« មេរៀនទី ២៦ ឯកសារគ្រូបង្រៀន ៖ ការប្រែក្លាយឲ្យកាន់តែដូចជាព្រះយេស៊ូវគ្រីស្ទ » ព្រះយេស៊ូវគ្រីស្ទ និងដំណឹងល្អដ៏អស់កល្បរបស់ទ្រង់ ( ឆ្នាំ ២០២៣ )
« មេរៀនទី ២៦ ឯកសារគ្រូបង្រៀន » ព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់
មេរៀនទី ២៦ ឯកសារគ្រូបង្រៀន
ការប្រែក្លាយឲ្យកាន់តែដូចជាព្រះយេស៊ូវគ្រីស្ទ
ព្រះយេស៊ូវគ្រីស្ទបង្គាប់ពួកសិស្សរបស់ទ្រង់ឲ្យធ្វើដូចជាទ្រង់ ( សូមមើល នីហ្វៃទី៣ ២៧:២៧ ) ។ នៅក្នុងមេរៀននេះ សិស្សនឹងពិចារណាពីរបៀបដែលពួកគេអាចប្រែក្លាយកាន់តែដូចជាព្រះអង្គសង្រ្គោះ តាមរយៈការអភិវឌ្ឍន៍គុណលក្ខណៈដូចជាព្រះគ្រីស្ទបន្ថែមទៀត ។ ពួកគេក៏នឹងមានឱកាសដើម្បីជ្រើសរើសគុណលក្ខណៈដូចជាព្រះគ្រីស្ទជាក់លាក់មួយ ហើយតាំងចិត្តពីអ្វីដែលពួកគេអាចធ្វើដើម្បីអភិវឌ្ឍន៍គុណលក្ខណៈទាំងនោះឲ្យបានទាំងស្រុង ។
យោបល់សម្រាប់ការបង្រៀន
ព្រះយេស៊ូវគ្រីស្ទបានបង្គាប់សិស្សរបស់ទ្រង់ឲ្យប្រែក្លាយដូចជាទ្រង់
ដើម្បីចាប់ផ្តើមថ្នាក់ សូមដាក់តាំង ឬអញ្ជើញសិស្សឲ្យអាន សេចក្តីថ្លែងការណ៍របស់ប្រធាន ដាល្លិន អេក អូក នៅក្នុងផ្នែកទី ១ នៃឯកសាររៀបចំនេះឲ្យឮៗ ។ បន្ទាប់មកសូមសួរ ៖
-
តើការស្គាល់ អ្វីមួយ ការធ្វើ អ្វីមួយ និង ការប្រែក្លាយ ជាអ្វីមួយ ខុសគ្នាអ្វីខ្លះ ?
សូមសង្ខេបបរិបទពី នីហ្វៃទី ៣ ២៧ និងបន្ទាប់មក សូមអាន នីហ្វៃទី ២ ២៧:២៧ ជាមួយគ្នា ។ ឬអ្នកអាចមើលឃ្លីបដូចគ្នាមកពី Book of Mormon Videos មាននៅលើគេហទំព័រ ( ChurchofJesusChrist.org ) ។ សូមពិចារណាដាក់បង្ហាញសេចក្តីពិតដូចតទៅនេះ ៖ ព្រះយេស៊ូវគ្រីស្ទបង្គាប់ឲ្យពួកសិស្សរបស់ទ្រង់ប្រែក្លាយដូចជាទ្រង់ ។
អ្នកអាចដាក់បង្ហាញរូបភាពមួយចំនួនដែលពិពណ៌នាអំពីគុណលក្ខណៈរបស់ព្រះគ្រីស្ទ ។ បន្ទាប់មក សូមអញ្ជើញសិស្សឲ្យជ្រើសរើសវគ្គបទគម្ពីរមួយ ឬពីរខាងក្រោមដើម្បីអាន ដោយរកមើលគុណលក្ខណៈដូចជាព្រះគ្រីស្ទ ៖
-
តើគុណលក្ខណៈនៃព្រះយេស៊ូវគ្រីស្ទអ្វីខ្លះដែលអ្នកចង់អភិវឌ្ឍន៍បន្ថែមទៀត ? ( សូមពិចារណាសរសេរគុណលក្ខណៈទាំងឡាយដែលសិស្សរកឃើញនៅលើក្តារខៀន ) ។
-
តើអ្នក ឬនរណាម្នាក់ដែលអ្នកស្គាល់បានទទួលពរ តាមរយៈការព្យាយាមប្រែក្លាយកាន់តែដូចជាព្រះអង្គសង្រ្គោះដោយរបៀបណា ? ( អ្នកអាចមើល សេចក្តីថ្លែងការណ៍ដោយប្រធាន អ៊ែសរ៉ា ថាហ្វ ប៊ែនសឹន នៅក្នុងផ្នែក ១ នៃឯកសាររៀបចំនេះ ) ។
សូមពិចារណាចែកចាយអ្វីមួយដែលមានលក្ខណៈដូចសាច់រឿងខាងក្រោម ៖
នៅពេលមើលបញ្ជីនៃគុណលក្ខណៈដូចជាព្រះគ្រីស្ទ អេលីហ្សាមានអារម្មណ៍ក្តុកក្តួល ។ នាងឆ្ងល់ពីរបៀបដែលនាងអាចបញ្ចូលគុណលក្ខណៈទាំងអស់នោះទៅក្នុងជីវិតរបស់នាង ។ វាហាក់ដូចជាមិនអាចទៅរួចទេ ។
-
តើអ្នកធ្លាប់មានអារម្មណ៍ដូចជាអេលីហ្សា ដែរឬទេ ? តើដំបូន្មានអ្វីខ្លះដែលអ្នកនឹងផ្ដល់ឲ្យនាង ?
