Бүлгийн гурван гишүүнийг сонгоод, дараах бичвэрийг уншуул.
Сэйж: Сайн байна уу. Намайг Сэйж гэдэг. Би хувийн бизнес эхлүүлье гэж бодож байгаа. Тиймээс би гадуур явж, бусад хүн юу хийж байгааг харж танилцъя гэж бодсон. Би ингэж явж байгаад Омар, Анна гэсэн энэ хостой уулзсан юм. Та нар ямар бизнес эрхэлдэг вэ?
Омар: Бид ойролцоогоор жилийн өмнөөс эхлэн явуулын, тос солих бизнес эхлүүлсэн.
Анна: Тэр бүх дуудлагыг арай гэж биелүүлдэг.
Омар: Тос сольдог газрууд тос солиход ихэвчлэн 29,95-ыг авдаг. Бид үнээ бага зэрэг багасгах юм бол олон дуудлага авах юм байна гэж тооцоолсон.
Анна: Бид бас үйлчлүүлэгч дээрээ очдог. Тэд муухай үнэртэй хүлээлгийн өрөөнд хуучин сонин унших шаардлагагүй. Бид ажил дээр нь эсвэл машиных нь байгаа газарт шууд очдог.
Сэйж: Үнэхээр боломжийн юм гээч. Та хоёрт засварын газар байхгүй юм чинь тэр тал дээр зардал гардаггүй юм байна. Та хоёр ашиг сайн олж байна уу?
Омар: Бид бага зэрэг ажлын хөлс өөрсдөдөө авдаг, бас нэг ажлаас 3-4%-ийн ашиг олдог.
Анна: Бид чулуунаас болж хагарсан шилийг засах, шил арчигч солих гэх мэт үйлчилгээг нэмье гэж бодсон л доо.
Омар: Машинд маань хангалттай зай байхгүй. Тэгээд ч бид тэр их эд ангийг зээлээр худалдаж авчихаад хэн нэгний захиалга өгөхийг хүлээхийг хүсэхгүй байна.
Анна: Бид зарлагаа бага байлгамаар байна.
Сэйж: Надтай ярьсанд тань баярлалаа. Би энэ бизнесийг эрхлэх байсан уу? гэж би бодож үзлээ л дээ.
Бүлгийн хоёр гишүүнийг сонгоод, дараах бичвэрийг уншуул.
Вивэк: За, би энд Антониотой сууж байна л даа …
Антонио: Сайн байна уу?
Вивэк: Антонио шинэ бизнесээ эхлүүлэхээр төлөвлөж байгаа.
Антонио: Гутал засварын газар. Манай энэ хавиар гутал засварын газар байдаггүй л дээ. Тиймээс би зуны цагаар өөр хотод ажиллаж, энэ мэргэжлийг эзэмшсэн.
Вивэк: Тийм үү, гайхалтай. Чамд хэрэгтэй бүх материал, багаж хэрэгслийн жагсаалт байгаа бололтой.
Антонио: Тийм ээ. Урт жагсаалт.
Вивэк. За. Та надад жагсаалтаа уншиж өгвөл яаж байна?
Антонио: Гудамж руу харсан байр, ажлын сайн ширээ, сандал, 11.35 литр цавуу, арьс шир, резинэн ул, амьсгалын баг, шинэ оёдлын машин, гаднаа тавих тэмдэг, хүргэлт хийх машин.
Вивэк: Үнэхээр урт жагсаалт байна шүү!
Антонио: За, ийм л зүйлс надад хэрэгтэй байна даа.
Вивэк: Хэдэн төгрөг болно гэж чи бодож байна?”
Антонио: Сайн мэдэхгүй байна. Ойролцоогоор 20000 болох байх.
Вивэк. За. Чиний зардлыг хувьсах болон тогтмол зардал гэж хоёр ангилалд хуваах хэрэгтэй гэж бодож байна.
Антонио: Яагаад? Ямар ялгаатай юм бэ?
Вивэк: Гутал засахад ашигладаг ямар ч материал хувьсах зардал болдог.
Антонио: Цавуу, ул, арьс шир орох юм байна.
Вивэк: Яг зөв. Чиний хийх ажлын хэмжээ сар бүр өөр өөр байх тул эдгээр зардлыг хувьсах гэж нэрлэдэг. Хэрэв олон гутал засах юм бол цавуу, ул, арьс ширэнд их мөнгө зарцуулна гэсэн үг. Хэрэв ажил бага орж ирэх юм бол цавуу, ул, арьс ширэнд бага мөнгө зарцуулна гэсэн үг. Хүмүүсийн бараг боддоггүй өөр нэг хувьсах зардал байдаг. Тэр бол чиний цаг хугацаа. Нэг гутал засахын тулд хэр хэмжээний хугацаа зарцуулахаа бодох хэрэгтэй.
Антонио. Ойлголоо. Тэгвэл тогтмол зардал гэж юу вэ?
Вивэк: Тогтмол зардал гэдэг нь өөрчлөгддөггүй зардлыг хэлдэг. Та хэдэн ч гутал зассан бай, тэдгээрийг төлөх хэрэгтэй.
Антонио: Тийм бол ажлын ширээ, гаднах тэмдэг, хүргэлтийн машины төлбөрийг би юу ч болж байсан төлөх хэрэгтэй юм байна. Тогтмол зардлаа аль болох бага байлгах нь миний хувьд ухаалаг шийдвэр байх юм байна.
