“Unu Bụ Ndị Enyi M”
Nkwupụta nke Onye Nzọpụta “unu bụ ndị enyi m” bụ ọkpụkpọ oku dara ụda iwulite mmekọrịta ndị dị nsọ n’etiti ụmụ Chineke niile.
Niime ụwa juputara na esemokwu na nkewa, ebe edochiworo mkparịta obodo jiri ikpe ikpe na nleda anya, ma mmekọ enyi na enyi ka ejiri -isms na -ites, abịawo m mata na enwere ịma atụ doro anya, dị mfe, na nke sinachi anyị na-ele anya maka ịdị n’otu, ịhụnaanya, na nsonyere. Ọmụmaatụ ahụ bụ Jizọs Kraịst. Ana m agba ama na Ọ bụ nnukwu onye njikọta anyị.
Anyị bụ ndị Enyi Ya.
Na Dizemba nke 1832, dị ka “ngosiputa nke ọtụtụ nsogbu n’etiti mba niile” bịara na-abụ nke “a na-ahụ anya karịa” karịa n’oge kemgbe nhazi Nzukọ nsọ, ndị ndu Ndị nsọ Ụbọchị ikpeazụ dị na Kirtland, Ohio, gbakọtara n’ọgbakọ. Ha kpere ekpere “iche iche ma kpepụta nụda olu nye Onyenwe anyị iji kpughee uche ya nye [ha].” Na nnakwere nke ekpere niile nke ndị otu ndị a kwesịrị ntụkwasị obi n’oge oge niile nke nsogbu siri ike, Onyenwe anyị kasiri ha obi, na-agwa Ndị Nsọ okwu ugboro atọ jiri mkpụrụ okwu abụọ dị ike—”ndị enyi m.”
Jizọs Kraịst kemgbe oge akpọwo ndị nsiso Ya kwesịrị ntụkwasị obi ndị enyi Ya. Ugboro iri na anọ niime Ozizi na Ọgbụgba ndụ niile, Onye Nzọpụta jiri mkpụrụ okwu ahụ enyi iji kọwaa mmekọrịta dị nsọ na nke dị mmasị. Anaghị m ekwu okwu banyere mkpụrụ okwu enyi dị ka ụwa si akọwa ya—nke dị n’okpuru ndị nsiso soshịal midia ma ọ bụ “mmasị niile.” Enweghị ike ahụta ya niime hashtag ma ọ bụ ọnụọgụgụ dị na Instagram ma ọ bụ X.
N’eziokwu, dị ka onye afọ iri na ụma, echetere m ịkpọ nkwukọrịta okwu asị mgbe m nụrụ mkpụrụ okwu ndị ahụ na-afụ ụfụ “Lee, anyị nwere ike ịbụ naanị ndị enyi?” ma ọ bụ “Ka anyị nnọọ nọrọ n’ebe ndị enyi.” Enweghị ebe ọ dị niime edide dị nsọ ka anyị na-anụ Ya sị, “Unu bụ naanị ndị enyi m.” Kama, Ọ kuziri na “ịhụnaanya dị elu karịa ka mmadụ enweghị karịa nke a, na mmadụ ga-atọgbọ ndụ ya maka ndị enyi ya.” Ma “unu bụ ndị ahụ Nna m nyeworo m; unu bụ ndị enyi m.”
Mmetụta ahụ doro anya: Onye Nzọpụta na-agụ onye abụla niime anyị agụ ma na-elekọta anyị. Nlekọta nke a adịghị obere ma ọ bụ enweghị isi. Kama, ọ na-ebuli elu, dị elu, ma dị ebighị ebi. Ana m ahụ nkwupụta nke Onye Nzọpụta “unu bụ ndị enyi m” dị ka ọkpụkpọ oku dara ụda iwulite mmekọrịta ndị dị nsọ n’etiti ụmụ Chineke niile “na anyị nwere ike ịbụ otu.” Anyị na-eme nke a dị ka anyị na-abịakọta ọnụ na-achọ ma ohere niile iji dịrị n’otu ma uche nke isonyere maka ndị niile
Anyị Bụ Otu niime Ya
Onye Nzọpụta gosipụtara nke a nke ọma niime oku Ya ị “bịanụ, soro, m.” Ọ dọọrọ onyinye niile na njirimara niile nke otu onye nke otu dị iche iche nke ndị nsiso iji kpọọ Ndị Ozi Ya. Ọ kpọrọ ndị na-akụ azụ, ndị ọ na-anụ ọkụ n’obi, ụmụnne ama ama maka ọdịdị ha dị egwu, na ọbụna onye nchịkọta ụtụ isi. Nkwenye ha niime Onye Nzọpụta na ọchịchọ ịbịaru Ya nso mere ka ha dịrị n’otu. Ha elekwasịrị Ya anya, hụ Chineke site na Ya, ma “ngwa ngwa hapụ ụgbụ, ma soro Ya.”