-
តើការប្រឈមអ្វីទៀតដែលយើងអាចជួបប្រទះ នៅពេលយើងខិតខំអភិវឌ្ឍន៍គុណលក្ខណៈដូចជាព្រះគ្រីស្ទ ?
-
តើគោលការណ៍ដំណឹងល្អអ្វីដែលយើងអាចមានអារម្មណ៍កាន់តែមានសង្ឃឹមកាលយើងខិតខំអភិវឌ្ឍន៍គុណលក្ខណៈដូចជាព្រះគ្រីស្ទ ? ( ប្រសិនបើចាំបាច់ សិស្សអាចពិចារណា សេចក្តីថ្លែងការណ៍របស់ប្រធានឌៀថើរ អេហ្វ អុជដូហ្វ នៅក្នុងផ្នែកទី ២ នៃឯកសាររៀបចំនេះ ឬបទគម្ពីរដូចជាមានខាងក្រោម ៖ ម៉ូសាយ ៤:២៧; អេធើរ ១២:២៧ ឬ គោលលទ្ធិ និងសេចក្តីសញ្ញា ៧៨:១៧–១៨; ៩៣:១៣ ) ។
ការអភិវឌ្ឍការបង្រៀន និងការរៀនសូត្ររបស់យើង
ប្រើដំណើររឿង ។ ដំណើររឿងទាំងឡាយអាចបង្កើតឲ្យមានចំណាប់អារម្មណ៍ ការយល់ដឹងកាន់តែស៊ីជម្រៅ និងបង្ហាញពីការអនុវត្ត ។ រួមជាមួយនឹងដំណើររឿងទាំងឡាយនៅក្នុងព្រះគម្ពីរ ដំណើររឿងដែលជំរុញឲ្យមានសេចក្តីជំនឿពីថ្នាក់ដឹកនាំសាសនាចក្រអាចបង្ហាញពីរបៀបអនុវត្តគោលការណ៍ទាំងឡាយនៅក្នុងបរិបទទំនើបមួយ ។ គ្រូបង្រៀន និងសិស្សក៏អាចចែកចាយដំណើររឿងដែលបំផុសគំនិតពីជីវិតរបស់ពួកគេផងដែរ ។
ដើម្បីបង្ហាញពីគោលគំនិតនៃការប្រែក្លាយដូចជាព្រះអម្ចាស់បន្តិចម្តងៗ នោះអ្នកអាចបង្ហាញរូបភាពភ្នំហ្វូជី ហើយអានបទពិសោធន៍របស់អែលឌើរ ស្កត់ ឌី និងស៊ីស្ទើរ វីតធីង ។ ( ឬអ្នកអាច មើល ឬស្តាប់អែលឌើរ វីតធីង ចែកចាយបទពិសោធន៍នេះ នៅក្នុងសន្និសីទទូទៅ [ ចាប់ពីនាទីទី ២:៣៥ ដល់នាទីទី ៣:០៩ ] ) ។
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Ffb%2F9c%2Ffb9cd7f7d8a6cc8b161c3a4160f493e2e6a534af%2Ffb9cd7f7d8a6cc8b161c3a4160f493e2e6a534af.jpeg/full/!250,/0/default)
រូបភាពអែលឌើរ ស្កត់ ឌី វីតធីងកាលពីពីរបីឆ្នាំមុន ភរិយាខ្ញុំ និងខ្ញុំបានឈរនៅដើមផ្លូវនៃជើងភ្នំដ៏ខ្ពស់បំផុតរបស់ប្រទេសជប៉ុន ភ្នំហ្វូជី ។ ពេលយើងបានចាប់ផ្ដើមការឡើងភ្នំរបស់យើង យើងបានសម្លឹងមើលទៅលើកំពូលភ្នំដែលនៅឆ្ងាយនោះ ហើយឆ្ងល់ថាតើយើងអាចឡើងទៅដល់ទីនោះឬទេ ។
