សារលិខិតបង្រៀនសួរសុខទុក្ខ
ក្រុមគ្រួសារ ៖ ការប្រកាសដល់ពិភពលោក
សូមសិក្សាឯកសារនេះប្រកបដោយការអធិស្ឋាន ហើយព្យាយាមយល់ដឹងនូវអ្វីដែលត្រូវចែកចាយ ។ តើការយល់ដឹងគោលលទ្ធិអំពីគ្រួសារ នឹងប្រទានពរដល់អស់អ្នក ដែលអ្នកត្រូវមើលថែក្នុងការបង្រៀនសួរសុខទុក្ខតាមផ្ទះយ៉ាងដូចម្ដេច ? សម្រាប់ព័ត៌មានបន្ថែម សូមចូលទៅកាន់គេហទំព័រ reliefsociety.lds.org ។
សេចក្ដីជំនឿ ក្រុមគ្រួសារ ការសង្គ្រោះ
ក្នុងការប្រជុំសមាគមសង្គ្រោះទូទៅនាឆ្នាំ ១៩៩៥ នៅពេលប្រធាន ហ្គរដុន ប៊ី ហ៊ិងគ្លី ( ឆ្នាំ ១៩១០–២០០៨ ) បានអានជាលើកដំបូង « គ្រួសារ ៖ ការប្រកាសដល់ពិភពលោក » បូនី អិល អូស្ការសុន ដែលជាប្រធានយុវនារីទូទៅបានមានប្រសាសន៍ ៖ « យើងមានអំណរគុណណាស់ ហើយឲ្យតម្លៃទៅលើភាពច្បាស់លាស់ ភាពសាមញ្ញ និងសេចក្ដីពិតនៃឯកសារដ៏ប្រកបដោយវិវរណៈនេះ ។ … ការប្រកាសអំពីគ្រួសារ បានក្លាយជាបទដ្ឋានគោលរបស់យើងដើម្បីវិនិច្ឆ័យអំពីទស្សនៈវិជ្ជារបស់ពិភពលោក ហើយខ្ញុំថ្លែងទីបន្ទាល់ថា គោលការណ៍ទាំងឡាយដែលបានស្ថាបនាឡើង … គឺជាការពិតនាសព្វថ្ងៃនេះ ដូចកាលពីមុន ពេលវាត្រូវបានផ្ដល់ឲ្យយើងដោយព្យាការីនៃព្រះស្ទើរតែ ២០ ឆ្នាំកន្លងទៅហើយនោះ ។១
« ចេញមកពីការប្រកាសអំពីគ្រួសារ » ខារ៉ូល អិម ស្ទីហ្វិន បានដែលជាទីប្រឹក្សានៅក្នុងគណៈប្រធានសមាគមសង្គ្រោះទូទៅ បានបន្ថែមថា « យើងរៀនថា ‹ នៅជីវិតមុនផែនដី បុត្រា និង បុត្រីខាងវិញ្ញាណទាំងឡាយ បានស្គាល់ ហើយបានថ្វាយបង្គំព្រះ ជាព្រះវរបិតាដ៏នៅអស់កល្បជានិច្ចរបស់ពួកគេ ›២…
« … យើងម្នាក់ៗមានចំណែកយ៉ាងសំខាន់ក្នុងក្រុមគ្រួសាររបស់ព្រះ » ។៣
យើងរស់នៅក្នុងគ្រាមួយដែលឪពុកម្ដាយត្រូវតែការពារដល់គេហដ្ឋាន និងក្រុមគ្រួសាររបស់ពួកគេ ។ « ក្រុមគ្រួសារ ៖ ការប្រកាសដល់ពិភពលោក » អាចដឹកនាំយើង ។
បទគម្ពីរបន្ថែម
ដំណើររឿងរបស់មនុស្សដែលរស់នៅសព្វថ្ងៃនេះ
« លី ម៉ី ឆិន ហូ មកពីវួដ តៅយួន ទីបី ស្ដេក តៅ យ៉ាន ប្រទេសតៃវ៉ាន់ បានមានប្រសាសន៍ថា ការប្រកាសបានបង្រៀនគាត់ថា ទំនាក់ទំនងគ្រួសារជួយអភិវឌ្ឍចរិតលក្ខណៈដ៏ទេវភាពដូចជា សេចក្ដីជំនឿ ការអត់ធ្មត់ និងសេចក្ដីស្រឡាញ់ ។ គាត់បានមានប្រសាសន៍ថា ‹ នៅពេលខ្ញុំព្យាយាមដើម្បីកែលម្អខ្លួនខ្ញុំ ស្របតាមការប្រកាសនេះ ខ្ញុំអាចទទួលបានបទពិសោធន៍នៃសុភមង្គលពិត › » ។៤
បាបារ៉ា ថមសុន ដែលមានវត្តមាននៅពេលដែលការប្រកាសនេះត្រូវបានអានជាលើកដំបូង ហើយក្រោយមក បានបម្រើជាទីប្រឹក្សាម្នាក់នៅក្នុងគណៈប្រធានសមាគមសង្គ្រោះបានមានប្រសាសន៍ ៖ « ខ្ញុំបានគិតមួយស្របក់ថា [ការប្រកាសអំពីគ្រួសារ] ពុំសូវទាក់ទងជាមួយខ្ញុំទេ ពីព្រោះខ្ញុំពុំទាន់រៀបការ និងគ្មានកូនចៅផង ។ ប៉ុន្តែមួយរំពេចនោះ ខ្ញុំបានគិតឃើញថា ‹ វាពិតជាទាក់ទងនឹងខ្ញុំ ។ ព្រោះខ្ញុំជាសមាជិកម្នាក់ក្នុងក្រុមគ្រួសារមួយ ។ ខ្ញុំជាកូនស្រី ជាបង ឬ ជាប្អូនស្រី ជាមីង ជាបងប្អូនជីដូនមួយ ជាក្មួយ និង ជាចៅស្រីមួយរូបដែរ ។ … ទោះជាខ្ញុំគឺជាសមាជិកសាសនាចក្រដែលនៅរស់តែម្នាក់គត់ក្នុងគ្រួសារខ្ញុំក្ដី ក៏ខ្ញុំនៅតែជាសមាជិកនៃគ្រួសាររបស់ព្រះដែរ › » ។៥