សៀវភៅកំណត់ចំណាំសន្និសីទ ខែ តុលា ឆ្នាំ ២០១៥

January 2016

នៅពេលអ្នកមើលសន្និសីទទូទៅ ខែ តុលា ឆ្នាំ ២០១៥ ឡើងវិញ នោះអ្នកអាចប្រើប្រាស់ទំព័រទាំងនេះ ( និង សៀវភៅកំណត់ចំណាំសន្និសីទនៅច្បាប់ចេញផ្សាយនាពេលខាងមុខទៀត ) ដើម្បីជួយអ្នកសិក្សា ហើយអនុវត្តការបង្រៀនថ្មីៗរបស់ព្យាការី និង សាវកដែលរស់នៅ ព្រមទាំងថ្នាក់ដឹកនាំដទៃទៀតនៃសាសនាចក្រ ។

« អ្វីដែលយើងជាព្រះអម្ចាស់បានមានបន្ទូល នោះយើងបានមានបន្ទូលហើយ … ទោះជាដោយសំឡេងរបស់យើងផ្ទាល់ ឬ ក៏ដោយសំឡេងនៃពួកអ្នកបម្រើរបស់យើងក្តីគឺដូចតែគ្នា » ( គ. និង ស. ១:៣៨ ) ។

សាក្សីពិសេសថ្មី

« ខ្ញុំមានអំណរគុណចំពោះដង្វាយធួនរបស់ព្រះអង្គសង្គ្រោះរបស់យើង ហើយចង់ស្រែកដូចអាលម៉ាជាមួយនឹងត្រែនៃព្រះ » ។ —អែលឌើរ រ៉ូណល អេ រ៉ាសបាន « ខ្ញុំឆ្ងល់យ៉ាងអស្ចារ្យ » ទំព័រ ៩០ ។

ខ្ញុំបានទទួលនូវអារម្មណ៍ជាក់លាក់ … ដែលពុំផ្ដោតតែលើអ្វីដែលខ្ញុំពុំអាចធ្វើនោះទេ ប៉ុន្តែទៅលើអ្វីដែលខ្ញុំអាចធ្វើវិញ ។ ខ្ញុំអាចថ្លែងទីបន្ទាល់អំពីសេចក្ដីពិតច្បាស់លាស់ និងមានតម្លៃនៃដំណឹងល្អ ។ —អែលឌើរ ហ្គែរី អ៊ី ស្ទីវ៉ែនសុន « សេចក្ដីពិតច្បាស់លាស់ និងមានតម្លៃ » ទំព័រ ៩២ ។

« ខ្ញុំចង់ក្លាយជាអ្នកដើរតាមដ៏ពិតរបស់ព្រះយេស៊ូវគ្រីស្ទដោយអស់ពីដួងចិត្តរបស់ខ្ញុំ ។ ខ្ញុំស្រឡាញ់ទ្រង់ ។ ខ្ញុំកោតសរសើរទ្រង់ ។ ខ្ញុំឃើញពីធាតុពិតនៃព្រះជន្មដ៏រស់រវើករបស់ទ្រង់ » ។ —អែលឌើរ ឌែល ជី រ៉ង់ឡាន់ « តាមរយៈព្រះនេត្ររបស់ព្រះ » ទំព័រ ៩៤ ។

ចម្លើយសម្រាប់អ្នក

សន្និសីទនីមួយៗ ពួកព្យាការី និងពួកសាវក ផ្ដល់ចម្លើយដ៏បំផុសគំនិតចំពោះសំណួរ ដែលសមាជិកសាសនាចក្រអាចមាន ។ សូមប្រើប្រាស់ច្បាប់ចេញផ្សាយខែ វិច្ឆិកា ឆ្នាំ ២០១៥ ឬ ចូលទៅកាន់គេហទំព័រ conference.lds.org ដើម្បីស្វែងរកចម្លើយចំពោះសំណួរទាំងនេះ ៖

ហេតុអ្វីបានជាសាសនាចក្រហាក់ដូចជាផ្ដល់ផលប្រយោជន៍ ដល់មនុស្សមួយចំនួនជាជាងមនុស្សឯទៀត ? សូមមើល ឌៀថើរ អេស្វ អុជដូហ្វ « វាផ្ដល់ផលប្រយោជន៍យ៉ាងសន្ធឹកសន្ធាប់ ! » ទំព័រ ២០ ។
តើមានសេចក្ដីពិត និង គោលលទ្ធិអ្វីខ្លះ ដែលអាចរក្សាយើងឲ្យតោងជាប់នឹងសាសនាចក្រដោយសុវត្ថិភាព ? សូមមើល អិម រ័សុល បាឡឺដ « ព្រះគង់នៅឯចង្កូត » ទំព័រ ២៤ ។
ហេតុអ្វីបានជាតំណែងអ្នកដឹកនាំរៀមច្បងនៃសាសនាចក្រ ត្រូវបានបំពេញដោយបុរសចាស់ទុំទៅវិញ ? សូមមើល ដេវីឌ អេ បែដណា « ត្រូវបានជ្រើសរើសឲ្យថ្លែងទីបន្ទាល់អំពីនាមរបស់យើង » ទំព័រ ១២៨ ។
ហេតុអ្វីបានជាខ្ញុំត្រូវចូលសាសនាចក្រ ប្រសិនបើខ្ញុំគិតថាខ្លួនខ្ញុំមានជីវភាពខាងវិញ្ញាណរួចទៅហើយដោយមិនចាំបាច់ចូលនោះក្ដី ? សូមមើល ឌី ថត គ្រីស្តូហ្វឺសិន « ហេតុអ្វីជាសាសនាចក្រនេះ » ទំព័រ ១០៨ ។

ដើម្បីអាន ទស្សនា ឬ ស្តាប់សុន្ទរកថាសន្និសីទទូទៅ សូមចូលទៅកាន់គេហទំព័រ conference.lds.org ។