Lēsoni 24
“Ko ʻEni ʻa e Moʻui Taʻengatá”
-
Ko e hā e misiona ʻa e Laumālie Māʻoniʻoní? (Vakai, Sione 14:26; 15:26; 16:7–14.) Te tau fakatokangaʻi fēfē ʻa e mālohi ʻo e Laumālie Māʻoniʻoní? (Vakai, Kalētia 5:22–23, T&F 6:15; 23; T&F 6:15; 23; 11:13). Kuo tokoniʻi fēfē koe ʻe hoʻo maʻu ʻa e meʻafoaki ʻo e Laumālie Māʻoniʻoní?
-
Naʻe folofola ʻa Sīsū ki heʻene kau ʻAposetoló, “Te mou maʻu ʻa e mamahí ʻi māmani, ka mou lototoʻa; kuó u ikuʻi ʻa māmani. (Sione 16:33). ʻE tokoniʻi fēfē kitautolu ʻe heʻetau ʻilo ko ia naʻe ikunaʻi ʻe Sīsū ʻa māmaní ke tau loto-toʻa ʻi he taimi ʻoku tau fehangahangai ai mo e mamahí? Ko e hā hono ʻuhinga ʻoku mahuʻinga ai ke tau loto-toʻá?
-
Naʻe folofola ʻa e Fakamoʻuí ʻi heʻene lotú, “Pea ko ʻeni ʻa e moʻui taʻe ngatá, ko ʻenau ʻilo koe ko e ʻOtua moʻoni pē taha, mo Sīsū Kalaisi, ʻa ia naʻá ke fekaú.” (Sione 17:3). ʻOku kehe fēfē ʻa hono ʻiloʻi ʻo e Tamai Hēvaní mo Sīsū Kalaisí mei he ako pē fekauʻaki mo kinauá? Te tau lava fēfē ʻo ʻiloʻi kinaua?
Fokotuʻu ki hono Aleaʻi ʻe he Fāmilí
Faʻo ʻi ha ngeʻesi puha, ha laʻi pepa ʻoku tohiʻi ai ʻa e “Meʻafoaki ʻo e Laumālie Māʻoniʻoní”. ʻI he puha hono uá, faʻo ai ha laʻi pepa ʻoku tohiʻi ai ʻa e “Moʻui Taʻengatá”. Kofukofuʻi e ongo puhá ke hangē ha meʻaʻofá. Fakamatala ange ʻi he Sione 16–17, ʻoku fakamatalaʻi ai ʻe Sīsū ha ongo meʻaʻofa mahuʻinga ʻe ua te tau lava ke maʻu. Kole ki ha mēmipa ʻo e fāmilí ke ne fakaava ʻa e ʻuluaki puhá pea lau ʻa e laʻi pepa ʻi lotó. Kātaki ʻo lau ʻa e Sione 16:13, pea fakamatalaʻi ko e “Laumālie ʻo e Moʻoní” ʻi he veesi ko ʻení, ʻoku ʻuhinga ia ki he Laumālie Māʻoniʻoní. Kole ki ha mēmipa ʻe taha ʻo e fāmilí ke ne fakaava ʻa e puha hono uá, pea lau e laʻi pepa ʻi lotó. Kātaki ʻo lau ʻa e Sione 17:1–3. Fakahā hoʻo houngaʻia koeʻuhí ko e meʻaʻofa ʻo e Laumālie Māʻoniʻoní pea mo e faingamālie ko ia ke maʻu ʻa e moʻui taʻengatá.