Pag-aralan

Ano ang makakatulong sa aking negosyo para kumita nang mas malaki?

Oras:I-set ang timer nang 60 minuto para sa section na Pag-aralan.

Panoorin:“Bisikleta o mga Manok?” (Walang video? (Tingnan ang skrip sa pahina 108.)

Basahin:Ang asset ay isang bagay na mayroon ang isang negosyo na kapaki-pakinabang. Maaari kang bumili o magbenta ng mga asset. Halimbawa, maaaring bumili si Maria ng upuan para gamitin habang nagbebenta ng mga itlog at maaari siyang magbenta ng manok. Ito ay mga asset.

Ang isang produktibong asset ay kumikita para sa isang negosyo. Ang mga manok ni Maria ay mga produktibong asset dahil ang mga ito ang nagpo-produce ng mga itlog, na ibinibenta ni Maria para magkapera. Ang upuan ay isang asset, pero hindi ito produktibong asset. Hindi ito kumikita.

Talakayin:Ang mga matagumpay na may-ari ng negosyo ay gumagamit ng mga produktibong asset para palaguin ang kanilang negosyo. Paano magiging produktibong asset ang sewing machine o bisikleta?

Ang mga matagumpay na may-ari ng negosyo ay gumagamit ng mga produktibong asset para palaguin ang kanilang negosyo.

Praktis:Pumili ng partner. Ilista ang mga produktibong asset na mayroon na ang negosyo mo:

Basahin:TANONG SA LINGGONG ITO—Paano ko magagamit ang mga produktibong asset para palaguin ang negosyo ko?

GAGAWIN SA LINGGONG ITO—Tutukuyin ko ang mga asset na mayroon ako at aalamin kung paano sila gagawing mas produktibo. Tutukuyin at uunahin ko ang ibang mga asset na kailangan ko.

Paano ko gagawing mas produktibo ang mga asset ko?

Basahin:Basahin ang banal na kasulatan sa kanan. Dapat nating gamitin nang matalino ang mga asset. Inaalagaan natin ang ating mga asset para maging lalo pang produktibo ang mga ito.

“Kayo ay maging masigasig sa pag-iingat ng anumang mayroon kayo, nang kayo ay maging marunong na katiwala.”

Doktrina at mga Tipan 136:27

Talakayin:Ano ang maaaring mangyari sa negosyo ni Maria kung hindi niya aalagaan nang mabuti ang kanyang mga produktibong asset (mga manok niya)?

Praktis:Ngayon, tingnan ang mga business asset na ito. Alin sa mga sumusunod na asset ang kasalukuyang produktibo?

SEWING MACHINE

Maraming tinatahing damit si Gloria ngayon.

SIRANG BISIKLETA

Umaasa si David na makukumpuni niya ang kanyang bisikleta at magamit ito kaagad.

INAHIN NA HINDI NANGINGITLOG

Hinihintay na makita ni Maria kung nagsisimula nang mangitlog ang kanyang inahin.

Basahin:Hangga’t maaari, kailangan nating gamitin ang ating mga asset nang produktibo. Basahin ang sumusunod na halimbawa ng isang matalinong katiwala.

PANAHIAN NI GLORIA:

May isang sewing machine si Gloria. Inalagaan niya ito nang mabuti. Kaya niyang manahi ng limang damit kada araw. Gusto ng mga kustomer niya ng mas maraming damit.

Naisip niya na tumanggap ng isang katulong na mananahi at bumili ng isa pang sewing machine. Pero sa halip na bumili siya ng isa pang sewing machine, tinanggap ni Gloria ang kanyang kaibigan para manahi gamit ang makina ni Gloria kapag gabi. Ngayon, ang negosyo ni Gloria ay kayang gumawa ng 10 damit kada araw gamit ang isang sewing machine.

Talakayin:Paano naging matalinong katiwala si Gloria sa paggamit ng kanyang produktibong asset? Paano ninyo magagawang mas produktibo ang inyong mga asset?

