Lēsoni 36
“ʻOfeina [ʻo e] ʻOtuá, Kuo Ui ke Māʻoniʻoni”
Loma
-
ʻOku fakatonuhiaʻi kitautolu ʻi he taimi ʻoku tau fakalelei ai mo e ʻOtuá, fakahaofi mei he tautea ʻo e angahalá pea fakahā ʻoku tau angatonu mo taʻehalaia. Ko e hā hono ʻuhinga ʻoku fie maʻu ai ke fakatonuhiaʻi kitautolú (Vakai, Loma 3:10–12, 23; vakai foki, ʻAlamā 7:21.) Ko e hā e akonaki ʻa Paula fekauʻaki mo e founga ke fakatonuhiaʻi ʻaki kitautolú? (Vakai, Loma 3:24, 28, 5:1–2 vakai foki, 2 Nīfai 2:6).
-
Naʻe fakafofongaʻi fēfē ʻe he papitaisó ʻa e maté, tanú mo e toetuʻú (fanauʻi foʻoú)? (Vakai, Loma 6:3–4; T&F 76:50–52). Kuo hoko fēfē ʻa e papitaisó ko ha fanauʻi foʻou kiate koe?
-
Kuó ke mamata fēfē ki he “fengāueʻaki fakataha ʻa e ngaahi meʻa kotoa pē ke lelei ai ʻa kinautolu ʻoku ʻofa ki he ʻOtuá”?
-
Ko e hā ha ngaahi ʻulungaanga ʻo e kāingalotu moʻoní ʻoku hā ʻi he Loma 12:9–21? Ko e fē ʻi he ngaahi ʻulungāanga ko ʻení ʻoku faingataʻa taha ke ke fakatupulakí? Ko e hā te ke lava ʻo fai he uiké ni ke fakalakalaka ai hoʻo fakatupulekina ʻo e ʻulungaanga ko ʻení?
Fokotuʻu ki hono Aleaʻi ʻe he Fāmilí
Lau ʻa e Folofola Fekauʻaki Mo Iá, ʻi he vahe ko ʻení peá ke ʻai e kau mēmipa ʻo e fāmilí ke nau tala atu ha niʻihi ʻo e kāingalotu ʻi he uōtí pe koló ʻoku nau maʻu ha niʻihi ʻo e ngaahi ʻulungāanga lelei ko ʻeni ʻoku hā ʻi he veesi folofolá. Fakatukupaaʻi e mēmipa takitaha ke nau fai ha ngāue ʻi he uike kahaʻú ʻo muimui ki he ngaahi faʻifaʻitakiʻanga ʻa e kakai ko iá.