1. E haliu mai oukou, e ka poe Genetile, a e hoolohe i na olelo a Iesu Kristo, ke Keiki a ke Akua ola, ana i kauoha mai ai iaʻu, e olelo aku au no oukou, no ka mea, aia hoi, ke kauoha mai nei oia iaʻu, i ka i ana:

2. E huli mai oukou, e ka poe Genetile a pau, mai ko oukou mau aoao hewa, a e mihi i ka oukou mau hana ino ana, i ka oukou wahahee ana a hoopunipuni ana, a i ko oukou mau moekolohe ana, a me ko oukou mau mea ino malu, a me ko oukou mau hoomanakii ana, a i ko oukou mau pepehi kanaka ana, a me ka oukou mau hana hookahuna wahahee ana, a me ko oukou mau paonioni ana, a me ka oukou mau paio, a mai ka oukou hana hewa a mau mea ino ae, a e hele mai ioʻu nei, a e bapetizo ia ma koʻu inoa, i loaa ai ia oukou ke kala ia ana o ka oukou mau hala, a e hoopiha ia me ka Uhane Hemolele, i helu pu ia ai oukou me koʻu poe kanaka, o lakou no o ko ka hale o Iseraela.