« មេរៀនទី ២៣ ឯកសារគ្រូបង្រៀន ៖ ការរស់នៅដោយក្តីសង្ឃឹម កាលយើងរៀបចំខ្លួនសម្រាប់ការយាងមកជាលើកទីពីររបស់ព្រះយេស៊ូវគ្រីស្ទ » ព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់ ( ឆ្នាំ ២០២៣ )
« មេរៀនទី ២៣ ឯកសារគ្រូបង្រៀន » ព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់
មេរៀនទី ២៣ ឯកសារគ្រូបង្រៀន
ការរស់នៅដោយក្តីសង្ឃឹម កាលយើងរៀបចំខ្លួនសម្រាប់ការយាងមកជាលើកទីពីររបស់ព្រះយេស៊ូវគ្រីស្ទ
ព្រះយេស៊ូវគ្រីស្ទនឹង « ថ្ងៃណាមួយ នោះទ្រង់នឹងយាងមកផែនដីវិញ … [ និង ] គ្រប់គ្រងជាស្តេចលើអស់ទាំងស្តេច ហើយសោយរាជ្យជាព្រះអម្ចាស់ » ( « ព្រះគ្រីស្ទដ៏មានព្រះជន្មរស់ ៖ ទីបន្ទាល់នៃពួកសាវក » មាននៅលើគេហទំព័រ ChurchofJesusChrist.org ) ។ នៅក្នុងមេរៀននេះ សិស្សនឹងពន្យល់ពីមូលហេតុដែលពួកគេអាចទន្ទឹងរង់ចាំដោយក្តីសង្ឃឹមចំពោះការយាងមកជាលើកទីពីររបស់ព្រះយេស៊ូវគ្រីស្ទ ។ ពួកគេក៏នឹងពិចារណាអំពីវិធីដែលពួកគេអាចរៀបចំខ្លួនពួកគេ និងអ្នកដទៃទៀតសម្រាប់ការយាងត្រឡប់មកវិញរបស់ព្រះអង្គសង្គ្រោះ និងការសោយរាជ្យក្នុងសហស្សវត្សរ៍ផងដែរ ។
យោបល់សម្រាប់ការបង្រៀន
ការយាងមកជាលើកទីពីររបស់ព្រះអង្គសង្គ្រោះនឹងនាំផ្លូវទៅសហស្សវត្សរ៍ ។
ពីមុនសិស្សមកដល់ថ្នាក់ នោះអ្នកអាចសរសេរដូចតទៅនេះនៅលើក្តារខៀន ៖ ទីសម្គាល់មួយចំនួននៃការយាងមកជាលើកទីពីររបស់ព្រះអម្ចាស់ ៖ មានព្រះគ្រីស្ទក្លែងក្លាយ ពួកព្យាការីក្លែងក្លាយ សង្រ្គាម ពាក្យចចាមអារ៉ាមពីសង្រ្គាមទាំងឡាយ អំណត់អត់ឃ្លាន ជំងឺអាសន្នរោគ ការរញ្ជួយដី អំពើទុច្ចរិត ជំងឺធ្លាក់ទឹកចិត្ត អំពើហឹង្សា និងទីសម្គាល់នៅស្ថានសួគ៌ ( សូមមើល យ៉ូសែប ស្ម៊ីធ—ម៉ាថាយ ១:២២–២៣, ២៨–៣០, ៣៣; គោលលទ្ធិ និងសេចក្តីសញ្ញា ៤៥:២៦–២៧, ៣០–៣៣, ៤០–៤២ ) ។
ដើម្បីចាប់ផ្តើមថ្នាក់ សូមពិចារណាចែកចាយសាច់រឿងដូចខាងក្រោមនេះ ៖
ក្នុងអំឡុងពេលមេរៀនអំពីថ្ងៃចុងក្រោយ ថ្នាក់សាលាថ្ងៃអាទិត្យរបស់ អ៊ីវ៉ាន បានធ្វើបញ្ជីមួយពីសញ្ញា និងលក្ខខណ្ឌដ៏លំបាកៗទាំងអស់ដែលនឹងកើតឡើងមុនការយាងមកជាលើកទីពីរ ។ មនុស្សជាច្រើននាក់បានបញ្ចេញមតិថា តើរឿងអាក្រក់ៗមានសភាពយ៉ាងណា ហើយថាវានឹងកាន់តែអាក្រក់ទៅៗ ។ អ៊ីវ៉ាន មានអារម្មណ៍ថប់បារម្ភ និងបាក់ទឹកចិត្តជាខ្លាំង ពេលគាត់ចេញពីព្រះវិហារ ។
-
តើអ្នកធ្លាប់មានអារម្មណ៍ដូចជា អ៊ីវ៉ានដែរឬទេ ?
