មេរៀនទី ២៨ ឯកសារគ្រូបង្រៀន ៖ ការឈរជាសាក្សីនៃព្រះយេស៊ូវគ្រីស្ទ

« មេរៀនទី ២៨ ឯកសារគ្រូបង្រៀន ៖ ការឈរជាសាក្សីនៃព្រះយេស៊ូវគ្រីស្ទ » ព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់ ( ឆ្នាំ ២០២៣ )

« មេរៀនទី ២៨ ឯកសារគ្រូបង្រៀន » ឯកសារគ្រូបង្រៀនអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់

មេរៀនទី ២៨ ឯកសារគ្រូបង្រៀន

ការឈរជាសាក្សីនៃព្រះយេស៊ូវគ្រីស្ទ

តាមរយៈវគ្គសិក្សានេះ សិស្សមានឱកាសដើម្បីសិក្សា ពិចារណា និងពិភាក្សាអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់ ។ ពួកគេត្រូវបានអញ្ជើញឲ្យពង្រឹងទីបន្ទាល់របស់ពួកគេអំពីព្រះអង្គសង្គ្រោះ ហើយធ្វើសកម្មភាពដោយសេចក្តីជំនឿដើម្បីប្រែក្លាយកាន់តែដូចទ្រង់ ។ នៅក្នុងមេរៀននេះ សិស្សនឹងសញ្ជឹងគិតអំពីអ្វីដែល ពួកគេបានទទួលអារម្មណ៍ រៀន និងដកពិសោធន៍ ។ ពួកគេនឹងត្រូវបានអញ្ជើញឲ្យចែកចាយទីបន្ទាល់របស់ពួកគេពីព្រះអង្គសង្រ្គោះ ។

យោបល់សម្រាប់ការបង្រៀន

ពួកសិស្សរបស់ព្រះយេស៊ូវគ្រីស្ទថ្លែងទីបន្ទាល់ពីទ្រង់ ។

ចំណាំ ៖ ដើម្បីអនុញ្ញាតឲ្យសិស្សមានពេលច្រើនដើម្បីសញ្ជឹងគិត និងចែកចាយទីបន្ទាល់របស់ពួកគេអំពីព្រះអង្គសង្គ្រោះអំឡុងពេលរៀន នោះគំនិតបង្រៀនត្រូវមានតិចជាងមុននៅក្នុងមេរៀននេះ ។

អ្នកអាចចែកចាយសាច់រឿងដូចខាងក្រោមកាលអ្នកចាប់ផ្តើមថ្នាក់ ៖

សូមស្រមៃថាមិត្តជិតស្និទ្ធម្នាក់កំពុងចូលរួមការប្រជុំតមអាហារ និងទីបន្ទាល់ជាលើកដំបូងរបស់គាត់ ឬ នាង ឬត្រឡប់មកព្រះវិហារវិញបន្ទាប់ពីឃ្លាតឆ្ងាយអស់ជាច្រើនឆ្នាំ ។ ប្រសិនបើអ្នកបានចែកចាយទីបន្ទាល់របស់អ្នក តើអ្នកនឹងនិយាយអ្វី ? តើអ្នកសង្ឃឹមថាអ្នកដទៃនឹងចែកចាយអ្វី ?

សូមពិចារណាផ្តល់ពេលឲ្យសិស្សកត់ត្រាពីអ្វីដែលពួកគេអាចនិយាយនៅក្នុងទីបន្ទាល់របស់ពួកគេ ។ បន្ទាប់មក អ្នកអាចអញ្ជើញសិស្សមួយចំនួនឲ្យចែកចាយអ្វីដែលពួកគេបានកត់ត្រា ។ ដោយជាផ្នែកមួយនៃការពិភាក្សារបស់អ្នក នោះអ្នកអាចសួរសំណួរមួយ ឬ ច្រើនដូចខាងក្រោម ៖

តើអ្នកនឹងមានអារម្មណ៍យ៉ាងណា ប្រសិនបើគ្មាននរណាម្នាក់ថ្លែងទីបន្ទាល់ពីព្រះយេស៊ូវគ្រីស្ទនោះទេ ? ហេតុអ្វីការថ្លែងទីបន្ទាល់ពីព្រះយេស៊ូវគ្រីស្ទ និងដំណឹងល្អដ៏នៅអស់កល្បអស់កាលជានិច្ចរបស់ទ្រង់ សំខាន់ខ្លាំងម្ល៉េះ ? ( នៅពេលសិស្សពិភាក្សា អ្នកអាចបង្ហាញសេចក្តីថ្លែងការណ៍ដូចតទៅនេះ ដោយអែលឌើរ ឌៀថើរ អេហ្វ អុជដូហ្វ ៖ « ចំណុចស្នូលនៃទីបន្ទាល់ [ របស់យើង ]នេះនឹងជាសេចក្តីជំនឿ និងចំណេះដឹងអំពីព្រះយេស៊ូវគ្រីស្ទ និងបេសកកម្មដ៏ទេវភាពរបស់ទ្រង់ » [ « The Power of a Personal Testimony » Liahona ខែ វិច្ឆិកា ឆ្នាំ ២០០៦ ទំព័រ ៣៨ ] ) ។
តើទីបន្ទាល់របស់អ្នកអំពីព្រះយេស៊ូវគ្រីស្ទកើតមានដល់អ្នកដោយរបៀបណា ? ( អ្នកអាចរំឭកឡើងវិញក្នុង អាលម៉ា ៥:៤៦–៤៨ និង សេចក្តីថ្លែងការណ៍ទីពីរដោយ អែលឌើរអុជដូហ្វ នៅក្នុងផ្នែកទី ១ នៃឯកសាររៀបចំនេះ ។ ប្រសិនបើចង់ អ្នកអាចជួយសិស្សឲ្យរកឃើញសេចក្ដីពិតដែលស្រដៀងគ្នាទៅនឹងអ្វីដូចតទៅនេះ ៖ យើងអាចមានទីបន្ទាល់ដ៏ពិតប្រាកដពីព្រះយេស៊ូវគ្រីស្ទ តាមរយៈព្រះវិញ្ញាណបរិសុទ្ធ ) ។ តើឥទ្ធិពលអ្វីដែលព្រះវិញ្ញាណបរិសុទ្ធមានលើការយល់ដឹងរបស់អ្នក និងសេចក្តីស្រឡាញ់សម្រាប់ព្រះអង្គសង្រ្គោះ ?

