1. No ka mea, aia! E hiki mai ana ka la e enaena ana me he umu ahi la; a o ka poe hookiekie a pau, a me ka poe hana ino a pau, he mauu lakou; a e hoopau ua la la e hiki mai ana ia lakou, wahi a ka Haku o na Lehulehu, a e waiho ole ia i aa no lakou, aole hoi lala.

2. Aka, no oukou ka poe weliweli i koʻu inoa, e ala mai no auanei ke Keiki a ka pono me ke ola ma kona mau eheu; a e hele aku oukou, a e ulu ae e like me na bipi keiki i kupalu ia.

3. A e hehi iho oukou i ka poe aia; no ka mea, e lilo lakou i lehu malalo iho o ko oukou mau wawae, i ka la aʻu e hana ai i keia, wahi a ka Haku o na Lehulehu.

4. E hoomanao oukou i ke kanawai o Mose, o kuu kauwa, aʻu i kauoha aku ai ia ia ma Horeba, no ka Iseraela a pau, me na kanawai a me na olelo hoopono.

5. Aia hoi, e hoouna aku no au ia Elia ke kaula io oukou la, mamua o ka hiki ana mai o ua la nui weliweli la o ka Haku;

6. A e hoohuli ae oia i ka naau o na makua i na keiki, a me na naau o na keiki i ko lakou mau Makua, o hele mai auanei au, a e hahau i ka honua i ka poino.