Paano ako magkakaroon ng mas maraming produktibong asset?

Praktis:Isipin ang mga asset na maaari mong makuha na makakatulong sa pagpapalago ng iyong negosyo. Ilista ang mga ito sa ibaba.

URI NG MGA ASSET	MGA ASSET NA MAYROON AKO	MGA BAGONG ASSET NA MAAARING MAGPALAGO NG AKING NEGOSYO
Tool/ Makina
Sasakyan
Gusali
Alagang hayop
Iba Pa

Praktis:Bumuo ng isang grupo kasama pa ang dalawang tao. Talakayin kung bakit makakatulong ang mga asset na ito na mapalago ang negosyo mo.

Praktis:Paano ka makakakuha ng mga asset na inilista mo sa naunang pahina? Nakalista sa ibaba ang mga paraan ng pagkuha ng mga negosyante ng mga bagong asset. Bumuo ng mga grupo na may tig-tatatlong miyembro, at talakayin ang mga advantage at disadvantage ng bawat opsyon. Ilista ang mga ito sa ibaba.

MGA PARAAN PARA MAKAKUHA NG MGA ASSET	MGA ADVANTAGE	MGA DISADVANTAGE
Mag-impok para makabili ng asset
Kumuha ng isang partner na mayroong asset
Umarkila ng asset
Humiram ng asset
Kumuha ng loan para makabili ng asset
Iba Pa

Praktis:Ngayon, talakayin sa grupo mo ang mga sumusunod:

Aling asset ang magiging pinakakapaki-pakinabang para sa negosyo mo ngayon? Magkano ang maidadagdag nito sa kita mo? Gaano kadali itong makuha? Ano ang ilan sa mga paraan na magagawa mo para makapagbayad ng bagong asset?

Panoorin:Panoorin ang success story na “Susy: Private School Bus” para makita kung paano pinagbuti ni Susy ang kanyang negosyo at kung paano siya nagplanong makakuha ng produktibong asset. (Walang video? Lumipat sa kasunod na pahina.)

Paano ko mamo-monitor ang mga gastusin?

Basahin:Ang mga produktibong asset ay makakatulong sa mga negosyo na kumita. Para mapalago ang mga negosyo, kailangan din nating i-monitor ang mga gastos. Pero hindi pare-pareho ang mga gastusin!

Panoorin:“Mag-ingat sa mga Fixed Cost” (Walang video? Basahin sa pahina 109.)

Basahin:Variable costs o variable na gastos ay nakakapagpalaki o nakakapagpababa ng benta.

Fixed costs o fixed na gastos ay dapat mabayaran kahit gaano karami o kaunti ang benta.

Ang mga matagumpay na may-ari ng negosyo ay nagdadagdag lamang ng mga fixed cost kung alam nilang makakatulong ito sa negosyo na mas kumita.

Praktis:Tingnan ang mga gastusin sa negosyo ni Daniel. Bilugan ang fixed o variable para sa bawat gastusin.

Ang mga matagumpay na may-ari ng negosyo ay nagdadagdag lamang ng mga fixed cost kung ito ay makakapagpalaki ng kita.

MGA GASTUSIN SA NEGOSYO NI DANIEL
Renta sa shop	Fixed	Variable
Kahoy para sa furniture	Fixed	Variable
Gastos sa delivery	Fixed	Variable
Suweldo ni Daniel	Fixed	Variable

Praktis:Ilista ang mga gastusin sa negosyo. Bilugan ang fixed o variable para sa bawat gastusin.

ANG AKING MGA GASTUSIN SA NEGOSYO
	Fixed	Variable
	Fixed	Variable
	Fixed	Variable
	Fixed	Variable
	Fixed	Variable
	Fixed	Variable
	Fixed	Variable
	Fixed	Variable

Basahin:Sa buong linggong ito, irerekord natin ang mga kita at gastusin, ipapakita kung alin ang fixed at alin ang variable, at dadalhin ang mga income statement natin sa susunod na miting.