“Pea ʻe Nofo Ia mo Kinautolu, Pea Te Nau Hoko Ko Hono Kakai”

Ko e meʻa ʻe taha ʻoku tau ʻilo mei he Fakahā vahe 6, ʻa hono tauʻi ko ia ʻe Sētane ʻa e kau angatonú ʻi he kotoa e hisitōlia ʻo māmaní. Fakatatau mo e Fakahā 6:4–11, ko e hā ha ngaahi founga ʻokú ne fai ʻaki ʻeni? Ko e hā ha ngaahi filioʻi ʻoku fakaʻaongaʻi ʻe Sētane he ʻahó ni ʻi heʻene feinga ko ia ke ne ikunaʻi ʻa e kau angatonú? Te tau lava fēfē ʻo pukemaʻu ʻetau ʻamanaki leleí mo kei vakai lelei ʻi heʻetau tau ko ia mo Sētané?
ʻE fakanofonofo ʻe he Hāʻele ʻAnga Ua mai ʻa Sīsū Kalaisí ʻa e Nofotuʻí, ko ha vahaʻa-taimi ia ʻo ha taʻu ʻe tahaafe ʻa ia ʻe pule fakatuʻi ai ʻa Kalaisi ʻi māmani. Ko e hā ʻe hoko kia Sētane he lolotonga ʻa e Nofotuʻí? (Vakai Fakahā 20:1–3). ʻE fēfē leva e anga ʻo e moʻuí ʻi he taimi ʻe haʻi ai ʻa Sētané? (Vakai, 1 Nīfai 22:26; T&F 45:55, 58). Te tau fakangatangata fēfē he ʻahó ni ʻa e mālohi ʻo Sētané ʻi heʻetau moʻuí?

Fokotuʻu ki hono Aleaʻi ʻe he Fāmilí

Kātaki ʻo lau ʻa e Fakahā 20:1–3, ʻa ia ʻoku hā ai hono haʻi ʻo Sētane he lolotonga ʻo e Nofotuʻí. Hili iá peá ke ʻoange ki he fāmilí ha nusipepa pe makasini ki muí ni mai. ʻAi ke nau lau ʻa loto mo kumi ha ngaahi ongoongo pe ngaahi talanoa ʻe lava ʻo ʻasi pe taʻe- ʻasi ʻi ha nusipepa pe makasini he lolotonga ʻo e Nofotuʻí.