កាលដែលយើងបានធ្វើដំណើរទៅ យើងអស់កម្លាំង ឈឺសាច់ដុំ និងទទួលឥទ្ធិពលនៃសម្ពាធខ្ពស់នោះ ។ តាមផ្លូវចិត្ត វាសំខាន់ចំពោះយើងដើម្បីផ្ដោតតែទៅលើជំហានបន្ទាប់ទៀតប៉ុណ្ណោះ ។ យើងនិយាយថា « ខ្ញុំអាចនឹងមិនទៅដល់កំពូលឆាប់ៗទេ ប៉ុន្តែខ្ញុំអាចបោះជំហានបន្ទាប់នេះ នៅពេលឥឡូវនេះ » ។ យូរៗទៅ កិច្ចការដ៏លំបាកនោះបានក្លាយជាអ្វីដែលអាចសម្រេចបាននៅទីបំផុត—មួយជំហានម្ដងៗ ។ ( ស្កត់ ឌី វីតធីង « Becoming like Him » Liahona ខែ វិច្ឆិកា ឆ្នាំ ២០២០ ទំព័រ ១២ )
-
តើបទពិសោធន៍របស់អែលឌើរ និងស៊ីស្ទើរវីតធីង ទាក់ទងនឹងការប្រែក្លាយឲ្យកាន់តែដូចជាព្រះយេស៊ូវគ្រីស្ទដោយរបៀបណា ?
បន្ទាប់ពីសិស្សចែកចាយគំនិតរបស់ពួកគេរួចហើយ សូមបង្ហាញសេចក្ដីថ្លែងការណ៍ខាងក្រោមដោយអែលឌើរ វីតធីង ៖
រូបភាពអែលឌើរ ស្កត់ ឌី វីតធីងការក្លាយដូចជាព្រះយេស៊ូវគ្រីស្ទ នឹងតម្រូវឲ្យមានការផ្លាស់ប្ដូរដួងចិត្ត និងគំនិតយើង តាមពិតទៅ ថែមទាំងលក្ខណៈសម្បត្តិរបស់យើងផង ហើយការធ្វើដូច្នោះអាចធ្វើទៅបាន តែតាមរយៈព្រះគុណដ៏សង្គ្រោះរបស់ព្រះយេស៊ូវគ្រីស្ទប៉ុណ្ណោះ ។ …
ដើម្បីមើលឃើញការរីកចម្រើនដ៏ពិត បងប្អូននឹងត្រូវតែខិតខំប្រឹងប្រែងឲ្យបានខ្ជាប់ខ្ជួន ។ ដូចគ្នានឹងការឡើងភ្នំដែលតម្រូវឲ្យមានការរៀបចំទុកជាមុន និងមានការតស៊ូ និងការអត់ធ្មត់អំឡុងពេលឡើង ដូច្នេះការធ្វើដំណើរនេះក៏នឹងតម្រូវឲ្យមានកិច្ចប្រឹងប្រែង និងការលះបង់ដ៏ពិតផងដែរ ។ ពួកគ្រីស្ទានដ៏ពិត ដែលយើងពុះពារដើម្បីក្លាយដូចជាលោកគ្រូរបស់យើង តែងតែតម្រូវឲ្យយើងធ្វើអស់ពីសមត្ថភាព ។ ( ស្កត់ ឌី វីតធីង « Becoming like Him » Liahona ខែ វិច្ឆិកា ឆ្នាំ ២០២០ ទំព័រ ១៣, ១៤ )
សូមអញ្ជើញសិស្សឲ្យរំឭកសកម្មភាព « កត់ត្រាគំនិតរបស់អ្នក » នៅក្នុងផ្នែកទី ៣ នៃឯកសាររៀបចំនេះ ។ បន្ទាប់មកជ្រើសរើសសកម្មភាពមួយខាងក្រោមដែលអាចបំពេញតម្រូវការសិស្សរបស់អ្នកបានល្អបំផុត ៖
-
សូមអញ្ជើញសិស្សឲ្យចំណាយពេលបំពេញ « ឥរិយាបទសកម្មភាព » ដែលមាននៅក្នុង ប្រកាសដំណឹងល្អរបស់យើង ឬសញ្ជឹងគិតពីអ្វីដែលពួកគេបានរៀន ឬអាចរៀនចេញពីបទពិសោធន៍នេះ ។
-