-
តើអ្វីអាចនឹងបាត់បង់ពីការពិភាក្សាថ្នាក់នេះ ?
សូមអញ្ជើញសិស្សឲ្យរំឭកឡើងវិញ គោលលទ្ធិ និងសេចក្តីសញ្ញា ៤៥:៣៤–៣៥, ៣៨–៣៩ ដោយរកមើលដំបូន្មានរបស់ព្រះអម្ចាស់ចំពោះអស់អ្នកដែលវឹកវរដោយសារទីសម្គាល់នៃការយាងមករបស់ទ្រង់ ។ បន្ទាប់មក សូមពិចារណាថាតើសំណួរណាមួយខាងក្រោមនេះ ដែលអ្នកសួរ ដើម្បីជួយសិស្សរបស់អ្នកឲ្យទទួលបានអារម្មណ៍នៃក្តីសង្ឃឹមកាន់តែធំ ។
-
តើអ្វីជាសារលិខិតរបស់ព្រះអង្គសង្រ្គោះទៅកាន់ ពួកសិស្សរបស់ទ្រង់ ដែលជួបបញ្ហាអំពីទីសម្គាល់នៃការយាងមករបស់ទ្រង់ ? ( សិស្សអាចរកឃើញសេចក្ដីពិតមួយដូចតទៅនេះ ៖ ទីសម្គាល់នៃការយាងមករបស់ព្រះអម្ចាស់ បង្ហាញដល់ពួកអ្នកស្មោះត្រង់ថា ការយាងមកជាលើកទីពីររបស់ទ្រង់គឺនៅជិត ) ។ តើសេចក្តីពិតនេះជាសារលិខិតនៃក្តីសង្ឃឹមដោយរបៀបណា ?
-
តើព្រឹត្តិការណ៍នៃការស្តារឡើងវិញគឺជាទីសម្គាល់ដែលថា ការយាងមកជាលើកទីពីរគឺនៅជិតដោយរបៀបណា ? ( អ្នកអាចរំឭកឧទាហរណ៍ដែលមាននៅក្នុង ផ្នែកទី ១ នៃឯកសាររៀបចំ នេះផងដែរ ។ អ្នកក៏អាចបន្ថែមទៅនឹងបញ្ជីនៃទីសម្គាល់ទាំងឡាយនៅលើក្តារខៀន ) ។ តើទីសម្គាល់ និងព្រឹត្តិការណ៍ទាំងនេះជះឥទ្ធិពលដល់របៀបដែលអ្នកមើលឃើញនៅថ្ងៃចុងក្រោយដោយរបៀបណា ?
-
ហេតុអ្វីបានជាវាសំខាន់ដើម្បីផ្ដោតលើព្រះយេស៊ូវគ្រីស្ទ នៅពេលយើងនិយាយអំពីទីសម្គាល់ដែលពិបាកជាងនេះទៀតដែលទាក់ទងនឹងការយាងមកជាលើកទីពីរ ? ( សូមពិចារណាមើល សេចក្តីថ្លែងការណ៍ដោយ អែលឌើរ រ៉ូណល អេ រ៉ាសបាន នៅក្នុងផ្នែកទី ១ នៃឯកសាររៀបចំនេះ ) ។ តើការផ្ដោតលើព្រះយេស៊ូវគ្រីស្ទបានមានឥទ្ធិពល ឬតើវាអាចមានឥទ្ធិពលលើរបៀបដែលអ្នកមើលឃើញឧបសគ្គនានានៅថ្ងៃចុងក្រោយដោយរបៀបណា ?
