Ripote mai na Tabana ni Dikevi Fika ni Lotu
Ki na Mataveiliutaki Taumada ni Lotu i Jisu Karisito ni Yalododonu Edaidai
Kemuni na Taciqu: Ena Lotu i Jisu Karisito ni Yalododonu Edaidai sa veiqaravi tiko kina e dua na tabana ni veiqaravi ni dikevi fika, ka tu ga vakataki koya mai vei ira na vo ni tabana ni Lotu kei na veiwasewase tale e so. Na manidia dairekita ni Tabana ni dikevi fika ni Lotu e soli ripote duadua ga kina Mataveiliutaki Taumada ena kena gauna. O ira na vakailesilesi ni Tabana oqo era okati kina na daunifika vakailavo, daudikevi fika e loma, daudikevi fika ni gacagaca ni volaitukutuku kei ira tale na ilesilesi cecere vakaivola eso.
Mai na veilesi ni Mataveiliutaki Taumada sa tiko na kaukauwa vua na Tabana ni Dikevi Fika ni Lotu me na vakadikeva na Tabana ni Lotu kei na veiqaravi e so ena veiyasai vuravura taucoko. Na Tabana ni Dikevi Fika ena raica kece na itukutuku, tamata cakacaka, iyau taukeni, kei na veiqaravi taucoko me rawa kina ni dikevi na cau ni Lotu, vakayagataki ilavo, kei na rawa ka. Na ivakatagedegede e cake ni vakadidike oqo e umani tiko ena veiqaravi ni tabana ni dikevi fika. Na bolei ni cakacaka oqo sa veidusimaki ki na digitaki ni veika me dikevi.
Na Matabose ni Vakarautaki ni iKatini sa nona itavi na, ka e baleta talega na 2002, vakadonuya na kena vakayagataki na ilavo ni Lotu. E ratou lewe ni matabose oqo na Mataveiliutaki Taumada, na Kuoramu ni iApositolo Le Tinikarua kei na Matabisopi Vakatulewa, ka toqai mai na ivakatakila. Ena ruku ni nona veivakasalataki na Matabose oqo na cau kei na kena vakayagataki sa na vakatulewa kina na Tabana ni Tuvailavo kei na iLavo ni Lotu. Na qaravi ni cau e ciqomi ka vakayagataki vakaituvatuva se vakadikevi ka soli na kena ripote.
Mai na neitou vakadidike na Tabana ni Dikevi Fika ni Lotu, keitou sa mai vakaraitaka kina ni iyau ni veiqaravi, na cau ka ciqomi kei na kena vakayagataki ena loma ni yabaki ka mai cava ena i ka 31 ni Tiseba, 2002 e salavata kei na idusidusi vakatuvailavo sa vakadonui taumada kei na yavu ni kena cicivaki na Lotu.
E a sega ni vakadikeva na Tabana ni Lotu ena 2002 na veiqaravi vakailavo ni soqosoqo e sema kina na Lotu ka sega ni qaravi ena loma ni Lotu. Na veisoqosoqo oqo kei na so tale era okati ki na Deseret Management Corporation kei na kena kabani lalai kei na Brigham Young University kei na koronivuli lelevu tale e so ni Lotu. Era sa vakadikeva na daunifika vakailavo mai tautuba na nodra tuvailavo kei na ivola tukutuku ni veiqaravi ka lako vata kaya na veisoqosoqo oqo. Ia na Tabana ni Dikevi Fika ni Lotu e a qai mai raica na nodra ripote na kabani mai tuba oqo, ka vakayacori ni a tiko ena veisoqosoqo oqo na nodra komiti ni iwiliwili.
Sa vakaraitaki yani ena veidokai.
TABANA NI DIKEVI FIKA
Wesley L. Jones
Manidia Dairekita.