Миний суурь зарчим: Есүс Христэд итгэх итгэлээ хөгжүүлэх

Дээд талын хугацаа: 20 минут

Тунгаан бод:

Есүс Христэд итгэх миний итгэл бие даах чадварт маань хэрхэн нөлөөлдөг вэ?

Үз:

“Есүс Христэд итгэх итгэлээ хөгжүүл” видео бичлэг srs.lds.org/videos дээр байгаа. (Видео бичлэг байхгүй бол энэ бүлгийн төгсгөл дэх бичвэрийг уншаарай.)

Ярилц:

Жинхэнэ итгэл яагаад үргэлж үйлдэл рүү хөтөлдөг вэ? Яагаад Бурханаас материаллаг болон сүнслэг тусламж авахад итгэл шаардлагатай вэ?

Унш:

Матай 6:30 болон Lectures on Faith дээрх эшлэл.

Матай 6:30

“Өнөөдөр амьд байгаад, маргааш зууханд хаягдах хээрийн өвсийг Бурхан ийнхүү гоёдог бол тэгэх тусмаа Тэр та нарыг илүү хувцаслахгүй гэж үү, өчүүхэн итгэлтнүүд ээ?”

Lectures on Faith

“Бүх хүчин чармайлт чинь итгэл дээр тулгуурладаг бус уу? … Бид хүлээн авдаг бүх материаллаг адислалаа итгэлээр хүлээн авдгийн адил хүлээн авдаг бүх сүнслэг адислалаа итгэлээр хүлээн авдаг. Гэвч итгэл бол үйлдлийн зарчим төдийгүй хүч чадлын зарчим мөн.”

(1985), 2, 3

Үйл ажиллагаа (5 минут)

Бие даасан байдалтай болох зам нь итгэлийн аялал юм. Тэргүүн Зөвлөл, Арван хоёр Төлөөлөгчийн Чуулга биднийг Тэнгэрлэг Эцэг, Түүний Хүү Есүс Христэд итгэх итгэлээ хөгжүүлэх явдлыг амьдралдаа эн тэргүүнд тавихад урьдаг.

1-р алхам: Бүлгээрээ хамтдаа доорх эн тэргүүнд тавих бошиглол болон амлалтыг унш.

Эн тэргүүнд тавих бошиглол ба амлалт
“Энэ мэдэгдэл ямар агуу болохыг бодоод үз! Хүндэтгэлийн өдрийг ариунаар сахидаг хүмүүст дэлхийн бүрэн байдал амлагдсан” (Рассэлл М.Нэлсон, “Хүндэтгэлийн өдөр нь баясгалант өдөр билээ,” Ensign, May 2015, 130 эсвэл 2015 оны 4-р сарын Ерөнхий чуулган, 123; мөн С ба Г 59:16-г үзнэ үү).
“Сүнслэг байдал бол идэвхгүй зүйл биш бөгөөд [ариун ёслолын] гэрээнүүд ч адил юм. Гэрээнүүд нь шийдэмгий байдал төдийгүй сүнслэг хүчийг авчирдаг” (Нийл Л.Андэрсэн, General Authority training meeting, 2015 оны 4-р сар).
“[Мормоны Ном] та нарын амьдралд хувийн ‘Урим ба Туммим’ болж чадна гэдгийг би гэрчилж байна” (Richard G. Scott, “The Power of the Book of Mormon in My Life,” Ensign, Oct. 1984, 11).

2-р алхам: Хүндэтгэлийн өдрийг итгэлтэйгээр сахиж, ариун ёслолоос хүртэж, Мормоны Номыг унших нь илүү бие даахад хэрхэн туслах талаар ярилц.

Амлалт өг:

Долоо хоногийн турш дараах үйлдлүүдийг хийхээр амла.

• Энэ ням гарагт Хүндэтгэлийн өдрийг ариунаар сахиж, ариун ёслолоос хүндэтгэл бишрэлтэй хүртэж, итгэлээ харуул.

• Өдөр бүр Мормоны Номоос унш.

• Аль нэгийг сонгоод, гэр бүл, найзуудтайгаа хуваалц.

Итгэлээ үйлдлээр харуулсныг тусгасан судрууд

Даниел залбирахаа зогсоохгүй байсны учир тэрээр арслангийн үүрэнд хаягдсан ч “Бурхан … тэнгэр элчээ илгээж, арслангуудын амыг тагласанд арслангууд түүнд хор учруулсангүй. …тэрээр Бурхандаа итгэснийх бөлгөө” (Даниел 6:22–23; мөн 16–21-р шүлгийг үзнэ үү).

Их Эзэн Лихайд гэр бүлээ удирдах Лиахонаг өгсөн бөгөөд “Мөн энэ нь тэдний төлөө Бурханд итгэх итгэлийнх нь дагуу ажилладаг байжээ; . . . Тэд хойрго байж, мөн итгэлээ бас хичээнгүй байдлаа бодитой болгохоо мартсан [үед] мөн тэд аян замдаа урагшилсангүй” (Aлма 37:40–41).

“Миний өргөөнд… бүхий л аравны нэгээ агуулахад авчир. Би та нарын төлөө тэнгэрийн цонхыг нээж, та нарын төлөө ивээлийг хальтал асгах эсэхийн талаар Намайг одоо үүгээр шалга” (Maлахи 3:10).

Өлсгөлөнгийн үеэр, Елиа өөрт нь сүүлчийн хоолоо өгөхийг нэгэн бэлэвсэн эмэгтэйгээс хүсжээ. Елиа түүнд итгэлийнх нь учир Их Эзэн хоол хүнсээр хангаж, түүний хоол хэзээ ч дуусахгүй хэмээн амлажээ. (1 Хаадын 17-г үзнэ үү.)

“Ядуус ба үгээгүйчүүд ус эрэх боловч байхгүй. Цангаснаас болж хэл нь хатаж байна. ЭЗЭН Би Өөрөө тэдэнд хариулж, Израилийн Бурхан Би тэднийг мартахгүй” (Исаиа 41:17-г мөн 18-р шүлгийг үзнэ үү).

Есүс Христэд итгэх итгэлээ хөгжүүл

Хэрэв видео бичлэгийг үзэх боломжгүй бол бүлгийн нэг гишүүнийг сонгож, дараах бичвэрийг уншуулна уу.

Есүс Христэд итгэх итгэлээ хөгжүүлэх

Ахлагч Дэвид А.Бэднар: Үйлдэл хийх нь итгэлээ хөгжүүлж буй хэрэг юм. Израилын угсааныхан гэрээний авдрыг авч явж байжээ. Тэд Иордан гол дээр ирэв. Тэд хуурай газраар гатална гэсэн амлалт хүлээж авсан байв. Ус хэзээ хуваагдсан бэ? Тэднийг хөлөө дүрэх үед. Тэд гол руу алхаж орсон. Үйлдсэн. Хүч ирсэн бөгөөд ус хуваагдсан.

Бид ихэвчлэн “Би төгс ойлголттой болсныхоо дараа үүнийгээ хийдэг зүйлдээ тусгах болно” гэж итгэдэг. Бидэнд эхлэх хангалттай зүйл байгааг би хэлмээр байна. Бидэнд зөв зүг рүү явах зөн совин бий. Итгэл бол үйлдэл, хүч чадлын зарчим юм. Жинхэнэ итгэл Есүс Христ дээр төвлөрч, үргэлж үйлдэл рүү хөтөлдөг.

(“Seek Learning by Faith” [address to Church Educational System religious educators, Feb. 3, 2006), lds.org/media-library-ийг үзнэ үү.)