Lēsoni 19

“Kuo Fakamoʻui Koe ʻe Hoʻo Tuí”

Luke 18:1–8, 35–43; 19:1–10; Sione 11

• Naʻe anga fēfē hono hanga ʻe he tangata kui ofi ki Selikoó ʻo fakahā ʻene tui ki he ʻEikí? (Vakai, Luke 18:38–42). Kuo tāpuekina fēfē nai koe ʻi haʻo ngāueʻi hoʻo tui kia Sīsū Kalaisí?

• Naʻe fakahā fēfē ʻe Sakeasi ʻa ʻene fuʻu holi lahi ke mamata kia Sīsuú? (Vakai, Luke 19:3–4). Ko e hā ne talaange ʻe Sīsū kia Sakeasi ʻi he hili ʻene mamata ki ai ʻi he funga ʻakaú? (Vakai, Luke 19:5). Ko e hā e tali ʻa Sakeasi ki he folofola ʻa Sīsuú? (Vakai, Luke 19:6). Ko e hā te tau fai ke talitali fiefia ai ʻa e Fakamoʻuí ʻi hotau ngaahi ʻapí?

• Ko e hā ha meʻa ʻoku fakafiefia kiate koe fekauʻaki mo e fakamoʻoni ʻa Māʻata ʻi he Sione 11:21–27?

Fokotuʻu ki hono Aleaʻi ʻe he Fāmilí

Lau ʻa e Sione 11:1–46. Fehuʻi ki he kau mēmipa ʻo e fāmilí pe ko e hā ha faʻahinga ongo ʻoku nau maʻu fekauʻaki mo e Fakamoʻuí mei he talanoa ko ʻení. Toe fakamanatu ha ngaahi veesi ʻoku fakahā ai e tui ko ia ʻa Mele mo Māʻata kia Sīsū Kalaisí. Kole ki he fāmilí ke nau fili ha meʻa ʻe taha te nau fai ke fakahā ai ʻenau tui moʻoni ki he Fakamoʻuí.

Folofola Fekauʻaki mo Iá: Tui Taʻe Veiveiua

• Mātiu 8:5–10, 13

• Maʻake 10:46–52

• 2 Tīmote 4:7

• ʻEta 3:3–13