Notebook ng Kumperensya ng Oktubre 2015

Habang nirerepaso mo ang pangkalahatang kumperensya ng Oktubre 2015, magagamit mo ang mga pahinang ito (at ang mga Notebook ng Kumperensya sa susunod na mga isyu) para matulungan kang pag-aralan at ipamuhay ang mga itinuro kamakailan ng mga buhay na propeta at apostol at ng iba pang mga pinuno ng Simbahan.

“Kung ano ang sinabi ko, ang Panginoon, ay sinabi ko; … maging sa pamamagitan ng sarili kong tinig o sa tinig man ng aking mga tagapaglingkod, ito ay iisa” (D at T 1:38).

Bagong Natatanging mga Saksi

“Nagpapasalamat ako sa Pagbabayad-sala ng ating Tagapagligtas at nais kong isigaw iyan na gaya ni Alma na kasabay ng trumpeta ng Diyos.” —Elder Ronald A. Rasband, sa “Ako ay Namangha,” 90.

“Natanggap ko ang malakas na impresyon … na huwag akong magtuon sa hindi ko kayang gawin kundi sa kaya kong gawin. Mapatototohanan ko ang malilinaw at mahahalagang katotohanan ng ebanghelyo.” —Elder Gary E. Stevenson, “Malilinaw at Mahahalagang Katotohanan,” 92.

“Buong puso kong nais na maging tunay na alagad ni Jesucristo. Mahal ko Siya. Sinasamba ko Siya. Pinatototohanan ko na Siya ay tunay na buhay.” —Elder Dale G. Renlund, “Sa Paningin ng Diyos,” 94.

Mga Sagot para sa Iyo

Bawat kumperensya, ang mga propeta at apostol ay nagbibigay ng inspiradong mga sagot sa mga tanong ng mga miyembro ng Simbahan. Gamitin ang iyong isyu ng Nobyembre 2015 o bisitahin ang conference.lds.org para makita ang mga sagot sa mga tanong na ito:

• Bakit tila mas akma ang Simbahan sa ilang tao kaysa sa iba? Tingnan sa Dieter F. Uchtdorf, “Napakaganda ng Nagagawa Nito!” 20.

• Ano ang ilang katotohanan at doktrina na magpapanatili sa ating ligtas na nakaangkla sa Simbahan? Tingnan sa M. Russell Ballard, “Ang Diyos ang Namamahala,” 24.

• Bakit nakatatandang kalalakihan ang nasa nakatataas na mga katungkulan sa Simbahan? Tingnan sa David A. Bednar, “Napiling Magpatotoo sa Aking Pangalan,” 128.

• Bakit ako kailangang makibahagi sa Simbahan kung itinuturing ko nang espirituwal ang sarili ko kahit wala ito? Tingnan sa D. Todd Christofferson, “Bakit Kailangan ang Simbahan,” 108.

Para mabasa, mapanood, o mapakinggan ang mga mensahe sa pangkalahatang kumperensya, bisitahin ang conference.lds.org.

• Ang Pananampalataya ay Pinipili

  Neil L. Andersen

• Paningningin ang Inyong Ilaw

  Thomas S. Monson

• Ang Sakramento