សូមរំឭកសិស្សថា ការយាងមកជាលើកទីពីរនឹងនាំផ្លូវឲ្យមានការសោយរាជ្យមួយសហស្សវត្សរ៍នៃសេចក្ដីសុខសាន្ត និងសេចក្ដីសុចរិតរបស់ព្រះអង្គសង្គ្រោះ ។ សូមអញ្ជើញសិស្សឲ្យរំឭក គោលលទ្ធិ និង សេចក្តីសញ្ញា ១០១:២៦, ៣២–៣៥ ហើយរកមើលស្ថានភាពដែលនឹងមានវត្តមាននៅអំឡុងសហស្សវត្សរ៍ ។ អ្នកអាចកត់ត្រានៅលើក្តារខៀននូវអ្វីដែលពួកគេរកឃើញ ។
-
តើស្ថានភាពមួយណានៃស្ថានភាពទាំងនេះ ដែលអ្នកទន្ទឹងរង់ចាំបំផុត ? ហេតុអ្វីទៅ ?
អ្នកអាចដាក់បង្ហាញសេចក្តីថ្លែងការណ៍ខាងក្រោមដោយអែលឌើរ នែល អិល អាន់ឌើរសិន ៖
រូបភាពអែលឌើរ នែល អិល អាន់ឌើរសិនគ្មានអ្វីដែលជម្រុញបំណងខ្ញុំក្នុងការនិយាយអំពីព្រះគ្រីស្ទច្រើនជាងការស្រមៃគិតអំពីការយាងត្រឡប់របស់ទ្រង់នោះឡើយ ។… បទពិសោធន៍ដ៏អស្ចារ្យនេះ គូសចំណាំដល់ព្រលឹងយើងជារៀងរហូត ។ ( នែល អិល អាន់ឌើរសិន « We Talk of Christ » Liahona ខែ វិច្ឆិកា ឆ្នាំ ២០២០ ទំព័រ ៩១ )
សូមអញ្ជើញសិស្សឲ្យស្រមៃមើលពីការយាងមកជាលើកទីពីររបស់ព្រះសង្រ្គោះ និងសហស្សវត្សរ៍ ។ កាលពួកគេស្រមៃមើល សូមអញ្ជើញពួកគេឲ្យកត់ត្រាគំនិត និងអារម្មណ៍របស់ពួកគេ ដើម្បីឆ្លើយតបទៅនឹងសំណួរខាងក្រោម ៖
-
តើការគិតអំពីការយាងមកជាលើកទីពីរ និងសហស្សវត្សរ៍ជួយអ្នកឲ្យរស់នៅដោយមានក្តីសង្ឃឹម និងសេចក្តីសុខសាន្តកាន់តែមហិមាដោយរបៀបណា ?
អ្នកអាចចង់សួរសិស្សម្នាក់ ឬពីរនាក់ឲ្យចែកចាយពីអ្វីដែលពួកគេបានសរសេរនោះ ។
ព្រះអម្ចាស់បង្រៀនយើងពីរបៀបដើម្បីរៀបចំខ្លួនសម្រាប់ការយាងមកជាលើកទីពីររបស់ទ្រង់ ។
អញ្ជើញសិស្សឲ្យមើលរឿងប្រៀបប្រដូចនៃស្រ្តីព្រហ្មចារីដប់នាក់នៅក្នុង ម៉ាថាយ ២៥:១–១៣ ឬមើលវីដេអូ « They That Are Wise » ( ចាប់ពីនាទីទី ០:០០ ដល់នាទីទី ៥:៤៦ ) ។ បើចាំបាច់ សូមជួយសិស្សឲ្យយល់ថា ព្រហ្មចារីតំណាងឲ្យសមាជិកសាសនាចក្រ ( សូមមើល ដាល្លិន អេក អូក « Preparation for the Second Coming » Liahona ខែ ឧសភា ឆ្នាំ ២០០៤ ទំព័រ ៨ ) ។
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F87%2F6f%2F876f412669e8449b32d11b957541c13f521f55ec%2F876f412669e8449b32d11b957541c13f521f55ec.jpeg/full/!250,/0/default)
ការអភិវឌ្ឍការបង្រៀន និងការរៀនសូត្ររបស់យើង