សូមពិចារណាអញ្ជើញសិស្សម្នាក់ ឬពីរនាក់ឲ្យរៀបចំខ្លួនពីមុនថ្នាក់ដើម្បីចែកចាយពីរបៀបដែលជីវិតរបស់ពួកគេបានទទួលពរជ័យ តាមរយៈការស្តាប់អ្នកដទៃថ្លែងទីបន្ទាល់ពីព្រះយេស៊ូវគ្រីស្ទ ។ បន្ទាប់មកអ្នកអាចសួរ ៖

តើមានវិធីអ្វីខ្លះ ដែលយើងអាចឈរជាសាក្សីរបស់ព្រះយេស៊ូវគ្រីស្ទ ? ( អ្នកអាចស្នើសុំឲ្យសិស្សមើលឡើងវិញនូវ សេចក្តីថ្លែងការណ៍ដោយអែលឌើរ នែល អិល អាន់ឌើរសិន នៅក្នុងផ្នែកទី ២ នៃឯកសាររៀបចំនេះ ) ។
ហេតុអ្វីបានជាវាមានសារៈសំខាន់ដើម្បីចែកចាយទីបន្ទាល់របស់យើងអំពីព្រះអង្គសង្គ្រោះ បើទោះបីជាយើងមានអារម្មណ៍ថាទីបន្ទាល់របស់យើងមិនសូវខ្លាំងក៏ដោយនោះ ? ( សូមពិចារណាមើលឡើងវិញនូវ សេចក្តីថ្លែងការណ៍ដោយប្រធាន អុជដូហ្វ នៅក្នុងផ្នែកទី ១ នៃ ឯកសាររៀបចំនេះ ) ។

ការអភិវឌ្ឍការបង្រៀន និងការរៀនសូត្ររបស់យើង

សូមអញ្ជើញសិស្សឲ្យថ្លែងទីបន្ទាល់អំពីព្រះយេស៊ូវគ្រីស្ទ និងបេសកកម្មដ៏ធួនរបស់ទ្រង់ ។ សូមជួយសិស្សឲ្យយល់ថាការថ្លែងទីបន្ទាល់ពីព្រះយេស៊ូវគ្រីស្ទ មិនគ្រាន់តែផ្តល់ពរជ័យដល់បុគ្គលដែលថ្លែងទីបន្ទាល់ប៉ុណ្ណោះទេ ប៉ុន្តែក៏អាចពង្រឹងសេចក្ដីជំនឿ និងទីបន្ទាល់របស់អ្នកដទៃផងដែរ ។ ទីបន្ទាល់មួយអាចជាការបង្ហាញអារម្មណ៍សាមញ្ញៗពីអ្វីដែលមនុស្សម្នាក់ជឿ សង្ឃឹម ឬដឹងថាជាការពិត ។

សូមរំឭកសិស្សថា ពួកគេត្រូវបានអញ្ជើញឲ្យរៀបចំខ្លួនមករៀនដោយ ការជ្រើសរើសសកម្មភាពរៀនសូត្រមួយ ដើម្បីជួយពួកគេគិតពិចារណាអំពីទីបន្ទាល់របស់ពួកគេអំពីព្រះយេស៊ូវគ្រីស្ទ និងដំណឹងល្អដ៏អស់កល្បអស់កាលជានិច្ចរបស់ទ្រង់ ។ សូមផ្តល់ពេលវេលាឲ្យសិស្សមើលកំណត់សម្គាល់របស់ពួកគេឡើងវិញ ហើយរៀបចំចែកចាយអ្វីមួយ ។

បើអ្នកមានសិស្សច្រើន នោះអ្នកអាចចង់រៀបចំសិស្សទៅជាក្រុមតូចៗ ដើម្បីជួយផ្តល់ឲ្យសិស្សគ្រប់គ្នាមានឱកាសចែកចាយ ។ សូមលើកទឹកចិត្តសិស្សឲ្យដឹងពីពេលដែលពួកគេប្រើ ដើម្បីឲ្យសិស្សគ្រប់គ្នានៅក្នុងថ្នាក់ ឬក្រុមដែលចង់ចែកចាយ អាចចែកចាយបាន ។ ខណៈពេលដែលសិស្សទាំងអស់គួរតែត្រូវបានលើកទឹកចិត្តឲ្យចែកចាយ នោះគ្មានសិស្សណាម្នាក់គួរមានអារម្មណ៍ថាមានសម្ពាធនោះទេ ។

សូមបញ្ចប់ថ្នាក់ដោយការថ្លែងទីបន្ទាល់របស់អ្នក និងលើកទឹកចិត្តសិស្សឲ្យបន្តពង្រឹងទីបន្ទាល់របស់ពួកគេអំពីព្រះយេស៊ូវគ្រីស្ទ ហើយស្វែងរកឱកាសដើម្បីចែកចាយសាក្សីអំពីទ្រង់ ។

មុនពេលចប់ថ្នាក់សូមលើកទឹកចិត្តសិស្សឲ្យបន្តចុះឈ្មោះចូលរៀនថ្នាក់វិទ្យាស្ថាន ។