Вивэк: Яг тийм. Та урт хугацааны өндөр төлбөрөөс аль болох зайлсхийх хэрэгтэй. Тогтмол зардлын хувьд юу ч болж байсан таны халааснаас сар бүр гарна. За, тэгэхээр та нэг гутал зассаныхаа хөлсөнд хэдэн төгрөг авах вэ?
Антонио: Жарыг. Ийм үнэтэй байвал ашиг сайтай байна гэж бодогдсон.
Вивэк: Бид бас ул, арьс шир, цавуу, чиний зарцуулсан цагийн зардлыг тооцоолох хэрэгтэй.
Антонио: Бүх хувьсах зардлыг.
Вивэк: Яг тийм. Дараа нь тогтмол зардал дээр нэмэх хэрэгтэй. Жагсаалтаа дахиад нэг харах уу?
Антонио: Заримыг нь хасах хэрэгтэй юм шиг надад бодогдож байна.
Вивэк: За, жагсаалтан дахь бүх тогтмол зардлыг буюу 18000-ыг төлөх хэрэгтэй гэж бодъё. Тэгвэл чи хамгийн багадаа 300 хос гутал засаж байж, тогтмол зардлаа барагдуулна. Энд хувьсах зардал болох арьс шир, цавуу, ажил гүйцэтгэхэд зарцуулах цаг хугацааны үнэ ороогүй гээд бод.
Антонио: Зөвхөн тогтмол зардлаа төлөхийн тулд 300 хос гутал засах хэрэгтэй гэж үү?
Вивэк: Яг ч тийм биш л дээ. Үүнээс гадна түлш, машины засвар үйлчилгээ, сар бүрийн түрээс, ус, цахилгааны төлбөр гэх мэт авч үзээгүй өөр тогтмол зардлууд танд бий.
Антонио: Энэ хурдан нэмэгдэж байна шүү. Бизнесээ зөвхөн хувьсах зардал дээр тулгуурлан босговол илүү тохирох юм болов уу?
Вивек: Тогтмол зардлыг аль болох хассан нь дээр. Жагсаалтыг чинь дахиад нэг харья. За, гаражаа засварын газар болгож засъя гэж бодъё. Тэгвэл түрээс төлөх хэрэггүй. Машин худалдаж авахын оронд хувийн машинаараа материалаа худалдан авч, тээвэрлэж болно.
Антонио: Пөөх. Ямар их мөнгө хэмнэж байна аа! Зам руу харсан байранд биш болохоор үйлчлүүлэгчид над дээр ирэх болов уу?
Вивэк: Энэ нь өөрөөс чинь л шалтгаална. Чи хамгийн түрүүнд тэдэнд үгээ хүргэхийн тулд зар сурталчилгаандаа бүтээлч хандах ёстой. Чи бизнестээ амжилтад хүрэх боломж олгох хэрэгтэй бөгөөд янз бүрийн зардалд дарагдах юм бол дампуурах нь гарцаагүй.
Антонио: Миний зун ажиллаж байсан гутал засварт зам руу харсан ажлын байр, бүх багаж хэрэгсэл байсан шүү дээ.
Вивэк: Тэд тийм түвшинд хүрэхийн тулд хэчнээн жил ажилласан гэж чи бодож байна?
Антонио: Өө, би мэдэхгүй юм байна.
Вивек: Тэр багаас эхэлж, эхнээсээ л ашигтай ажиллаж эхэлсэн гэж би бодож байна. Харин бизнес нь өргөжин тэлэх үед олсон ашгийнхаа хэдэн хувийг аваад, шинэ машин техник, зам руу харсан байр авсан байх.
Антонио: Тэгэхээр тэр хэзээ ч өр зээл тавьж байгаагүй гэсэн үг үү?
Вивэк: Яг зөв. Хамгийн гол нь тэр зардлаа ухаалгаар зохицуулсан байх. Түүний хувьсах зардалд цаг хугацаанаас гадна материалын үнэ өртөг бас орсон байж таарна. Тэр бас бага ч гэсэн тогтмол зардлаа төлөх хангалттай мөнгө олоход анхаарсан байх.
Антонио: За за. Бизнесээ эхлүүлэхэд ямар ч байсан надад цөөн хэдэн зүйл хэрэгтэй.
Вивэк: Тэгэлгүй яахав. Хамгийн гол нь чи арвич хямгач, авхаалж самбаатай байх ёстой. Хуучин хэрэглэж байсан материалыг ашиглахаас бүү эмээ. Өөрт байгаагаа ашиглаж, гарцаагүй хэрэгтэй бол зээлж, хэрэг гарвал найз нөхдөөсөө ч гэсэн тусламж гуйж болно. Чиний зарцуулсан бүх мөнгө халаасанд чинь орж болох байсан гэдгийг бүү март.
Антонио: Ойлголоо.
Вивэк: Хамгийн сүүлд нэг зүйл хэлье. Надад шинэ ул тавиулах хэрэгтэй гутал байгаа.
Антонио: Тэр тал дээр ч харин би тусалж чадна шүү! Гэхдээ надад нэг хүсэлт байна.
Вивэк: Бололгүй яах вэ.
Антонио: Чи бүх найздаа намайг ямар сайн зассаныг хэлээрэй.
Вивэк: Зөв сэтгэж байна шүү!