:24–25).

2-р алхам: “Би ариун сүмийн ёслолуудад илүү олон удаа оролцохын тулд амьдралдаа юуг өөрчлөх хэрэгтэй вэ?” гэж ганцаараа байхдаа тунгаан бод. Та санаагаа доорх зайд бичнэ үү.

Амлалт өг:

Долоо хоногийн турш дараах үйлдлүүдийг хийхээр амла.

• Хэрэв танд ариун сүмийн эрхийн бичиг байгаа бол ариун сүмд орох өдрөө товло.

• Хэрэв танд ариун сүмийн эрхийн бичиг байхгүй бол ариун сүмийн адислалуудыг хүлээн авахад хэрхэн бэлтгэж болох тухай ярилцахаар бишоптойгоо эсвэл салбарын ерөнхийлөгчтэйгөө уулз.

• Ариун сүмийн ёслолуудын талаар сурч мэдсэн зүйлээ гэр бүлийнхэн, найз нөхөдтэйгөө хуваалц.

Хамгийн чухал зүйлсээ хийх

Хэрэв видео бичлэгийг үзэх боломжгүй бол бүлгийн нэг гишүүнийг сонгож, дараах бичвэрийг уншуулна уу.

Хамгийн чухал зүйлсээ хийх

Өгүүлэгч: Нэгэн онгоц 12-р сарын нэг орой Флоридад осолдсон юм. 100 гаруй хүний амь эрсдэв. Энэ нь аюулгүй бүсээс ердөө 40,23 км зайд болсон байв.

Ерөнхийлөгч Дийтр Ф.Угдорф: Ослын дараа шинжээчид шалтгааныг нь тогтоосон юм. Газардахад хэрэглэгддэг төхөөрөмж нь доошлох үед хэвийн ажиллаж байжээ. Онгоцны бүх механизм маш сайн ажиллаж байсан аж. Ганцхан зүйлээс бусад бүх зүйл ном ёсоороо ажиллаж байв. Ердөө ганцхан шатсан гэрлийн шил. Ойролцоогоор хорьхон центийн үнэтэй жижигхэн гэрлийн шил бөөн хэрэг мандуулж, зуу гаруй хүний амь насыг харамсалтайгаар авч одсон билээ.

Мэдээж, тэр ажиллагаагүй болсон гэрлийн шил осол гаргаагүй л дээ. Энэ нь нисэх багийнхан тухайн үед чухал мэт санагдсан зүйл дээр бүх анхаарлаа төвлөрүүлээд, хамгийн чухал зүйлийнхээ талаар мартсанаас болсон.

Хамгийн чухал зүйлст биш, өчүүхэн жижиг зүйлст хамаг анхаарлаа төвлөрүүлдэг нь зөвхөн нисгэгчдэд ч биш, бид бүгдэд тохиолддог. Бид бүгд аюулд учирч болно. … Таны зүрх сэтгэл, бодол санаа тухайн үед чухал мэт санагдах агшин зуурын зүйлүүд дээр төвлөрч байна уу? Эсвэл та хамгийн чухал зүйлсийн тухай бодож байна уу?

(“Бид агуу ажил хийж байна. Тиймээс ухарч болохгүй,” Ensign, May 2009, 59, 60 эсвэл 2009 оны 4-р сарын Ерөнхий чуулган, 69–72)