“Бизнесийн болон хувийн мөнгөө салангид байлгах: Тайлагнах,” Бие даахын тулд хувийн бизнесээ эхлүүлж, өргөжүүлэх нь (2017)
“Бизнесийн болон хувийн мөнгөө салангид байлгах: Тайлагнах”
Тайлагнах
Дээд талын хугацаа: 25 минут
Нээлтийн залбирал хэл.
Өнгөрсөн долоо хоногийн амлалт
|
A. “Миний суурь” дээрх амлалтаа биелүүлнэ. |
|
Б. Орлого, зарлагын бүртгэлийг өдөр бүр өөрийн бизнест ашиглана эсвэл хийсвэр бизнесийн бүртгэл хөтөлнө. |
|
В. Бизнесийн орлогын тайлан гаргана эсвэл хийсвэр бизнесийн тайлан гарна. |
|
Г. “Тунгаан бодох” хуудсаа эргэн харж, өгсөн амлалтаа биелүүлнэ. |
|
Д. Үйлдэх хамтрагчтайгаа холбоо барьж, түүнийг дэмжинэ. |
1-р алхам: Хамтрагчтайгаа хамт дүгнэх (5 минут)
Энэ долоо хоногт амлалтаа биелүүлэхийн тулд гаргасан хүчин чармайлтаа дүгнэхэд цөөн минут зарцуул. Энэ дасгалын номын эхэнд буй “Хүчин чармайлтаа дүгнэх нь” хүснэгтийг ашигла. Дараа нь дүгнэлтээ хамтрагчтайгаа хуваалцаж, доорх асуултын талаар ярилц.
Ярилц:
Та энэ долоо хоногт өгсөн амлалтаа биелүүлэх явцад ямар хүндрэл бэрхшээлтэй тулгарсан бэ?
2-р алхам: Бүлэгт тайлагнах (8 минут)
Хүчин чармайлтаа дүгнэснийхээ дараа бүлгээрээ хамтдаа цуглаж, үр дүнгээ тайлагна. Бүлгийнхэн өнгөрсөн долоо хоногийн амлалт бүр дээр өөрийгөө улаан, шар, ногооны аль нь гэж дүгнэснээ нэг нэгээрээ хэлнэ. Та “Хүчин чармайлтаа дүгнэх нь” хүснэгт дэх бизнесийн чухал ур чадвар бүрээр дадлага хийсэн өдрийнхөө тоог хэл.
3-р алхам: Туршлагаа хуваалцах (10 минут)
Одоо долоо хоногийн турш амлалтаа биелүүлэхийн тулд хичээж чармайснаар сурч мэдсэн зүйлээ бүлгээрээ хуваалц.
Ярилц:
-
Та “Миний суурь” хэсэгт өгсөн амлалтаа биелүүлэх явцдаа ямар туршлага олж авсан бэ?
-
Та орлого, зарлагын бүртгэлийг ашиглаж, бизнесийн орлогын тайлан гаргаснаар юу сурч мэдсэн бэ?
4-р алхам: Хамтрагчаа сонгох (2 минут)
Ирэх долоо хоногийн хамтрагчаа бүлгээс сонго. Ерөнхийдөө үйлдэх хамтрагч нь ижил хүйсийн хүн байх бөгөөд гэр бүлийнх нь гишүүн байх ёсгүй.
Одоо үйлдэх хамтрагчтайгаа танилцахад цөөн минут зарцуул. Өөрсдийгөө танилцуулж, долоо хоногийн турш нэг нэгэнтэйгээ хэрхэн холбоо барихаа ярилц.
Үйлдэх хамтрагчийн нэр
Холбоо барих мэдээлэл
Энэ долоо хоногт нэг нэгэнтэйгээ хэзээ, хэрхэн холбоо барихаа бич.