Миний суурь зарчим: Цагаа ухаалаг ашиглах

Дээд талын хугацаа: 20 минут

Тунгаан бод:

Яагаад цаг хугацаа Бурханы хамгийн агуу бэлгүүдийн нэг байдаг вэ?

Үз:

“Цаг хугацаа бол бэлэг” видео бичлэг srs.lds.org/videos дээр байгаа. (Видео бичлэг байхгүй бол энэ бүлгийн төгсгөл дэх бичвэрийг уншина уу.)

Ярилц:

Та нар Бэнкоси эгчээс юу олж мэдсэн бэ?

Унш:

Алма 34:32 ба ерөнхийлөгч Бригам Янгийн хэлсэн үгээс авсан эшлэл.

Алма 34:32

“Учир нь болгоогтун, энэ амьдрал бол хүмүүн Бурхантай уулзахаар бэлтгэх үе; тийм ээ, болгоогтун энэ амьдралын өдөр бол хүмүүн өөрсдийн хөдөлмөрийг гүйцэтгэх өдөр юм.”

Бригам Янг

“Цаг бол дэлхий дээрх хамгийн чухал хөрөнгө юм. … Зөв ашиглавал энэ нь тав тух, давуу байдал, сэтгэл ханамж зэргийг тань нэмэгдүүлэх зүйлсийг авчрах болно. Үүнийг анхаарч, хойшид цагаа дэмий үрэн, гараа хумхин суухгүй байцгаая.”

Discourses of Brigham Young, sel. John A. Widtsoe (1954), 214

Үйл ажиллагаа (5 минут)

1-р алхам: Өдөр бүр цагаа сайн ашиглахын тулд хийж болох дараах таван алхмыг хамтрагчтайгаа хамт унш.

1. Хийх зүйлсийнхээ жагсаалтыг гарга	2. Залбир	3. Чухал зүйлсээ тодорхойл	4. Зорилго тавь, үйлд	5. Тайлагна
Өглөө бүр хийх ажлынхаа жагсаалтыг гарга. Үйлчлэх хүмүүсийнхээ нэрсийг нэмж бич.	Удирдамж хүсэн залбир. Хийх зүйлсийнхээ жагсаалтаа шинэчил. Сонс. Хамгийн сайнаараа хийх амлалт өг.	Хийх ажлын жагсаалтан дээрх хамгийн чухал ажлаа 1, дараагийнхыг 2 гэх мэтээр дугаарла.	Сүнсийг сонс. Зорилго тавь. Шаргуу ажилла. Хамгийн чухал ажлаасаа эхлээд, бичсэн жагсаалтынхаа дагуу ажилла.	Орой бүр Тэнгэрлэг Эцэгт хандан залбирч, тайлагна. Aсуулт тавь. Сонс. Наманчил. Түүний хайрыг мэдэр.

2-р алхам: Цаасан дээр өдрийн болон долоо хоног тутмын ажлаа жагсааж бич. Эдгээр нь өдөр тутам хийдэг энгийн ажил үүрэг гэхээсээ таны ажил, сургууль, сүм эсвэл гэр бүлийн үйлчлэл гэх мэт чухал ажил үүргүүд байвал сайн. Жагсаалтаа эрэмбэлээд, энэ талаар залбир.

3-р алхам: Та маргаашаас эхлэн зорилго тавьж, цагаа хэрхэн ашигласнаа Тэнгэрлэг Эцэгтээ тайлагна.

Амлалт өг:

Энэ долоо хоногт дараах үйлдлүүдийг хийхээр амла.

• Цагаа илүү ухаалаг ашиглахын тулд дээр дурдсан 5 алхмаар өдөр бүр дадлага хий. Орой бүр Тэнгэрлэг Эцэгт хандан залбирч, тайлагна.

• Өнөөдөр цагаа ухаалаг ашиглах талаар сурч мэдсэн зүйлээ гэр бүлийнхэн, найз нөхөдтэйгөө хуваалц.

Цаг хугацаа бол бэлэг

Хэрэв видео бичлэгийг үзэх боломжгүй бол бүлгийн нэг гишүүнийг сонгож, дараах бичвэрийг уншуулна уу.

Дуулгавартай байдал адислалуудыг авчирдаг

Кофи: Сайн байна уу, Бэнкоси эгч ээ. Сайн байна уу?

Бэнкоси эгч: Чи зүгээр үү, Кофи?