សូមផ្តល់ ពេលឲ្យសិស្សជ្រើសរើស និងអាន ( ឬចាប់ផ្តើមអាន ) សុន្ទរកថាមួយ ឬច្រើននៅក្នុងផ្នែក « ចង់បានបន្ថែមទៀតទេ ? » នៃឯកសាររៀបចំនេះ ។ ពួកគេក៏អាចស្វែងរកធនធានផ្ទាល់ខ្លួនរបស់ពួកគេដើម្បីសិក្សាដោយស្វែងរកគុណលក្ខណៈដូចជាព្រះគ្រីស្ទនៅក្នុងបណ្ណាល័យដំណឹងល្អផងដែរ ។
-
សូមអញ្ជើញសិស្សមួយចំនួនឲ្យចែកចាយចេញពីព្រះគម្ពីរអំពីរបៀបដែលព្រះអង្គសង្គ្រោះបានធ្វើជាគំរូអំពីគុណលក្ខណៈដែលពួកគេបានជ្រើសរើសដើម្បីធ្វើតាមនោះ ។ ( សូមមើល ជំហាន ទី ២ នៅក្នុងសកម្មភាព « កត់ត្រាគំនិតរបស់អ្នក » នៅក្នុងផ្នែកទី ៣ នៃឯកសាររៀបចំនេះ ) ។
-
សូមអញ្ជើញសិស្សឲ្យចែកចាយអ្វីដែលពួកគេបានរៀនតាមរយៈការនិយាយជាមួយនរណាម្នាក់ដែលពួកគេស្គាល់អំពីការប្រែក្លាយឲ្យកាន់តែដូចជាព្រះអង្គសង្រ្គោះ ។ ( សូមមើលសកម្មភាព « ពិភាក្សានៅក្នុងការរៀបចំសម្រាប់ថ្នាក់ » នៅក្នុងផ្នែកទី ១ ឬ ជំហាន ទីបី នៃសកម្មភាព « កត់ត្រាគំនិតរបស់អ្នក » នៅក្នុងផ្នែកទី ៣ នៃឯកសាររៀបចំនេះទុកជាគំនិត ) ។
ដើម្បីបញ្ចប់ថ្នាក់ នោះអ្នកអាចដាក់បង្ហាញសំណួរដូចតទៅនេះ ហើយអញ្ជើញសិស្សឲ្យសញ្ជឹងគិត និងកត់ត្រាចំណាប់ អារម្មណ៍របស់ពួកគេ ។
-
តើការអភិវឌ្ឍ ឬការពង្រឹងគុណលក្ខណៈដូចជាព្រះគ្រីស្ទដែលអ្នកបានជ្រើសរើសអាចមានឥទ្ធិពលលើជីវិត និងទំនាក់ទំនងរបស់អ្នកដោយរបៀបណា ?
-
តើជំហានតូចៗ និងសាមញ្ញៗអ្វីខ្លះដែលអ្នកអាចធ្វើក្នុងសប្តាហ៍នេះដើម្បីបណ្តុះគុណលក្ខណៈនេះ ?
-
តើអ្នកនឹងស្វែងរកជំនួយពីព្រះអម្ចាស់ដើម្បីអភិវឌ្ឍ ឬពង្រឹងគុណលក្ខណៈនេះដោយរបៀបណា ?
សូមពិចារណាអញ្ជើញសិស្សពីរបីនាក់ឲ្យចែកចាយអ្វីមួយដែលពួកគេទទួលអារម្មណ៍ បានរៀន ឬបានសរសេរនៅអំឡុងការពិភាក្សានាថ្ងៃនេះ ។ អ្នកក៏គួរចែកចាយទីបន្ទាល់របស់ខ្លួនផងដែរ ។
សម្រាប់ពេលក្រោយ
ដើម្បីលើកទឹកចិត្តសិស្សឲ្យសិក្សាឯកសាររៀបចំសម្រាប់ថ្នាក់លើកក្រោយ សូមពិចារណាផ្ញើសារដូចដូចតទៅនេះ ឬសារមួយរបស់អ្នកផ្ទាល់ ៖ កាលអ្នកសិក្សា មេរៀនទី ២៧ សូមពិចារណាពីទំនាក់ទំនងរវាងពាក្យ សង្ឃឹម ពន្លឺ និង ជីវិត ។