មេរៀនទី ២៤ ឯកសារគ្រូបង្រៀន ៖ ការទុកចិត្តលើព្រះយេស៊ូវគ្រីស្ទជាចៅក្រមរបស់យើង

« មេរៀនទី ២៤ ឯកសារគ្រូបង្រៀន ៖ ការទុកចិត្តលើព្រះយេស៊ូវគ្រីស្ទជាចៅក្រមរបស់យើង » ព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់ ( ឆ្នាំ ២០២៣ )

« មេរៀនទី ២៤ ឯកសារគ្រូបង្រៀន » ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់

មេរៀនទី ២៤ ឯកសារគ្រូបង្រៀន

ការទុកចិត្តលើព្រះយេស៊ូវគ្រីស្ទជាចៅក្រមរបស់យើង

នៅក្នុង « ព្រះគ្រីស្ទដ៏មានព្រះជន្មរស់ ៖ ទីបន្ទាល់នៃពួកសាវក » យើងអានថា « យើងម្នាក់ៗនឹងត្រូវឈរ ទទួលការជំនុំជម្រះពីទ្រង់ [ ព្រះអង្គសង្រ្គោះរបស់យើង ] ស្របតាមកិច្ចការរបស់យើង និងតាមសេចក្តីប៉ងប្រាថ្នានៃចិត្តរបស់យើងទាំងឡាយ » នៅលើគេហទំព័រ ( ChurchofJesusChrist.org ) ។ មេរៀននេះនឹងជួយសិស្សបញ្ជាក់ពីមូលហេតុដែលយើងអាចមានទំនុកចិត្តពេញលេញនៅលើព្រះយេស៊ូវគ្រីស្ទជាចៅក្រមរបស់យើង ។ ពួកគេក៏នឹងមានឱកាសដើម្បីវាយតម្លៃអ្វីដែលពួកគេធ្វើដើម្បីរៀបចំខ្លួនសម្រាប់សេចក្តីជំនុំជម្រះចុងក្រោយផងដែរ ។

យោបល់សម្រាប់ការបង្រៀន

ព្រះយេស៊ូវគ្រីស្ទ គឺជាចៅក្រមរបស់យើង ។

សូមចែកចាយពីសាច់រឿងដូចខាងក្រោម ៖

សូមស្រមៃថា អ្នកមានមិត្តម្នាក់ដែលត្រូវបានចោតប្រកាន់ពីបទឧក្រិដ្ឋកម្មធ្ងន់ធ្ងរ ។ អ្នកក៏ស្គាល់ជនរងគ្រោះពីឧក្រិដ្ឋកម្មនេះដែរ ។ អ្នកស្រឡាញ់អ្នកទាំងពីរ ។

ប្រសិនបើអ្នកអាចជ្រើសរើសចៅក្រមសម្រាប់មិត្តភក្តិរបស់អ្នក តើអ្នកចង់ឲ្យចៅក្រមមានលក្ខណៈសម្បត្តិអ្វីខ្លះ ?
តើអ្នកនឹងមានកង្វល់អ្វីខ្លះ ប្រសិនបើចៅក្រមខ្វះលក្ខណៈសម្បត្តិមួយ ឬច្រើនដែលយើងបានកំណត់នោះ ? ( ឧទាហរណ៍ ចុះបើចៅក្រមមានក្តីមេត្តា ប៉ុន្តែមិនយុត្តិធម៌ ឬយុត្តិធម៌ ប៉ុន្តែមិនមានក្តីមេត្តាវិញ ? )

សូមរំឭកសិស្សថា ពួកគេត្រូវបានអញ្ជើញឲ្យរៀបចំខ្លួនរៀនសូត្រដោយការស្វែងរកពីលក្ខណៈសម្បត្តិមួយចេញពីព្រះជន្មរបស់ព្រះអង្គសង្គ្រោះ ដែលបង្ហាញថាយើងអាចទុកចិត្តទ្រង់ឲ្យធ្វើជាចៅក្រមដ៏សុចរិតបាន ។ សូមផ្ដល់ពេលឲ្យសិស្សពីរបីនាទីដើម្បីពិនិត្យមើលលក្ខណៈសម្បត្តិដែលពួកគេបានរកឃើញ ឬប្រសិនបើចាំបាច់ ត្រូវស្វែងរកមួយ ។ បន្ទាប់មក សូមឲ្យពួកគេបង្កើតជាក្រុមតូចៗ ហើយចែកសំណៅចម្លងដូចខាងក្រោមនេះឲ្យទៅពួកគេ ។

ព្រះយេស៊ូវគ្រីស្ទគឺជា « ចៅក្រមសុចរិត » ( ធីម៉ូថេ ទី២ ៤:៨ )