Кофи: Өө, Бэнкоси эгч ээ. Би үнэхээр завгүй байна. Би ажиллаж, үйлчилж, гэр бүлдээ туслах хэрэгтэй байна.…бас тэгээд хөл бөмбөг. Надад ямар ч цаг алга!

Бэнкоси эгч: Кофи, чамд хангалттай цаг байгаа.

Kофи: Юу гэсэн үг вэ?

Бэконси эгч: Хүү минь, Бурхан чамд агуу бэлэг болох цаг хугацааг өгсөн. Бид үүнийг ашиглан, хамгийн чухал зүйлсийг хийх ёстой.

Кофи: Гэхдээ, яаж Бэнкоси эгч ээ? Та үргэлж маш их зүйлийг хийсээр ирсэн. Та гэр бүл, бизнесийн хувьд амжилттай байдаг. Та үйлчлэл хийж, над шиг олон хүнийг адисалсан. Би таныг яаж энэ бүхнийг амжуулдгийг мэдэхгүй байна.

Бэнкоси эгч: Чи үнэхээр мэдэхийг хүсэж байна уу? Чамайг суугаад сонсвол би нууцаа хэлье.

Би өглөө бүр нар мандахаас өмнө босдог. Би хувцсаа өмсөж, нүүр гараа угаагаад,

судраа уншиж, дараа нь тэр өдөр хийх зүйлсийнхээ жагсаалтыг гаргадаг.

Би үйлчилж чадах хэн нэгний талаар боддог. Бас Бурханы хүслийг мэдэхээр залбирдаг. Тэгээд сонсдог.

Заримдаа хүмүүсийн нэр эсвэл царай төрх оюун санаанд минь орж ирдэг. Би тэдгээрийг жагсаалтдаа нэмж бичдэг.

Кофи: Та хэнд үйлчлэх хэрэгтэй байгааг үргэлж ийм аргаар мэдэж авдаг уу?

Бэнкоси эгч: Тийм ээ, Кофи. Би хүч чадал, удирдамжийн төлөө залбирдаг. Бурхан “[миний] үйлийг ариулахын тулд” би залбирдаг. Энэ нь 2 Нифай 32 дээр байдаг.

Би Түүнд талархаж, хамгийн сайнаараа хийх болно гэж амладаг. Түүнээс өөрийнхөө чадахгүй зүйлсийг хийж өгөхийг би гуйдаг.

Дараа нь би жагсаалтаа хардаг. Би хамгийн чухал зүйлээ 1, дараа нь 2 гэж дугаарладаг.

Кофи: Та чухал зүйлсээ яаж мэддэг вэ?

Бэнкоси эгч: Би залбирч байхдаа сонсдог! Тэгээд ажиллахаар явдаг. Би 1 гэсэн дугаарт бичсэн ажлаа харж, үүнийг хамгийн түрүүнд хийхийг хичээдэг. Дараа нь хоёрдугаархыг гэх мэт.

Заримдаа төлөвлөгөө өөрчлөгддөг. Ариун Сүнс надад өөр зүйл хийх хэрэгтэй хэмээн шивнэдэг. Энэ бол сайн зүйл юм.

Би маш шаргуу ажилладаг ч амар амгаланг мэдэрдэг мөн Бурхан надад тусална гэдгийг ч мэддэг.

Ингэж би гаргасан жагсаалтынхаа болон Сүнсний тусламжтайгаар хамгийн чухал зүйлсээ хийдэг юм, Кофи.

Кофи: Энэ нь энгийн байхын зэрэгцээ хэцүү юм шиг сонсогдож байна.

Бэнкоси эгч: Чиний зөв! Би эцэст нь унтахаар бэлдэж байхдаа залбирч, Тэнгэрлэг Эцэгт тайлагнадаг. Өдөр хэрхэн өнгөрснийг би Түүнд хэлдэг. Би асуулт тавьдаг. Би юуг илүү сайн хийж чадахаа асуусны дараа сонсдог бөгөөд үргэлж Түүний хайрыг мэдэрдэг. Тэр миний хийхээр хичээж буй зүйлсийг эрхэмлэн үнэлдгийг би мэднэ. Тэгээд би амар амгаланг мэдрээд унтдаг даа, Кофи.

Кофи: Сайхан юм аа, Бэнкоси эгч ээ. Би ийм амар амгалан олж авахыг хүсэж байна. Би цагаа ашиглахыг, илүү сайн ажиллаж, үйлчлэхийг хүсэж байна.