Mụ onwe m ahụwokwa otu iwulite mmekọrịta dị elu karịa na nke dị nsọ karịa si akpọkọta anyị ọnụ dị ka otu. Nwunye m, Jennifer, na mụ ka agọziri izulite ụmụ anyị ise niime Obodo ukwu New York. Ebe ahụ niime metropolis a na-arụsi ọrụ ike, anyị mepụtara mmekọrịta mara mma na nke dị nsọ anyị na ndị agbata obi, ndị enyi ụlọakwụkwọ, ndị otu ọrụ, ndị ndu okpukperechi, na otu ndị Nsọ.
Na Me nke 2020, dị nnọọ ka ụwa na-agba mgba mgbasasị nke ọrịa zuru ụwa ọnụ, ndị otu nke New York City Commission nke Ndị ndu Okpukperechi zutere na nzukọ akpọrọ na intanet. Enweghị agenda. Ọdịghị ndị ọbịa pụrụ iche. Sọọsọ arịrịọ ịbịakọta ọnụ ma kparịta aka mgba niile anyị niile naara agabiga dị ka ndị ndu okpukperechi. Center niile maka Njikwa Ọrịa ka nyere nkọwa na obodo ukwu anyị bụ isi ọrịa zuru ụwa nke COVID-19 niime United States. Nke a pụtara na ọdịghịkwa mgbakọta ọnụ ọzọ. Ọdịghịkwa mbịakọta ọnụ ọzọ.
Maka ndị ndu okpukperechi ndị a, iwepụ ụlọ ụka nke onwe, mgbakọta ndị ọgbakọ, na ofufe kwa izu ụka bụụrụ ihe ọjọọ. Obere otu anyị—nke gụnyere cardinal, reverend, rabbi, imam, pastor, monsignor, na onye okenye—gere ntị nye, gbaa ume, ma kwadoo otu onye n’ibe ya. Kama ilekwasị anya na ndịiche anyị niile, anyị hụrụ ihe anyị nwekọtara ọnụ. Anyị kwuru maka ihe ndị kwere omume ma emesịa ihe ndị pụrụ omume. Anyị jụrụ ajụjụ ma nye aziza nye ajụjụ niile banyere okwukwe na ọdịniihu. Ma emesịa anyị kpere ekpere. O, otu anyị siri kpee ekpere.
Niime obodo ukwu bara ụba juputara na mgbagwoju anya na omenaala na-akụkọta, anyị hụrụ ndịiche anyị niile ka ọ na-apụ dị ka anyị bịakọtara ọnụ dị ka ndị enyi nwere otu olu, otu ebumnuuche, na otu ekpere.
Anyị anaghịzikwa elefe anya na tebulu ịhụ ibe anyị mana n’eluigwe anyị n’ibe anyị. Anyị hapụrụ nzukọ nke ọzọ sotere n’ịdị n’otu karịa ma dịrị njikere iwere “ngwa ọrụ” anyị ma gaa ọrụ. Mmekọrịta ahụ nke pụtaziri na ije ozi ahụ enyere puku kwuru puku nke ndị New York kuziiri m na niime ụwa na-achọ nkewa, ịdị anya, na nkewapụ, ana enwekarị ọtụtụ ihe ndị na-eme ka anyị dịrị n’otu karịa ikewa anyị. Onye Nzọpụta rịọrọ arịrịọ, “Dịnụ n’otu; ma ọ bụrụ na unu a dịghị n’otu unu a bụghị ndị m.”
Ụmụnne nwoke na ụmụnne nwanyị, anyị garịrị akwụsị ịna achọgharị ebumnuuche iji kebie ma kama chọọ oghere niile ị ji “bụrụ otu.” Ọ jiriwo onyinye na njirimara pụrụ iche ji gọziwo anyị nke na-akpọku ọmụmụ ihe site n’otu onye nibe ya na uto nke onwe. Ana m agwakarị ụmụakwụkwọ mahadum m na ọ bụrụ ma m mee ihe unu na eme ma unu emee ihe m na eme, anyị agaghị enwe mkpa ibe anyị. Mana niihi na ị naghị eme ihe m na-eme ma anaghị m eme ihe unu na-eme, anyị nwere mkpa ibe anyị. Ma nke ahụ na-akpọkọta anyị ọnụ. Ikewa na imeri bụ atụmatụ nke onye iro iji mebie enyi na enyi, ndị ezi na ụlọ, na okwukwe. Ọ bụ Onye Nzọpụta na-ejikọta.
Anyị sonyere na Ya
Otu niime ngọzi ndị ekwere nkwa nke “ịbụrụ otu” bụ uche dị ike nke nsonye. Okenye Quentin L. Cook kuziri na “isi ihe nke isonye n’ezie bụ ịbụrụ otu gị na Kraịst.”
N’otu nleta nso nso a mụ na ezi na ụlọ m gaa Ọdịda anyanwụ Mba Afrịka nke Ghana, omenaala obodo bịara masị m nke ukwuu. Na mbịaru na nzukọ nsọ ma ọ bụ ebe obibi, anabatara anyị jiri mkpụrụ okwu ahụ “unu abịaruola.” Mgbe ekere nri, onye na-akpụ ọbịa anyị ga-ama ọkwa, “A na-akpọku unu.” Ekele ndị a dị mfe ka eji nzube na i si n’obi enye. Anabatara unu. A na-akpọku unu.