ទុកចិត្តលើសិស្សរបស់អ្នក ។ កាលសិស្សធ្វើការជាក្រុមតូចៗ សូមទុកចិត្តថាពួកគេអាចមានការសន្ទនា ដែលបំផុសគំនិត ដោយមិនចាំបាច់មាន ការត្រួត ពិនិត្យរបស់អ្នកឡើយ ។ បន្ទាប់ពីការពិភាក្សាជាក្រុមតូចហើយ សូមស្វែងយល់ពីកម្រិតដែលសិស្សត្រូវការតាមដាន ។ ឧទាហរណ៍ ជំនួសការឲ្យសិស្សគ្រាន់តែនិយាយឡើងវិញនូវអ្វីដែលពួកគេបាននិយាយអំពី សូមរកមើលរបៀបដើម្បីពង្រឹងការពិភាក្សាជាក្រុមតូចៗរបស់ពួកគេ ។
ដើម្បីជួយសិស្សគិតកាន់តែស៊ីជម្រៅអំពីទំនាក់ទំនងនឹងរឿងប្រៀបប្រដូច នោះអ្នកអាចឲ្យពួកគេបង្កើតក្រុមពិភាក្សាតូចៗ ( ដែលមានគ្នាពីរ ឬបីនាក់ ) ។ សូមផ្តល់ឲ្យក្រុមនីមួយៗនូវសំណៅចែក « ស្រ្តីព្រហ្មចារីល្ងង់ » ឬ « ស្រ្តីព្រហ្មចារីមានគំនិត » ។ សូមឲ្យសិស្សដឹងថាបន្ទាប់ពីការពិភាក្សារបស់ពួកគេហើយ ពួកគេនឹងចូលរួមជាមួយក្រុមដែលពិភាក្សាអំពីប្រធានបទផ្សេងទៀត ហើយចែកចាយអ្វីដែលពួកគេបានរៀនជាមួយគ្នា ។
ស្រ្តីព្រហ្មចារីល្ងង់
ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់—មេរៀនទី ២៣
-
សូមពិភាក្សាសំណួរខាងក្រោមជាមួយគ្នា ៖
-
តើចង្កៀង និងប្រេងតំណាងឲ្យអ្វីនៅក្នុងរឿងប្រៀបប្រដូចនេះ ? ( អ្នកអាចមើលឡើងវិញក្នុង គោលលទ្ធិ និងសេចក្តីសញ្ញា ៤៥:៥៦–៥៧ និង សេចក្ដីថ្លែងការណ៍ដោយប្រធាន រ័សុល អិម ណិលសុន ក្នុងផ្នែកទី ២ នៃឯកសាររៀបចំនេះ ) ។
-
តើឃ្លានេះមានអ្វីសំខាន់ « តែដោយព្រោះប្ដីក្រមកពេក » ( ម៉ាថាយ ២៥:៥ ) និង « លុះដល់កណ្តាលអធ្រាត្រ » ( ខទី ៦ ) ?
-
ហេតុអ្វីបានជាស្ត្រីព្រហ្មចារីប្រាំនាក់ត្រូវបានគេពណ៌នាថាល្ងង់ ? ( អ្នកអាចពិភាក្សាអំពីអត្ថន័យនៃឃ្លា « ខ្ញុំមិនស្គាល់នាងទេ » [ ខទី ១២ ] និង « Ye know me not » ( ការបកប្រែដោយយ៉ូសែប ស្ម៊ីធ Matthew 25:11 [ នៅក្នុង Matthew 25:12, footnote a ] ) បង្រៀនយើងពីការរៀបចំខ្លួនរបស់ស្រ្តីព្រហ្មចារីទាំងនេះ) ។
-
-
សូមស្វែងយល់ពីឧទាហរណ៍ទូទៅមួយ ឬពីរអំពីរបៀបដែលយើងជាសមាជិកសាសនាចក្រអាចនឹងជ្រើសរើសធ្វើដូចស្ត្រីព្រហ្មចារីល្ងង់នេះ ។ សូមត្រៀមខ្លួនដើម្បីចែកចាយគំរូរបស់អ្នកជាមួយនឹងក្រុមដែលបានពិភាក្សាអំពីព្រហ្មចារីមានគំនិត ។
© 2023 by Intellectual Reserve, Inc. All rights reserved.
