Sehluko 9
BaPhrofethi
Ngubani lokhulumela Babe wetfu loseZulwini emhlabeni lamuhla aphindze asitjele loko Babe wetfu loseZulwini lafuna sikwati siphindze sikwente?
UmPhrofethi Yindvodza Lekhulumela Babe wetfu loseZulwini
Babe wetfu loseZulwini ukhetsa indvodza imkhulumele emhlabeni. Lendvodza le ibitwa ngekutsi ngumphrofethi. Umphrofethi uyamtsandza Babe wetfu loseZulwini futsi wenta letintfo Babe wetfu loseZulwini lafuna kutsi atente. Babe wetfu loseZulwini ufundzisa umphrofethi tintfo lesidzinga kutati nekutenta. Umphrofethi ubese uyasitjela leto tintfo. Uma umphrofethi akhulumela Babe wetfu loseZulwini, usho letintfo Babe wetfu loseZulwini langatisho cobo lwakhe uma Babe wetfu loseZulwini angakhuluma natsi.
Leti nguletinye tetintfo umphrofethi lasitjela tona:
-
Usitjela kutsi Jesu yiNdvodzana yaBabe wetfu loseZulwini, kutsi Jesu nguMsindzisi wetfu, nekutsi timfundziso taJesu tiliciniso.
-
Usifundzisa tintfo Babe wetfu loseZulwini latsite kumele sitente.
-
Usitjela kutsi siyekele kwenta tintfo letingakalungi.
-
Usitjela ngetintfo letitawenteka esikhatsini lesitako.
NguBabe wetfu loseZulwini kuphela longakhetsa umphrofethi. Bantfu angeke sebamkhetse umphrofethi. Indvodza angeke seyike itikhetse yona kuba ngumphrofethi. Babe wetfu loseZulwini unika umphrofethi ligunya lekwenta umsebenti Wakhe aphindze amkhulumele. Indvodza ngeke seyimelele Babe wetfu loseZulwini uma ite leligunya.
Kucocisana
-
Ukhulumela bani umphrofethi?
-
Ngutiphi taletinye tintfo umphrofethi lasitjela tona?
Babe wetfu loseZulwini Wahlala Atfumela BaPhrofethi Kutosisita Imihla yonkhe
Babe wetfu loseZulwini wahlale abakhatsalela bantfwana Bakhe emhlabeni. Kusukela ngesikhatsi sa-Adamu, Utfumele baphrofethi kutosita bantfwana Bakhe. Utfumela baphrofethi kutocwayisa bantfu ngengoti. Uyabatfumela kuhola bantfu kudze nenhlupheko. Uyabatfumela kutosita bantfu balungele tehlakalo letinkhulu. Laba ngulabanye bebaphrofethi Babe wetfu loseZulwini labatfumele:
-
Nowa: Wecwayisa bantfu kutsi Babe wetfu loseZulwini utotfumela tikhukhula kutobabulala uma bangayekeli kwenta lokubi.
-
Abrahama: Walalela Babe wetfu loseZulwini waphindze wafundzisa bantfwabakhe kutsi balalele Babe wetfu loseZulwini. Babe wetfu loseZulwini watsembisa kunika Abrahama nesitukulwane sakhe tintfo letinyenti.
-
Mosi: Wakhipha bantfu baka-Israyeli eGibhithe wabayisa eveni lelo Babe wetfu loseZulwini labekabalungisele lona.
Nasetinsukwini tetfu, futsi, Babe wetfu loseZulwini utfumela baphrofethi. Munye webaphrofethi lowaphila hhayi kadzeni bekabitwa ngekutsi nguJoseph Smith. Bekahlala e-United States of America. Nga1820 Joseph Smith bekana 14 weminyaka. Ngaleso sikhatsi, bantfu labanyenti bangenela emabandla lahlukene, bafuna Libandla leliliciniso. Joseph bekafuna kuba ngumuntfu lolungile atfole Libandla leliliciniso laBabe wetfu loseZulwini.
