Lēsoni 30
ʻOku ʻIkai Filifilimānako ʻa e ʻOtuá”
-
Ko e hā e tali ʻa e niʻihi ʻo e kāingalotu ʻo e Siasí ʻi he taimi ne nau ʻiloʻi ai kuo akoʻi ʻe Pita ʻa e ongoongoleleí ki he kau Senitailé? (Vakai Ngāue 11:1–3). Ko e hā ʻoku totonu ke tau fai ʻi he taimi ʻoku tau maʻu ai ha ngaahi fakahinohino foʻou mei hotau Kau Takí, ʻo tatau ai pē pe ʻoku ʻikai ke tau saiʻia he ngaahi fakahinohino ko iá pe ʻoku faingataʻa ke mahino kiate kitautolu? (Vakai, Sione 7:17; 2 Nīfai 28:30; T&F 6:11, 14–15).
-
Ko e hā ʻoku fakahā mai ʻi he uiuiʻi ʻo Saula mo Panepasá ʻo fekauʻaki mo e founga ʻoku uiuiʻi ʻaki e kāingalotú ke nau fakahoko e ngāue ʻa e ʻOtuá? (Vakai Ngāue 13:1–3). Ko e hā ha ngaahi meʻa kuo hoko kiate koe ʻo ke ʻilo ai ʻoku fakahoko ʻa e ngaahi uiuiʻi faka-Siasí ʻi he ueʻi ʻa e Laumālié?
-
Naʻe foki ʻa Paula mo Panepasa ki he ngaahi kolo ko ia naʻá na fokotuʻu ai e Siasí ke na tokoniʻi ai e kāingalotú ke nau “tuʻu maʻu ʻi he tuí” (Ngāue 14:22; vakai foki ki he veesi Ngāue 14:21 mo e Ngāue 14:23). Ko e hā te ke fai ke poupouʻi ʻaki e kāingalotu foʻou ʻi hotau uōtí pe koló?
Fokotuʻu ki hono Aleaʻi ʻe he Fāmilí
Aleaʻi ʻa e ngaahi meʻa naʻe hoko tonu kia Saula mo Panepasa ʻi he taimi naʻá na ngāue fakafaifekau aí. (Ngāue 13–14). Fakamatala ha ngaahi meʻa ne hoko kiate koe ʻi he lolotonga hoʻo kei faifekau taimi kakató pe ko haʻo fakaafeʻi ha taha ne toki ʻosi faifekau ke ne fakamatala ha ngaahi meʻa ne hoko ki ai lolotonga ʻene ngāue fakafaifekaú. Mou aleaʻi ha founga ʻoku tatau ai ʻa e ngaahi meʻa ne hoko kia Saula mo Panepasá mo e ngaahi meʻa ko ia ʻoku hoko ki he kau faifekau he ngaahi ʻaho ní. Fai haʻamou tohi fakafāmili ki ha faifekau. ʻAi ke hoko ko ha konga ʻo hoʻomou lotu fakafāmilí, haʻamou kole ki he Tamai Hēvaní ke ne tāpuakiʻi mo maluʻi e kau faifekaú.