Миний суурь зарчим: Асуудлаа шийдвэрлэ

Дээд талын хугацаа: 20 минут

Тунгаан бод:

Яагаад Тэнгэрлэг Эцэг биднийг асуудал болон хүндрэл бэрхшээлтэй тулгарахыг зөвшөөрдөг вэ?

Үз:

“Илүү том ачааны машин уу?” видео бичлэг srs.lds.org/videos дээр байгаа. (Видео бичлэг байхгүй бол энэ бүлгийн тѳгсгѳл дэх бичвэрийг уншина уу.)

Ярилц:

Энд өгүүлж буй жинхэнэ асуудал юу вэ? Энэ хоёр хүнд ямар ямар сонголт байна вэ?

Унш:

Сургаал ба Гэрээ 9:7–9 ба ахлагч Робэрт Д.Хэйлсийн хэлсэн үгээс авсан эшлэл.

Сургаал ба Гэрээ 9:7–9

“Болгоогтун, чи ойлгосонгүй; чи надаас асуухаас өөрөөр санаа тавиагүй байхад чинь, би үүнийг чамд өгөх юм шигээр чи бодсон байна.

Гэвч, болгоогтун, би чамд хэлнэ, чи үүнийг оюундаа тунгаан бодох ёстой; дараа нь энэ нь зөв үү гэдгийг чи надаас асуух ёстой, мөн энэ нь зөв аваас цээжин биеийг чинь чиний дотор шатахаар болгоно би; тиймийн тул, энэ нь зөв юм байна гэдгийг чи мэдрэх болно.

Гэвч энэ нь зөв биш аваас чамд ийм мэдрэмж байхгүй байх болно, харин буруу зүйлийг мартахад чамайг хүргэх дүйнгэ бодол санаа чамд байх болно.”

Ахлагч Робэрт Д.Хэйлс

“Их Эзэн бидэнд өөрсдийнхөө асуудлыг өөрсдөө шийдэхэд туслахыг хүсдэг.… Бид бол сэтгэн боддог оюун ухаант хүмүүс. Бидэнд хэрэгцээгээ тодорхойлох, төлөвлөх, зорилго тавих, асуудлуудаа шийдвэрлэх чадвар байдаг.”

“Every Good Gift,” New Era, Aug. 1983, 8,9

Үйл ажиллагаа (5 минут)

1-р алхам: Доорх хайрцган доторх асуудал шийдвэрлэх загварыг ганцаараа унш.

Асуудал шийдвэрлэх загвар

2-р алхам: Тулгарч буй нэг асуудлаа сонгоод, доор бич.

3-р алхам: Долоо хоногийн турш цаг гаргаж, асуудал шийдвэрлэх загварын алхам бүрийг өөрийн асуудалд хэрэгжүүл. Хариултаа доорх зайд бич.

(1) Тодорхойлох:

(2) Сонголтуудыг судлах:

(3) Шийдвэрлэх мөн үйлдэх:

Унш:

1 Нифай 17:51 ба 1 Нифай 18:2–3

1 Нифай 17:51

“Мөн эдүгээ, хэрэв Их Эзэн ийм агуу их хүчтэй байж, мөн хүмүүний үрсийн дунд ийм олон гайхамшгийг гүйцэлдүүлсэн бол, усан онгоц барихыг яахан тэрээр надад зааварлаж болохгүи байх билээ?”

1 Нифай 18:2–3

“Эдүгээ би, Нифай, дүнз модыг хүмүүсээр сургагдсан тэр маягаар бэлтгэсэнгүй, хүмүүсийн барьдаг тийм маягаар ч усан онгоцыг би бас барьсангүй; харин би Их Эзэн надад үзүүлсэн тэр маягаар барьсан билээ; иймийн тул, энэ нь хүмүүсийнхтэй адил байсангүй.

Мөн би, Нифай, байн байн ууланд гарч, мөн би Их Эзэнд дахин дахин залбирсан бөлгөө; иймийн тул Их Эзэн надад агуу зүйлийг үзүүлэв.”

Ярилц:

Нифай усан онгоцыг хэрхэн барьж чадсан бэ?

Амлалт өг:

Долоо хоногийн турш дараах үйлдлүүдийг хийхээр амла.

• Асуудлаа шийдвэрлэж эхлэхийн тулд үйл ажиллагаан дээр ярилцсан алхмуудынхаа дагуу үйлд. Бууж өгч болохгүй гэдгээ сана! Асуудлыг шийдвэрлэж, өөрчлөхөд цаг хугацаа шаардагддаг.

• Өнөөдөр асуудал шийдвэрлэх талаар олж мэдсэн зүйлээ гэр бүлийнхэн, найз нөхөдтэйгөө хуваалц.

Илүү том ачааны автомашин уу?

Хэрэв видео бичлэгийг үзэх боломжгүй бол бүлгийн нэг гишүүнийг сонгож, дараах бичвэрийг уншуулна уу.

Илүү том ачааны автомашин уу?

Ахлагч Даллин Х.Өүкс: Хоёр хүн хамтран ажиллах болжээ. Тэд хөл хөдөлгөөнтэй замын хажууд жижиг саравч барив. Тэд ачааны автомашин аваад, фермерийн талбай руу очин, нэг доллараар нэг тарвас авч болох газраас ачаа дүүрэн тарвас авчээ. Тэд тарвасаа ачаад, замын хажуудах саравч руугаа аваачив. Тэд тарвасаа нэгийг нь нэг доллараар зарав.

Тэд буцаад фермерийн талбай руу очин, дахин нэг ачаа дүүрэн тарвасыг нэгийг нь нэг доллараар зарж борлуулахаар худалдан авчээ. Замын хажууд тарвасаа авчраад, дахин тэр үнээрээ зарав. Тэд буцаж, фермерийн талбай руу дахин тарвас авахаар очиж байхдаа нэг нь нөгөөдөө “бид энэ бизнесээр их мөнгө олохгүй байх шиг байна, тийм үү?” гэжээ.

“Үгүй ээ.

Бидэнд илүү том ачааны машин хэрэгтэй гэж чи бодож байна уу?” хэмээн нөгөө нь хариулсан гэдэг.

(“Focus and Priorities,” Ensign, 2001 оны 5-р сар, 82)