Tinsita Letisisekelo
Sehluko 34: IMileniyamu

Sehluko 34

IMileniyamu

Yini iMileniyamu? Itawuba kanjani imphilo emhlabeni ngesikhatsi seMileniyamu?

Bantfu Labalungile Batawuphila Emhlabeni ngesikhatsi seMileniyamu

Uma Jesu eta futsi, utawubusa umhlaba iminyaka lengu 1,000. Lesikhatsi lesi sitowatiwa ngeMileniyamu.

IMileniyamu kutawuba sikhatsi sekuthula nekulunga. Jesu utawuhlanta umhlaba esonweni ngaphambi kwekutsi iMileniyamu icale. Bonkhe bantfu lababi batawubhujiswa. Bantfu labalungile kuphela labatawusindziswa kute baphile emhlabeni ngalesi sikhatsi. Sathane akanawuba nawo emandla ngetulu kwebantfu futsi kute kusondzele kuphela kweMileniyamu.

UmPhrofethi Joseph Smith watsi bantfu lababuya ezulwini batawuvakashela umhlaba njalo ngesikhatsi seMileniyamu. Batawusita ngemsebenti lowentiwa emathempelini nangemsebenti wemishini.

Kucocisana

  • Yini iMileniyamu?

  • Ngubani lotawuphila emhlabeni ngesikhatsi seMileniyamu?

  • Tama kucabanga kutsi kutawubanjani kuphila endzaweni lapho khona kute bubi.

Imisebenti Lemibili Lemikhulu Itawentiwa ngesikhatsi seMileniyamu

Umsebenti lomkhulu wekucala lokumele wentiwe kwenta timiso ethempelini tebantfu labaphilako nebantfu labafile. Bantfu labavusiwe batawusita labantfu labaphila emhlabeni kutsi batfole emabito etihlobo tabo letafa nekulungisa noma ngumaphi emaphutsa emibhalweni.

Tonkhe timiso letidzingekile kubopha imindeni ndzawonye titawentiwa emathempelini. Imindeni itochunyaniswa kusuka esitukulwaneni sinye kuya kulesinye kubuyela emuva ku-Adamu.

Lomunye umsebenti lomkhulu kushumayela livangeli. Wonkhe umuntfu utawukhona kuva livangeli aphindze alemukele. Labanye bantfu labalungile labangasiwo emalunga eLibandla laJesu batawuchubeka baphile emhlabeni uma iMileniyamu icala. Ekugcineni, noko, bonkhe bantfu batawukwati baphindze basho kutsi Jesu nguMsindzisi wemhlaba.

Kucocisana

  • Yini imisebenti lemikhulu lemibili letawentiwa ngesikhatsi seMileniyamu?

Loko Imphilo letawufana nako ngesikhatsi seMileniyamu

Ngesikhatsi seMileniyamu, umhlaba utawuba njengoba wawunjalo uma Adamu na-Eva basahlala eNsimini yase-Edeni. Kutawubabete imphi. Jesu utawubusa Libandla nahulumende. Yonkhe imitsetfo iyosekelwa etimisweni letiliciniso naletilungile. Kutawuba nemadolobha lamakhulu lamabili. Linye litawuba seJerusalema. Lelinye lelikhulu litawuba yiJerusalema Lensha, eMelika lesenyakatfo.

Bantfu batawuhlala ndzawonye ngekuthula nangelutsandvo. Tonkhe tilwane naleto letititsa nyalo, titawuhlala ndzawonye ngekuthula. Angeke tisalwisana.

Kutawubate sifo, futsi kutawubate kufa. Uma bantfu sebagugile, angeke bafe njengoba sifa nyalo. Batawushintja masinyane basuke kulendlela lesingiyo nyalo baye esimeni sekungabhubhi, lokusho kutsi abayuphidze bafe futsi.

Kutawuba bubele lobukhulu kuphila ngesikhatsi seMileniyamu. Tintfo lesingaticondzisisi nyalo titawucaca kitsi. Imphilo itawuba njengoba injenga nyalo, ngaphandle kwekutsi yonkhe intfo itawentiwa ngelutsandvo nekuthula. Bantfu batawuchubeka babe nebantfwana baphindze babakhulise, batjale baphindze bavune titjalo, futsi bakhe tindlu.

Kucocisana

  • Umhlaba utawuba njani ngesikhatsi seMileniyamu?

Umshikashika Munye weKugcina Utawuvela Nasekusondzele Kuphela kweMileniyamu

Nasekusondzele kuphela kweMileniyamu, Sathane utawucala abe nemandla futsi emhlabeni. Labanye bantfu batamkholwa. Sathane nalabo labamlandzelako batawulwisana nalabo labalandzela Jesu. Kulemphi lena, Sathane nalabo labamlandzelako batawehlulwa ingunaphakadze. Emvakwalemphi, bantfu batawuhlulelwa, futsi batawabelwa kutsi bahlale emibusweni labatilungiselele yona.

Kucocisana

  • Kutawenteka ini ekupheleni kweMileniyamu?

Print