Ngalelinye lilanga Joseph bekafundza incwadzi lengcwele lebitwa ngeliBhayibheli. Wafundza kutsi uma ufuna kwati lokutsite, kumele ubute Babe wetfu loseZulwini, Babe wetfu loseZulwini utakutjela. Wakholelwa kutsi Babe wetfu loseZulwini utamtjela ngempela letintfo lekumele atente. Wancuma kusho umthandazo lokhetsekile kuBabe wetfu loseZulwini.
Ngalelinye lilanga ekuseni, Joseph waya ehlatsini lelincane kuyothandaza. Asathandaza, kukhanya lokwendlula lilanga kwehlela phansi kusuka esibhakabhakeni. Kuloko kukhanya wabona Babe wetfu loseZulwini naJesu Khristu. Babe wetfu loseZulwini wakhomba kuJesu watsi, “Lena yiNdvodzana Yami letsandzekako. Yilalele!”
Joseph walalela konkhe Jesu lamtjela kona, waphindze walalela imiyaleto Jesu lamnika yona.
Joseph asakhula, Babe wetfu loseZulwini wamkhetsa kutsi abe ngumphrofethi Wakhe. Bekangumphrofethi lomkhulu. Wafundzisa bantfu letintfo Babe wetfu loseZulwini lebekafuna batente.
Joseph Smith wafa nga1844. Emvakwekufa, Babe wettfu loseZulwini wakhetsa lenye indvodza kutsi ibe ngumphrofethi. Namuhla, nakwenteka umphrofethi afa, Babe wetfu loseZulwini ukhetsa lenye indvodza kutsi imkhulumele emhlabeni.
Babe wetfu loseZulwini utfumele baphrofethi ngelilanga letfu.
Joseph Smith
Brigham Young
John Taylor
Wilford Woodruff
Lorenzo Snow
Joseph F. Smith
Heber J. Grant
George Albert Smith
David O. Mckay
Joseph Fielding Smith
Harold B. Lee
Spencer W. Kimball
Ezra Taft Benson
Howard W. Hunter
Gordon B. Hinckley
Thomas S. Monson
Russell M. Nelson
Kucocisana
-
Ngubaphi labanye bebaphrofethi Babe wetfu loseZulwini labakhetsile?
-
Wentani Joseph Smith?
Ukhona umPhrofethi Emhlabeni Lamuhla
Babe wetfu loseZulwini uyabatsandza bantfwana Bakhe labalamhlabeni lamuhla. Uyati kutsi sinetinkinga letinyenti. Utfumele umphrofethi kutsi atosisita. Ukhuluma nemphrofethi namuhla njengoba akhuluma nebaphrofethi ngaphambilini. Babe wetfu loseZulwini unika umphrofethi imiyaleto yebantfu emhlabeni wonkhe. Umphrofethi nguye yedvwa longemukela imiyaleto lesuka kuBabe wetfu loseZulwini yemhlaba wonkhe.
Umphrofethi lophilako namuhla yindvodza lebalulekile. Uyamtsandza Babe wetfu loseZulwini futsi ufuna kumlalela. Babe wetfu loseZulwini utjela umphrofethi letintfo lafuna kutsi sitati futsi sitente.
Kucocisana
-
Babe wetfu loseZulwini umtfumelelani umphrofethi lamuhla?
-
Uyemukelela bani umphrofethi imiyaleto?
-
Singakholelwelani konkhe baphrofethi labasitjela kona?
Babe wetfu loseZulwini Uyasisita Uma Silalela Imiyaleto Layinika umPhrofethi
Babe wetfu loseZulwini usiyale kutsi silalele umphrofethi Wakhe uma umphrofethi amkhulumela. Nasilalela imiyaleto Babe wetfu loseZulwini layinika umphrofethi, sifundza kutsi singenta njani kute sifane naBabe wetfu loseZulwini. Sifundza ngetintfo lekumele sitente. Singafundza kutsi singaticatulula kanjani tinkinga uma sinato. Babe wetfu loseZulwini utawusisita, futsi sitakuba nekuthula etinhlitiyweni tetfu.
Kucocisana
-
Kumele silalele leni letintfo umphrofethi lasitjela kutsi sitente?
-
Babe wetfu loseZulwini utawusisita kanjani uma senta letintfo layalela umphrofethi kutsi asitjele tona?