“Te u Foaki Kiate Koe ʻa e Ngaahi Kī ʻo e Puleʻangá”

Naʻe folofola ʻa Sīsū kia Pita, “Te u langa hoku Siasí ki he maká ni” (Mātiu 16:18). Naʻe akoʻi ʻe he Palōfita ko Siosefa Sāmitá, ko e maka ko ia naʻe ʻuhinga ki ai ʻa Sīsuú ko e Fakahaá. (Teachings of the Prophet Joseph Smith, sel. Joseph Fieldings Smith (1976)., 274). Ko e hā ha ngaahi founga ʻoku hoko ai ʻa e fakahaá ko ha fakavaʻe ʻo e Siasi ʻo e ʻEikí?
Naʻe akoʻi ʻe ʻEletā Tēvita P. Heiti ʻo pehē naʻe fakataumuʻa ʻa e Liliu ʻa Sīsuú “ke fakamaama fakalaumālie ai kitautolu pea pehē foki mo kinautolu naʻa nau fakamoʻoniʻi fakatāutaha iá” (ʻi he Conference Report, ʻEpeleli 1977, 8; pe Tūhulu, ʻOkatopa 1977, 9). Ko e hā te tau lava ʻo ako mei he Liliú ke ne tokoniʻi kitautolu ʻi ha taimi te tau fie maʻu ai ha mālohi fakalaumālié ? (Vakai, Mātiu 17:1–5).

Fokotuʻu ki hono Aleaʻi ʻe he Fāmilí

Lau ʻa e Mātiu 16:13–17. Fakamatalaʻi ange naʻe maʻu ʻe Pita ha fakamoʻoni kia Sīsū Kalaisi ʻo makatuʻunga ʻi he fakahaá pea ʻoku taau mo kitautolu ke tau maʻu ha fakamoʻoni ki he Fakamoʻuí ʻi he founga tatau. Fakahā ange ki ho fāmilí ʻa e founga naʻe maʻu ʻaki hoʻo fakamoʻoni kia Sīsū Kalaisí pea mo e meʻa ʻokú ke fai ke fakamālohia ai hoʻo fakamoʻoní. Kapau ʻe feʻunga peá ke kole ki ha niʻihi ʻo e fāmilí ke fai haʻanau fakamoʻoni. Fakalotolahiʻi kinautolu ke fakamālohia ʻenau fakamoʻoní ʻaki haʻanau lotu fakaʻaho, ako e folofolá, mo talangofua ki he ngaahi fekau ʻa e ʻOtuá.