23. የገሊላ ባህር እና የታላቅ ደስታ ተራራ

ጨው የሌለው ሀይቅ ወደሆነው ገሊላ ባህር በሰሜን በስተምስራቅ በኩል የደቡብ ምስራቅ ትእይንት። በመካከል የሚታየው ኮረብታ በባህል የታላቅ ደስታ ተራራ ነው ተብሎ የሚታመንበት ነው። ቅፍርናሆም፣ ከፎቶው ውጪ በግራ በኩል ነው። ጥብርያዶስ ከምዕራብ ባህር ዳር ርቆ በደቡብ በኩል ይገኛል።

ታላቅ ድርጊቶች፥ አዳኝ አብዛኛውን የስጋዊ አገልግሎቱን ያሳለፈው በእዚህ ክልል ነው። በእዚህም አስራ ሁለቱን ሐዋሪያት ጠራ እናም ሾመ (ማቴ. ፬፥፲፰–፳፪፤ ፲፥፩–፬፤ ማር. ፩፥፲፮–፳፤ ፪፥፲፫–፲፬፤ ፫፥፯፣ ፲፫–፲፱፤ ሉቃ. ፭፥፩–፲፩)፣ የተራራ ስብከትን አስተማረ (ማቴ. ፭–፯)፣ እናም በምሳሌ አስተማረ (ማቴ. ፲፫፥፩–፶፪፤ ማር. ፬፥፩–፴፬)። የሚቀጥሉትን ተዓምራት ፈጸመ፥ ለምጻሞችን ፈወሰ (ማቴ. ፰፥፩–፬)፣ ማዕበልን ጸጥ አደረገ (ማቴ. ፰፥፳፫–፳፯)፣ ከወጣት ሰው ወደ እሪያዎች ገብተው በባህር የሰመጡት አጋንንትን አስወጣ (ማር. ፭፥፩–፲፭)፤ ፭ ሺህ እና ፬ ሺህ መገበ (ማቴ. ፲፬፥፲፬–፳፩፤ ፲፭፥፴፪–፴፰)፤ ደቀመዛሙርቱ መረባቸን እንዲጥሉ አዘዛቸው፣ በእዚህም ብዙ አሳዎች አጠመዱ (ሉቃ. ፭፥፩–፮)፤ ብዙ ሰዎች ፈወሰ (ማቴ. ፲፭፥፳፱–፴፩፤ ማር. ፫፥፯–፲፪)፤ እናም ከትንሳኤው በኋላ ደቀመዛሙርቱን ለማስተማር ታየ (ማር. ፲፬፥፳፯–፳፰፤ ፲፮፥፯፤ ዮሐ. ፳፩፥፩–፳፫)። (ቅ.መ.መ. ገሊላ ተመልከቱ።)