Lēsoni 34
“Fai ʻa e Ngaahi Fekaú ʻo Hangē ko ʻEku ʻAtu Ia Kiate Kimoutolú”
-
ʻOku ʻuhinga ki he hā ʻa e “ʻoku ʻikai ʻa e tangatá kae ʻi he fefiné, pea ʻoku ʻikai ai ʻa e fefiné kae ʻi he tangatá, ʻi he ʻEikí”? (1 Kolinitō 11:11). Ko e hā ʻoku fuʻu mahuʻinga ai e vā ʻo e husepānití mo e uaifí ʻi he puleʻanga ʻoe ʻOtuá? Ko e hā ʻoku akoʻi mai ʻe he meʻá ni fekauʻaki mo e founga ʻoku totonu ke fetauhiʻaki ai ʻa e husepānití mo e uaifí?
-
Fakatatau mo Paula, ko e hā e ngaahi taumuʻa ʻo e sākalamēnití? (Vakai, 1 Kolinitō 11:23–26, vakai foki, Luke 22:19–20). Ko e hā hono ʻuhinga ʻoku hoko ai hono vakaiʻi ʻo ʻetau tuʻunga tāú ko ha konga mahuʻinga ʻo e sākalamēnití?
-
ʻOku naʻinaʻi mai ʻa e folofolá ke tau fekumi ki he ngaahi meʻafoaki fakalaumālié. (Vakai 1 Kolinitō 12:31; T&F 46:8). Ko e hā ha ngaahi ʻuhinga ʻoku tau fekumi ai ki he ngaahi meʻafoaki fakalaumālié? (Vakai, 1 Kolinitō 14:12; T&F 46:9.)
-
Ko e hā e akonaki ʻa Paula fekauʻaki mo e puleʻanga ʻo e ngaahi nāunaú? (Vakai, 1 Kolinitō 15:35–44; vakai foki, T&F 88:27–32). ʻOku uesia fēfē hoʻo tōʻonga moʻuí ʻe hoʻo ʻilo ki he Toetuʻú mo e ngaahi puleʻanga ʻo e nāunaú?
Fokotuʻu ki hono Aleaʻi ʻe he Fāmilí
Lau ʻa e Folofola Fekauʻaki Mo Iá, ʻi he vahe ko ʻení. Hili iá pea mou aleaʻi ʻa e ngaahi fehuʻi ʻi he palakalafi hono tolu ʻo e konga ko ʻení. Fekau ki he fāmilí ke fai haʻanau fakamatala fekauʻaki mo e ngaahi meʻafoaki fakalaumālie ʻoku nau takitaha fakatokangaʻi ʻiate kinautolú, ʻa ia ʻokú ne fakamālohia ʻa e fāmilí fakakātoa. Tokoniʻi e mēmipa takitaha ʻo e fāmilí ke ne ʻiloʻi ʻokú ne hoko ko ha konga mahuʻinga ʻo e fāmilí.