Lēsoni 32
“Moʻui ʻi he Laumālié”
Ngāue 18:23–20:38; Kalētia
-
Naʻe fakaʻosi ʻe Paula ʻene lea ki he kau taki ʻo ʻEfesoó ʻaki haʻane fakamanatu kiate kinautolu ʻa e ngaahi akonaki ʻa e ʻEikí, “ʻOku monūʻia lahi hake ʻa e foaki atú ʻi he maʻu ʻa e foaki maí” (Ngāue 20:35). Kuó ke ʻiloʻi fēfē ʻi hoʻo moʻuí ʻa hono moʻoni ʻo e meʻá ni?
-
Naʻe fakalotolahiʻi ʻe Paula e kakai Kalētiá ke nau fekumi ki he ngaahi fua pe ola ʻo hono moʻuiʻaki e Laumālié (Kalētia 5:16, 25). Ko e hā ha niʻihi o e ngaahi fua ko ʻení? (Vakai, Folofola Fekauʻaki Mo Iá, ʻi he vahe ko ʻení). Kuo fakamoʻoniʻi fēfē ʻa e ngaahi fua ko ʻení ʻi hoʻo moʻuí? Ko e hā ʻoku totonu ke tau fai kapau ʻoku tau ongoʻi ʻoku ʻikai ke hā e ngaahi fua ko ʻení ʻi heʻetau moʻuí?
-
ʻOku ʻuhinga ki he hā ʻeni “He ko ia ʻoku tūtuuʻi ʻe he tangatá, ko ia te ne utú foki”? (Vakai, Kalētia 6:7–9.) ʻOku tau fakaʻaongaʻi fēfē ʻa e tefitoʻi moʻoni ko ʻení ʻi heʻetau malava ko ia ke fanongo mo muimui ki he ngaahi ueʻi ʻa e Laumālie Māʻoniʻoní? ʻOku fakahoko fēfē ia ʻi heʻetau ngaahi fengāueʻaki mo e kakai kehé pea ʻi he ngaahi tuʻunga kehekehe ʻo ʻetau moʻuí?
Fokotuʻu ki hono Aleaʻi ʻe he Fāmilí
Fehuʻi ki he kau mēmipa ʻo e fāmilí ha founga te nau lava ʻo tala ai e taimi ʻoku nofoʻia honau ʻapí ʻe he mālohi ʻo e Laumālié. Mou aleaʻi ha ngaahi meʻa te mou lava ʻo fai fakafāmili ke fakaafeʻi ʻaki e Laumālié. Mou fokotuʻutuʻu ha ngaahi taumuʻa fakafāmili ke fakaafeʻi e Laumālié ki homou ʻapí he lolotonga e uike ka hoko maí.