ឯកសារគ្រូបង្រៀនអំពី ព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់—មេរៀនទី ២៤

សូមអានឮៗ ទំនុកដំកើង ៩:៨ និង ៩៦:១១–១៣ ។ បន្ទាប់មក សូមអញ្ជើញសមាជិកក្រុមនីមួយៗឲ្យចែកចាយលក្ខណៈសម្បត្តិមួយចេញពីព្រះជន្មរបស់ព្រះអង្គសង្គ្រោះ ដែលបង្ហាញថាព្រះយេស៊ូវគ្រីស្ទកាត់ក្តីមនុស្សទាំងអស់ដោយសុចរិត ។ កាលអ្នកចែកចាយលក្ខណៈសម្បត្តិទាំងឡាយ នោះអ្នកប្រហែលជាចង់ពិភាក្សាសំណួរខាងក្រោម ៖

តើលក្ខណៈសម្បត្តិនេះអាចជះឥទ្ធិពលដល់របៀបដែលព្រះយេស៊ូវគ្រីស្ទកាត់ក្តីយើងដោយរបៀបណា ?
តើលក្ខណៈសម្បត្តិនេះបង្កើនទំនុកចិត្តរបស់អ្នកលើភាពស័ក្តិសមរបស់ព្រះអង្គសង្គ្រោះក្នុងការធ្វើជាចៅក្រមរបស់អ្នកដោយរបៀបណា ?

បន្ទាប់ពីស្វែងរកលក្ខណៈសម្បត្តិជាក់លាក់ហើយ សូមពិភាក្សាអំពីរបៀបដែលព្រះយេស៊ូវគ្រីស្ទគឺខុសគ្នាពីចៅក្រមទាំងអស់របស់មនុស្ស ។ ( សូមពិចារណារំឭកសេចក្ដីថ្លែងការណ៍ដោយ ប្រធាន ដាល្លិន អេក អូក និង អែលឌើរ រីឆាដ ជី ស្កត នៅក្នុងផ្នែកទី ១ នៃឯកសាររៀបចំនេះ ) ។ អ្នកក៏អាចពិភាក្សាអំពីមូលហេតុសំខាន់ដែលព្រះអង្គសង្គ្រោះបំពេញលក្ខខណ្ឌទាំងអស់នេះក្នុងនាមជាចៅក្រមរបស់យើង ។

សំណៅចែកអំពីព្រះយេស៊ូវគ្រីស្ទគឺជាចៅក្រមសុចរិត

បន្ទាប់ពីទុកពេលគ្រប់គ្រាន់សម្រាប់ការពិភាក្សាហើយ អ្នកអាចអញ្ជើញសិស្សមួយចំនួនឲ្យចែកចាយពីអារម្មណ៍របស់ពួកគេអំពីព្រះយេស៊ូវគ្រីស្ទគឺជាចៅក្រមរបស់ពួកគេ ។

ព្រះយេស៊ូវគ្រីស្ទនឹងជំនុំជម្រះយើង ស្របតាមកិច្ចការរបស់យើង និងតាមសេចក្តីប៉ងប្រាថ្នានៃដួងចិត្តរបស់យើង ។

ការអភិវឌ្ឍការបង្រៀន និងការរៀនសូត្ររបស់យើង

គោលការណ៍ពិតដែលបានថ្លែងយ៉ាងច្បាស់ ។ អែលឌើរ ប៊ី អេច រ៉ូប៊ឺត អតីតពួកចិតសិបនាក់ បានបង្រៀនថា « ដើម្បីឲ្យគេស្គាល់ នោះសេចក្តីពិតត្រូវតែបានថ្លែង ហើយសេចក្តីថ្លែងការណ៍ត្រូវតែច្បាស់ និង កាន់តែពេញលេញជាងនេះ នោះព្រះវិញ្ញាណបរិសុទ្ធនឹងកាន់តែមានឱកាសថ្លែងទីបន្ទាល់ដល់ព្រលឹងមនុស្ស ថាកិច្ចការនេះគឺជាការពិត » ( នៅក្នុងជេមស៍ អ៊ី ហ្វោស្ដ៍ « What I Want My Son to Know before He Leaves on His Mission » Ensign ខែ ឧសភា ឆ្នាំ ១៩៩៦ ទំព័រ ៤១ ) ។ សូមផ្តល់ឱកាសឲ្យសិស្សដើម្បីស្វែងរក និងបញ្ជាក់គោលការណ៍នៃសេចក្តីពិតដែលបានរកឃើញនៅក្នុងបទគម្ពីរ និងពាក្យសម្តីរបស់ព្យាការីសម័យទំនើបទាំងឡាយ ។

