Ang mga Pagpapala ng Ikapu

Ang pagbabayad ng ikapu ay nagdudulot ng mga pagpapala, lalo na sa pagtulong sa atin na mas makita ang tulong ng Panginoon sa ating buhay.

Inutusan tayo ng Panginoon na magbayad ng ikapu. At ipinangako naman Niya na “bubuksan … ang mga dungawan sa langit, at ihuhulog … ang isang pagpapala, na walang sapat na silid na kalalagyan” (Malakias 3:10). Gayunpaman, ang Kanyang mga pagpapala ay dumarating sa Kanyang sariling pamamaraan at panahon at maaaring espirituwal o temporal.

Sa panahon ng kahirapan ng ekonomiya o pamilya, ang mga pagpapalang ipinangako ng Panginoon sa matatapat na nagbabayad ng ikapu ay tila malayo. Ngunit tulad ng binanggit ng sumusunod na mga Banal sa mga Huling Araw, ang pagbabayad ng ikapu ay tumutulong sa mga miyembro ng Simbahan na mas makita ang tulong ng Panginoon sa kanilang buhay.

Para sa mga Magulang

Sa kuwentong “Isang Barya Lamang” (Liahona, Ago. 2011, 70–71), natutuhan ni Daniel na ang pagbabayad ng ikapu ay mabuting desisyon—kahit ang naibigay niya ay isang barya lang. Isang aktibidad na nakalakip dito ang nagpapaliwanag ng ilang paraan sa paggamit ng ikapu. Ang pagbabasa ng artikulong ito bilang pamilya ay magandang paraan para mapag-usapan ang tungkol sa ikapu. Upang matulungan ang inyong mga anak na maalala kung paano ginagamit ng Simbahan ang ikapu, isiping gamitin ang ilang larawan sa aktibidad upang gamiting dekorasyon sa kanilang lalagyan o kahon ng ikapu.

Ang mga nakaraang edisyon ng Liahona ay matatagpuan online sa liahona.lds.org.

Pagsagot sa mga Tanong

Paano Ginagamit ang Ikapu?

Ang alituntunin ng ikapu—kusang pagbibigay ng ikasampung bahagi ng ating kita sa gawain ng Diyos—ay itinuro na mula pa noong panahon ng Lumang Tipan (tingnan sa Genesis 14:17–21). Ganito pinopondohan ng Panginoon ang Kanyang Simbahan. Ang ikapu ay ginagamit ngayon para sa (1) pagpapatayo ng mga templo, chapel, at iba pang mga gusali ng Simbahan; (2) paglalaan ng operating funds para sa Simbahan; (3) pagpopondo sa missionary program (hindi kasama rito ang personal na gastusin ng bawat missionary); (4) paghahanda ng mga materyal na ginagamit sa mga klase at organisasyon ng Simbahan; at (5) pagsasagawa ng iba pang mahahalagang gawain, tulad ng gawain sa templo at family history.

Kaliwa: retrato © Photospin; background ni Sarah Carabine; kanan: Pagsagupa sa Malakas na Hangin ni Liz Lemon Swindle, hindi maaaring kopyahin

Larawang kuha ni Ed Ferrin

• Pinalalakas ng Ikapu ang Pananampalataya

  Lourdes Soliz de Duran

• Ang Ikapu ay Nagdudulot ng Kapayapaan

  Ricardo Reyes Villalta

• Ang Ikapu ay Nagpapabalik-loob

  Ol’ga Nikolayevna Khripko

• Pinagpapala ng Ikapu ang mga Pamilya

  Sandie Graham

• Binubuksan ng Ikapu ang mga Dungawan sa Langit

  Jacqueline Kirbyson