Lēsoni 1
“Ke Mou Tui Ko e Kalaisí ʻa Sīsū”
ʻĪsaia 61:1–3; Liliu ʻa Siosefa Sāmitá, Luke 3:4–11; Sione 1:1–14; 20:31
-
Ko e hā ʻokú ke ʻilo fekauʻaki mo Sīsū Kalaisi mei he Sione 1:1–3, 14? (Fakatokangaʻi ange, ko e “Folofolá” ʻi he Sione 1:1–14, ʻoku ʻuhinga ia ki he Fakamoʻuí).
-
Naʻe pehē ʻe he ʻAposetolo ko Sioné, “naʻe ʻiate ia [Sīsū] ʻa e moʻuí” (Sione 1:4). Naʻá ne toe fakamoʻoniʻi foki ko Sīsuú ko e “Maama moʻoní ia, ʻokú ne fakamaama ki he tangata kotoa pē ʻoku haʻu ki māmani (Sione 1:9). Kuo foaki fēfē atu ʻe he Fakamoʻuí kiate koe ʻa e moʻuí mo e māmá?
-
Ko e hā ha ngaahi talanoa pe ngaahi akonaki ʻi he Fuakava Foʻoú kuó ne ueʻi fakalaumālie pe tokoniʻi koe? ʻE lava fēfē ʻe hoʻo ako he taʻú ni ʻa e Fuakava Foʻoú ʻi he Lautohi faka-Sāpaté ʻo tokoniʻi koe ke fakamālohia hoʻo fakamoʻoní ko Sīsuú ko e Kalaisí Ia?
Fokotuʻu ki hono Aleaʻi ʻe he Fāmilí
Lau ʻa e Sione 1:1–3. Fakamatalaʻi ko Sīsū (“ko e Folofolá” ʻi he Sione 1:1–3) naʻá ne fakatupu ʻa e māmaní ʻi he fakahinohino ʻa e Tamai Hēvaní. Mou kiʻi ʻeveʻeva lalo mo ho fāmilí ʻo mou vakavakai holo ki he fakaʻofoʻofa ʻo e ngaahi meʻa naʻá ne fakatupú.