សូមអញ្ជើញសិស្សឲ្យរំឭក វិវរណៈ ២០:១២ និង គោលលទ្ធិ និងសេចក្តីសញ្ញា ១៣៧:៩ ហើយកត់ត្រាសេចក្តីពិតអំពីរបៀបដែលយើងនឹងត្រូវបានជំនុំជម្រះ ។ សូមស្នើសុំឲ្យសិស្សមួយក្រុមចែកចាយពីសេចក្តីពិតដែលពួកគេបានរកឃើញ ។ ដោយប្រើការយល់ដឹងរបស់សិស្ស នោះអ្នកប្រហែលជាចង់កត់ត្រាសេចក្តីពិតមួយដែលស្រដៀងនឹងសេចក្តីពិតខាងក្រោមនៅលើក្ដារខៀន ៖ យើងម្នាក់ៗនឹងឈរនៅចំពោះព្រះអម្ចាស់ ហើយត្រូវជំនុំជម្រះស្របតាមការប្រព្រឹត្តរបស់យើង និងបំណងប្រាថ្នានៃចិត្តយើង ។ ដើម្បីឲ្យការយល់ដឹងរបស់សិស្សកាន់តែស៊ីជម្រៅ នោះអ្នកអាចសួរសំណួរមួយ ឬច្រើនដូចខាងក្រោមនេះ ៖

ហេតុអ្វីអ្នកគិតថា ការងាររបស់យើងសំខាន់នៅក្នុងសេចក្តីជំនុំជម្រះចុងក្រោយ ? ( សូមចង្អុលបង្ហាញថា ការងារ អាចរួមបញ្ចូលទាំងការរក្សាបទបញ្ញត្តិ ការទទួលពិធីបរិសុទ្ធ ការគោរពសេចក្តីសញ្ញា ការប្រែចិត្ត និងការបម្រើអ្នកដទៃ ) ។
ហេតុអ្វីបានជាអ្នកគិតថា យើងក៏នឹងទទួលការជំនុំជម្រះស្របតាមការប្រព្រឹត្តិរបស់យើង និងបំណងប្រាថ្នានៃចិត្តយើងដែរ ? ( អ្នកក៏អាចចែកចាយសេចក្តីថ្លែងការណ៍ដូចខាងក្រោម ដោយប្រធានអូក ៖ « បំណងប្រាថ្នានានាដែលយើងធ្វើសកម្មភាព កំណត់ពីការផ្លាស់ប្តូររបស់យើង ជោគជ័យរបស់យើង និងការប្រែក្លាយរបស់យើង » [ « Desire » Liahona ខែ ឧសភា ឆ្នាំ ២០១១ ទំព័រ ៤២ ] ) ។
ហេតុអ្វីបានជាវាសំខាន់ក្នុងការវាយតម្លៃជាប្រចាំថាតើបំណងប្រាថ្នា ពាក្យសម្ដី និងសកម្មភាពរបស់យើងមានឥទ្ធិពលលើអ្វីដែលយើងកំពុងប្រែក្លាយយ៉ាងដូចម្តេច ? ( សូមពិចារណាពិនិត្យមើលឡើងវិញនូវ សេចក្តីថ្លែងការណ៍ដោយប្រធាន អូក នៅក្នុងផ្នែកទី ២ នៃ ឯកសាររៀបចំនេះ ) ។

សូមរំឭកសិស្សថា អាលម៉ា ជាកូនបានសួរសំណួរដែលអាចជួយយើងវាយតម្លៃពីអ្វីដែលយើងកំពុងប្រែក្លាយ ។ សូមអញ្ជើញសិស្សឲ្យរំឭក អាលម៉ា ៥:១៥–១៦, ១៩,២៦–២៧ ហើយរកមើលធាតុសំខាន់ៗនៃដំណឹងល្អដូចដែលបានបង្រៀនដោយព្រះអង្គសង្រ្គោះ ។ បន្ទាប់ពីទុកពេលគ្រប់គ្រាន់សម្រាប់ការគិតពិចារណាដោយស្ងាត់ស្ងៀមហើយ សូមលើកទឹកចិត្តសិស្សម្នាក់ ឬពីរនាក់ឲ្យចែកចាយពីរបៀបដែលការឆ្លៀតពេលសម្រាប់ការគិតពិចារណាពីខ្លួនឯងដោយស្មោះត្រង់បានជួយ ឬអាចជួយពួកគេឲ្យកាន់តែប្រែក្លាយដូចជាព្រះអង្គសង្គ្រោះខ្លាំងឡើង ។

ដូចដែលអាលម៉ាបានណែនាំ សូមអញ្ជើញសិស្សឲ្យស្រមៃថាខ្លួនពួកគេឈរនៅចំពោះព្រះដើម្បីទទួលការជុំនុំជម្រះ ។

