“Hangē Ko Hoʻo Fakamoʻoniʻi Aú”

Naʻe fakahā ʻe Paula ha loto-toʻa moʻoni ʻi heʻene fakahā ki he kakai ʻi Selūsalemá ʻa e talanoa fekauʻaki mo ʻene uluí pea mo ʻene mata-meʻa-hā- mai kia Sīsū Kalaisí (Ngāue 21: 27–22:21). Ko e fē ha taimi kuó ke fakahoko ai hoʻo fakamoʻoní ʻi ha meʻa ne fie maʻu ai ke ke loto-toʻa? Naʻá ke maʻu fēfē ʻa e lototoʻa ke ke fakahoko ʻaki ʻení? ʻE hanga fēfē ʻe heʻetau ako ki he ngaahi tōʻonga ʻa Paulá ʻo tokoniʻi kitautolu ke tau maʻu ha lototoʻa ʻoku lahi angé ke tau vahevahe ʻetau ngaahi fakamoʻoní mo e niʻihi kehé?
Ko e hā ne hoko he taimi ne fakasītuaʻi ai ʻe he ʻeiki vaká ʻa e fakatokanga ʻa Paula ʻoku fakatuʻutāmaki ke nau folau mei he Taulanga Leleí? (Vakai Ngāue 27:7–20). Ko e hā naʻá ne fakalotoʻi e ʻeiki vaká ke ne fakataʻeʻaongaʻi ʻa e naʻinaʻi ʻa Paulá? (VakaiNgāue 27:11–12). Ko e hā hono ʻuhinga ʻoku faʻa fakataʻeʻaongaʻi ai ʻe ha niʻihi ʻo kitautolu ʻa e ngaahi akonaki mei he kau taki ʻo e Siasí? Kuó ke ako fēfē ʻa e mahuʻinga ʻo e muimui ki he akonaki ʻa e kau taki ʻo e Siasí?

Fokotuʻu ki hono Aleaʻi ʻe he Fāmilí

ʻEke ki he fāmilí pe ʻoku nau ʻiloʻi ha taha ʻoku hoko ʻene sīpingá ko ha meʻa ke fakalotolahiʻi pe fakaloto-toʻaʻi ai kinautolu. Kole ange ke nau talamai pe ko hai ʻoku nau fakakaukau ki aí pea ko e hā hono ʻuhinga ʻoku nau fili ai iá.