ស្រ្តីព្រហ្មចារីល្ងង់
ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់—មេរៀនទី ២៣
ស្រ្តីព្រហ្មចារីមានគំនិត
ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់—មេរៀនទី ២៣
-
សូមពិភាក្សាសំណួរខាងក្រោមជាមួយគ្នា ៖
-
តើចង្កៀង និងប្រេងតំណាងឲ្យអ្វីនៅក្នុងរឿងប្រៀបប្រដូចនេះ ? ( អ្នកអាចមើលឡើងវិញក្នុង គោលលទ្ធិ និងសេចក្តីសញ្ញា ៤៥:៥៦–៥៧ និង សេចក្ដីថ្លែងការណ៍ដោយប្រធាន រ័សុល អិម ណិលសុន ក្នុងផ្នែកទី ២ នៃឯកសាររៀបចំនេះ ) ។
-
ហេតុអ្វីបានជាស្ត្រីព្រហ្មចារីប្រាំនាក់ត្រូវបានពិពណ៌នាថាជាស្រ្តីមានគំនិត ?
-
ហេតុអ្វីបានជាស្ត្រីព្រហ្មចារីមានគំនិតមិនចែកប្រេងដល់ស្ត្រីព្រហ្មចារីល្ងង់ ?
-
-
សូមស្វែងយល់ពីឧទាហរណ៍មួយ ឬពីរអំពីរបៀបដែលយើងជាសមាជិកនៃសាសនាចក្រអាចជ្រើសរើសធ្វើដូចស្ត្រីព្រហ្មចារីមានគំនិត នៅពេលយើងរៀបចំសម្រាប់ការយាងមកជាលើកទីពីរ ។ សូមត្រៀមខ្លួនចែកចាយឧទាហរណ៍របស់អ្នកជាមួយក្រុមដែលបានពិភាក្សាអំពីស្រ្តីព្រហ្មចារីល្ងង់ ។
© 2023 by Intellectual Reserve, Inc. All rights reserved.
ស្រ្តីព្រហ្មចារីមានគំនិត
ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់—មេរៀនទី ២៣
ខណៈដែលសិស្សមានពេលគ្រប់គ្រាន់ដើម្បីពិភាក្សាអំពីប្រធានបទរបស់ពួកគេហើយ សូមអញ្ជើញក្រុមនីមួយៗឲ្យចូលគ្នាជាមួយក្រុមដែលបានពិភាក្សាអំពីប្រធានបទផ្សេងទៀត ដើម្បីចែកចាយឧទាហរណ៍ដែលពួកគេបានស្វែងយល់ ។
បន្ទាប់ពីទុកពេលឲ្យសិស្សគ្រប់គ្រាន់ដើម្បីបំពេញការពិភាក្សារបស់ក្រុមទីពីរ នោះអ្នកអាចអញ្ជើញសិស្សម្នាក់ ឬពីរនាក់ឲ្យចែកចាយអ្វីដែលពួកគេបានរៀន ។ អ្នកអាចសរសេរ ឬបង្ហាញសេចក្តីពិតដែលពួកគេស្វែងយល់ ដូចខាងក្រោម ៖ ខ្ញុំអាចរៀបចំខ្លួនសម្រាប់ការយាងមកជាលើកទីពីររបស់ព្រះអម្ចាស់ តាមរយៈការពង្រឹងទីបន្ទាល់របស់ខ្ញុំ និងទទួលយកព្រះវិញ្ញាណបរិសុទ្ធធ្វើជាអង្គដឹកនាំខ្ញុំ ។
ដើម្បីបញ្ចប់ថ្នាក់ សូមផ្តល់ពេលវេលាខ្លះដល់សិស្សដើម្បីកត់ត្រាគំនិត និងអារម្មណ៍របស់ពួកគេអំពីរបៀបដែលពួកគេអាចរៀបចំខ្លួនពួកគេ និងអ្នកដទៃបានល្អបំផុតសម្រាប់ការយាងមកជាលើកទីពីររបស់ព្រះយេស៊ូវគ្រីស្ទ ។
សម្រាប់ពេលក្រោយ
ក្នុងអំឡុងសប្តាហ៍នេះ សូមពិចារណាផ្ញើសារខាងក្រោមនេះទៅសិស្ស ឬបង្កើតសាររបស់អ្នកផ្ទាល់ ៖ នៅពេលអ្នកសិក្សា មេរៀនទី ២៣ អំពីសេចក្តីជំនុំជម្រះចុងក្រោយ សូមពិចារណាពីអ្វីដែលអ្នកអាចធ្វើដើម្បីធ្វើឲ្យព្រឹត្តិការណ៍នេះក្លាយជាព្រឹត្តិការណ៍ដ៏រុងរឿង ។