តើអ្នកអាចមានអារម្មណ៍យ៉ាងណានៅពេលនេះ ? ហេតុអ្វីទៅ ?
តើអ្នកចង់ឲ្យនរណានៅជាមួយអ្នកបំផុត ?
ហេតុអ្វីបានជាវាសំខាន់ដើម្បីយល់ថា បន្ថែមពីលើការធ្វើជាចៅក្រមរបស់យើង ព្រះយេស៊ូវគ្រីស្ទក៏ជាអង្គគាំទ្ររបស់យើងជាមួយព្រះវរបិតាដែរ ? ( អ្នកអាចរំឭកឡើងវិញនូវអត្ថន័យដែលព្រះយេស៊ូវគ្រីស្ទជាអង្គគាំទ្ររបស់យើង [ សូមមើល ផ្នែកទី ២ នៃឯកសាររៀបចំនេះ ] ) ។

សូមអានឮៗ គោលលទ្ធិ និង សេចក្តីសញ្ញា ៤៥:៣–៥ ហើយសូមអញ្ជើញសិស្សឲ្យស្រមៃថា ព្រះយេស៊ូវគ្រីស្ទកំពុងធ្វើការអង្វរជាពិសេសសម្រាប់ពួកគេ ។

តើអ្នកអាចមានអារម្មណ៍បែបណាក្នុងការស្តាប់ព្រះយេស៊ូវគ្រីស្ទកំពុងអង្វរករពី បុព្វហេតុរបស់អ្នក ចំពោះព្រះវរបិតាសួគ៌ ? ( អ្នកអាចចង់រំឭក សម្រង់សម្តីរបស់អែលឌើរ ឌេល ជី រិនឡាន់ នៅក្នុងផ្នែកទី ២ នៃឯកសាររៀបចំនេះ ដើម្បីធានាថា សិស្សយល់ថាព្រះអង្គសង្រ្គោះមិនមែនជំទាស់ដល់ព្រះទ័យរបស់ព្រះវរបិតា ក្នុងនាមជាអង្គគាំទ្ររបស់យើងនោះទេ ) ។
តើការយល់ដឹង និងការទទួលយកតួនាទីរបស់ព្រះអង្គសង្គ្រោះ ជាអង្គគាំទ្ររបស់យើងអាចនាំមកនូវក្តីសង្ឃឹមដល់នរណាម្នាក់ដែលមានអារម្មណ៍ថា គាត់នឹងមិនដែលល្អគ្រប់គ្រាន់ដើម្បីត្រឡប់ទៅកាន់ទីវត្តមានរបស់ព្រះដោយរបៀបណា ?
តើអ្នកអាចធ្វើអ្វីនៅថ្ងៃនេះ ដើម្បីបង្ហាញដល់ព្រះអម្ចាស់ថា អ្នកចង់ឲ្យទ្រង់ធ្វើជាអង្គគាំទ្ររបស់អ្នក ?

អ្នកអាចថ្លែងទីបន្ទាល់ថា ព្រះអម្ចាស់នឹងមិនត្រឹមតែជាអង្គគាំទ្ររបស់យើងនៅឯសេចក្តីជំនុំជម្រះចុងក្រោយនោះទេ ប៉ុន្តែទ្រង់ក៏ស្ម័គ្រព្រះទ័យធ្វើជាអង្គគាំទ្ររបស់យើងនៅសព្វថ្ងៃនេះដែរ ( សូមមើល គោលលទ្ធិ និងសេចក្តីសញ្ញា ២៩:៥–៦ ) ។ ទ្រង់នឹងអង្វរសម្រាប់បុព្វហេតុរបស់យើងកាលយើងស្វែងរកជំនួយរបស់ទ្រង់ ។ អ្នកក៏អាចបង្ហាញវីដេអូ « Jesus Christ Is Our Advocate » ( ០ :៤៨ ) ជាមួយអែលឌើរ ឌី ថត គ្រីស្តូហ្វឺសិន ក្នុងកូរ៉ុមនៃពួកសាវកដប់ពីរនាក់ ។

2:3

សម្រាប់ពេលក្រោយ

ដើម្បីលើកទឹកចិត្តសិស្សឲ្យអានឯកសាររៀបចំពីមុនចូលរៀន សូមពិចារណាផ្ញើសារស្រដៀងគ្នាទៅនឹងសារខាងក្រោមនេះ ៖ កាលអ្នកសិក្សា ឯកសាររៀបចំសម្រាប់មេរៀនទី ២៥ សូមសួរខ្លួនអ្នក ៖ តើឥទ្ធិពលអ្វីដែលភាពជាសិស្សប្រចាំថ្ងៃរបស់ខ្ញុំមានលើជោគវាសនាដ៏អស់កល្បជានិច្ចរបស់ខ្ញុំ ?