Anyị na-edebekwa otu ụdị ọkwa niile dị nsọ n’ọnụ ụzọ ụlọ nzukọ anyị niile. Mana akara ahụ Ndị ọbịa Nnọọ ezughị ezu. Anyị ọ na-anabata nke ọma ndị niile na-abata site n’ọnụ ụzọ ahụ? Ụmụnne nwoke na ụmụnne nwanyị, o zughị ezu ịnọdụ ọdụ nnọọ n’oche ogologo ahụ. Anyị garịrị ańa ntị nye ọkpụkpọ oku nke Onye Nzọpụta iji wulie mmekọrịta nke kacha dị elu na dị nsọ anyị ya na ụmụ Chineke niile. Anyị garịrị ebi ndụ okwukwe anyị! Nna m mgbe ụfọdụ chetaara m na naanị ịnọdụ ọdụ n’oche ogologo na Sọnde emeghị gị ịbụ ezigbo Kristian karịa ihi ụra na garage ga-eme gị ụgbọala.
Anyị ga-ebirịrị ndụ anyị ka ụwa hara ịhụ anyị mana hụ Ya site n’anyị. Nke a anaghị eme naanị na Sọnde. Ọ na-eme nụlọ azụmahịa, ebe a na-agba gas, nzukọ ụlọakwụkwọ, mgbakọta ndị agbata obi—ebe niile ndị otu ezi na ụlọ anyị mere baptizim na ndị na-emebeghị baptizim na-arụ ọrụ ma biri.
Ana m efe ofufe na Sọnde dị ka ihe ncheta na anyị chọrọ ibe anyị ma n’otu anyị chọrọ Ya. Onyinye anyị na onyinye chi anyị ndị pụrụ iche ndị na-eme anyị adị iche niime ụwa nke a na-ejikọta anyị n’oghere dị nsọ. Onye Nzọpụta akpọwo anyị inyere ibe anyị aka, bulie ibe anyị, ma kuziere ibe anyị nke ọma. Nke a bụ ihe O mere mgbe ọ gwọrọ nwanyị oruru ọbara na-adịghị akwụsị akwụsị, sachaa onye ọrịa ekpenta onye rịọrọ maka ebere Ya, dụọ nwa ọkpara eze onye rịọrọ ihe ọzọ o nwere ike ime, hụ Nicodemus naanya onye maara ma daa mba n’okwukwe ya, ma nọdụ ya na nwanyị ahụ n’akụkụ olulu mmiri onye na-adabaghị n’omenaala nke ụbọchị ahụ mana onye nke O kwuputara ozi mezaya Ya. Nke a nye m bụ nzukọ nsọ—ebe mgbakọta na mgbake, mmezi na nlekwasịgharị anya. Dị ka Onyeisi Russell M. Nelson kuziworo: “Ụgbụ ozi ọma bụ ụgbụ kachasị ibu niime ụwa. Chineke akpọkuwo onye niile ịbịakwute Ya. … Ohere dịịrị onye niile.”
Ụfọdụ nwere ike ha enwewo nhụmiihe nke na-eme gị ya a dị ka isonyeghị. Ozi nke Onye Nzọpụta nye mụ na gị bụ otu: “Bịakwutenụ m, unu ndi na-adọgbu onwe unu n’ọrụ, ndi e bowokwara ibu dị arọ, Mụ onwe m ga-emekwa ka unu zuru ike.” Ozi ọma nke Jizọs Kraịst bụ ebe kachasị zuo oke maka anyị. Ịbịa nzukọ nsọ na-enye olile anya maka ụbọchị ndị ka mma karịa, nkwa ahụ na ị nọghị naanị gị, na ezi na ụlọ ndị chọrọ anyị dịkwa ka otu anyị si wee chọọ ha. Okenye D. Todd Christofferson gbara ama na “ịdị n’otu anyị na Nna, Ọkpara, na Mmụọ Nsọ bụ na-enweghị obi abụọ nke kachasị ibe ya na nsonye.” Maka onye ọbụla zọpụworo ụkwụ ma na-achọ ohere ịlọghachi, ana m enye eziokwu na ọkpụkpọ oku dị ebighị ebi: I sonyere. Lọghachi. Oge eruola.
Niime ụwa juputara na nsogbu na nke kewara ekewa, ana m agba ama na Onye Nzọpụta Jizọs Kraịst bụ nnukwu onye nchịkọta. Ka m kpọkuo onye ọbụla niime anyị itozu oke maka ọkpụkpọ oku nke Onye Nzọpụta ị “bụrụ otu” ma maa ọkwa n’obi ike dị ka O mere, “Unu bụ ndị enyi m”. N’aha dị nsọ nke Jizọs Kraịst, amen.