Lēsoni 11
“Pea Lahi ʻa e Ngaahi Meʻa Naʻá ne Leaʻaki Kiate Kinautolu ʻi he Lea Fakatātaá”
-
ʻOku ʻuhinga ki he hā ʻa e talanoa fakatātā ʻo e tangata tūtuuʻí? (Vakai, Mātiu 13:3–8, 18–23.) ʻOkú ke pehē ko e hā hono ʻuhinga naʻe fakatefito ai ʻa e talanoa fakatātā ʻo e tangata tūtuuʻí ʻi he kelekelé kae ʻikai ʻi he tangata tūtuuʻí pe ko e tengaʻi ʻakaú?
-
Ko e hā e fakaafe naʻe fai ʻe Sīsū Kalaisi ʻi he hili ʻene fai ʻa e talanoa fakatātā ʻo e tangata tūtuuʻí? (Vakai, Mātiu 13:9). Ko e hā haʻo fakakaukau ki he ʻuhinga ʻo e foʻi lea ko ia ko e ongoʻi ʻi he fakaafe ko ʻení? ʻOku ʻuhinga ki he hā ʻa e ʻā kae ʻikai mamata mo e fanongo kae ʻikai ongoʻí? (Vakai Mātiu 13:13–15).
-
Sāmitá ʻoku ʻuhinga ʻa e talanoa fakatātā ʻo e tengaʻi mūsitá mo e meʻa fakatupú ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. (Teaching of the Prophet Joseph Smith, sel. Joseph Fielding Smith (1976), 98-100). Kuó ke mamata fēfē ki he tupulaki ʻa e ngāue ʻa e ʻOtuá ʻo hangē ko ia ʻoku fakatātaaʻi mai ʻe he ngaahi talanoa fakatātā ko ʻení?
Fokotuʻu ki hono Aleaʻi ʻe he Fāmilí
ʻOmai ha fanga kiʻi laʻi pepa iiki ʻe 14. ʻI he laʻi pepa takitaha, hanga ʻo hiki ai e ngaahi sētesi ko ʻení, ʻa ia ʻoku nau fekauʻaki mo e talanoa fakatāta ʻo e uité mo e teá (1) tangata tūtuuʻí, (2) ʻEiki mo ʻene kau ʻAposetoló, (3) tengaʻi ʻakau leleí (4) kāingalotu anga-tonu ʻo e Siasí, (5) malaʻé, (6) māmani (7) teá, (8) kau angahalá, (9) filí, (10) tēvoló, (11) utu-taʻú, (12) ngataʻanga ʻo e māmaní, (13) kau tuʻusí pea mo e (14) kau ʻāngeló. Ke toe vakaiʻi e talanoa fakatāta ko ia ʻo e uité mo e teá, hanga ʻo fio fakatahaʻi ʻa e fanga kiʻi laʻi pepá. ʻAi leva e kau mēmipa ʻo e fāmilí ke nau fakafehoanaki e kakai, ʻū meʻa, mo e ngaahi ngāue ʻi he talanoa fakatātaá mo honau ʻuhinga. Te ke lava pē ke lau ʻa e Mātiu 13:24–30, 36–43 pea mo e Tokāteline mo e Ngaahi Fuakava 86:1–7 ʻi he taimi te ke fai ʻa e fakamatala ko ʻení.