Mga Resources
Hindi Ko Alam!
Pumili ng mga role at isadula ang mga sumusunod:
Bahagi 1
MAXWELL: Daniel, nandito ako para kunin ang bayad para sa trinabaho ko noong nakaraang Miyerkules.
DANIEL: Hindi ba binayaran na kita? Sigurado akong binayaran kita.
MAXWELL: Hindi pa. Ang isa pang pinagtatrabahuhan ko ay laging inirerekord ang mga ito. May rekord ka ba na binayaran mo ako?
DANIEL: Wala, pero akala ko ay nagbayad na ako.
MAXWELL: Paano mo malalaman kung hindi mo inirerekord?
Daniel: Sa tingin ko. … Hindi ko alam.
Bahagi 2
JAMES: Daniel, masaya akong makita ka. Kumusta ang negosyo?
DANIEL: Maraming trabaho.
JAMES: Maganda iyan. Kumikita ba?
DANIEL: Oo … sa tingin ko.
JAMES: Sa tingin mo? Ano ang ibig mong sabihin?
DANIEL: Hindi kasi ako nagrerekord. Abala ako sa paggawa ng mga furniture. Tinatandaan ko na lang at umaasa na maging maayos ang lahat.
JAMES: Talaga? Hindi mo inirerekord ang kita at gastusin mo at hindi mo kinakalkula ang iyong kita o lugi?
DANIEL: Hindi. Hindi ako accountant. Tagagawa ako ng furniture.
JAMES: Bawat may-ari ng negosyo ay dapat nagrerekord. Iyon lamang ang paraan para malaman mo kung kumikita ang negosyo mo o hindi. Sige, tatanungin uli kita. Kumikita ka ba?
DANIEL: Um … hindi ko alam.
JAMES: Kumita ka ba nang mas malaki o mas kaunti kaysa sa nakaraang buwan?
DANIEL: Hindi ko alam.
JAMES: Sundin mo sana ang payo ko at lagi kang magrekord para malaman mo.
Bumalik sa pahina 52
Isang Linggo sa Furniture Business ni Daniel
-
Basahin:Basahin ang sumusunod na halimbawa ng Furniture Business ni Daniel.
Pagkatapos magsaliksik nang kaunti sa mga kakompetisyon at mga kustomer, nalaman ni Daniel na 1) hindi gusto ng mga tao ang bakal na furniture dahil masyadong mainit ito kapag tag-araw, (2) mas mahirap gawin ang bakal na furniture, at (3) mas mahal ang bakal kaysa sa kahoy. Nagdesisyon siyang magbenta ng mga kahoy na furniture sa halip na bakal.
Nagustuhan ito ng mga kustomer niya. Marami siyang nabebentang mga kahoy na furniture at mukhang maayos ang takbo ng negosyo niya.
Bumalik sa pahina 53