Lēsoni 4
“Mou Teuteu ʻa e Hala ʻo e ʻEikí”
-
Ko e hā ʻa e pōpoaki naʻe malangaʻi ʻe Sione ko hono teuteuʻi e kakaí ki he hāʻele mai ʻa e Fakamoʻuí? (Vakai, Mātiu 3:1–2.) Ko e hā hono ʻuhinga ʻo e fakatomalá? (Vakai, 2 Kolinitō 7:9–10; Luke 19:8; Mōsaia 7:33; T&F 1:31–32; 58:42–43.)
-
ʻI hoʻo lau ʻo kau ki he fetalanoaʻaki ʻa Sīsū mo Sētane ʻi he toafá, ko e hā kuó ke ako ai fekauʻaki mo hono matuʻuaki ʻo e ʻahiʻahí? (Vakai, Mātiu 4:1–11.
-
Hili ʻene maʻu ʻa e fakamoʻoni ko Sīsuú ko e Mīsaiá iá, naʻe tali fēfeeʻi leva ʻe Filipe ʻa e ngaahi tālafili ʻa Nātanielá? (Vakai, Sione 1:43–46.) Ko e hā te tau fai ke fakaafeʻi ai ha niʻihi ke nau “haʻu ʻo mamata” ki he Fakamoʻuí?
Fokotuʻu ki hono Aleaʻi ʻe he Fāmilí
Teuteu ha lēsoni ke tokoniʻi ai ʻa e kau mēmipa ʻo e fāmilí ʻoku nau teuteu ke papitaisó pe ko hano aleaʻi ha ngaahi founga ʻe tokoniʻi ai ha kau ului ʻoku vave ke papitaiso. Mou aleaʻi ʻa e ʻuhinga ne fie maʻu ai ke papitaiso ʻa Sīsuú (Mātiu 3:13–15; 2 Nīfai 31:6–9) pea mo e ʻuhinga ʻoku fie maʻu ai ke tau papitaisó (2 Nīfai 31:5, 10–12; T&F 20:71–73; 49:13–14). Fakaafeʻi e kau mēmipa ʻi he fāmilí kuo nau ʻosi papitaisó ke nau fakamatala fekauʻaki mo e taimi ne nau papitaiso aí mo nau fakahaaʻi ʻa e ngaahi ongo ʻoku nau maʻu fekauʻaki mo e ngaahi tāpuaki kuo nau maʻu koeʻuhí ko ʻenau hū he matapā ʻo e papitaisó.