“Ko Ia [Naʻe] Fanauʻi [Ai Aú]”

Mātiu 26:47–27:66; Maʻake 14:43–15:39; Luke 22:47–23:56; Sione 18–19

Ko e hā ne fai ʻe Pita ʻi he taimi ne talaange ai ʻe he kakai ʻi he tuʻa palasi ʻo Kaiafasí naʻá ne ʻiloʻi ʻa Sīsuú? (Vakai, Mātiu 26:69–75; vakai foki ki he Mātiu 26:34.) ʻOku tatau fēfē ha niʻihi ʻo kitautolu, pea mo Pita, ʻo tau faʻa fakafisingaʻi ʻetau tuí? Ko e hā te tau lava ʻo ako mei he moʻui ʻa Pitá ʻi he hili ʻene fakafisingaʻi ʻa e ʻEikí?
Ko e hā ha faʻahinga ongo ʻokú ke maʻu ʻi hoʻo fakalaulauloto ki he mamahi ʻa e Fakamoʻuí maʻaú? Te ke lava fēfē ʻo fakahā hoʻo houngaʻia ʻi he Fakaleleí? (ʻI hoʻo fakalaulauloto ki he ngaahi fehuʻi ko ʻení, mahalo te ke fie hiki ai hoʻo ngaahi fakakaukaú ʻi hoʻo tohinoá.)

Fokotuʻu ki hono Aleaʻi ʻe he Fāmilí

Mou aleaʻi ʻa e kakai ko ʻeni ʻoku hā ʻi he talanoa fakafolofola ʻo e pekia mo hono telio ʻo Sīsuú. Fehuʻi ki he fāmilí pe ko e hā ʻoku nau manatuʻi fekauʻaki mo e tokotaha takitaha pe falukunga kakaí.

Sīsū Kalaisi	Ongo tangata kaihaʻá
Pailato	Kau Manukí
Saimone ʻo Sailiné	Sione ʻOfeina
Kau Sōtiá	Ko e ʻeikitaú
Siosefa ʻo ʻAlemateá	Mele, Faʻē ʻa Sīsuú