1. Istʼapjjam gentilenaca, Jesucristo, jacquir Diosan Yokapan arunacap ischʼuquipjjam. Uca arunac jupajj nayan jumanacjjat parlañajjatac camächit churitu. Jupaw nayarojj aqhäm kellkam situ:

2. Take juma gentilenaca, ñankha thaquinacat cutjtapjjam; ucatsti cutiquipstapjjam; jan wali luräwinacamata, cʼarinacamata, sallkjjatanacamata, kʼañusitanacamata, jamasat ñankha kʼañunac luratanacamata, wacʼan diosanacar lokatanacamata, jake jiwayatanacamata, sallkjjañ sacerdotëñanacamata, uñisisiñanacamata, nuwasiñanacamata, take ñankha luratanacamata, ajjtcañ luratanacamampita. Ucatsti, nayar jutapjjam, sutijjan bautisasipjjam juchanacam pampachatäñapataqui, ucatsti, Kollan Ajayump phoktʼasipjjam, Israelan utapanquir marcajj taypin jaqhutäpjjañamataqui!