Lēsoni 2
“ʻOku Fakahikihiki ʻa e ʻEikí ʻe Hoku Laumālié”
-
Ko e hā te tau ako meia Mele ʻi heʻene fetalanoaʻaki mo e ʻāngeló pea mo ʻIlisapetí? (Vakai, Luke 1:26–38, 45–49; vakai foki, ʻAlamā 7:10). Ko e hā te ke fai ke ke muimui ai ʻi heʻene sīpingá?
-
ʻOku hanga fēfē ʻe he ngaahi tā sīpinga ʻa ʻIlisapeti, Sākalaia, Sione Papitaiso, Mele pea mo Siosefá ʻo tokoniʻi koe ke ke mamata ki he māfi-mafi ʻo e Fakamoʻuí pea mo fakatupulaki hoʻo tui kiate Iá? Te tau lava fēfē ʻo tokoniʻi ʻa e niʻihi kehé ke fakatupulaki ʻenau tui kia Sīsū Kalaisí?
Fokotuʻu ki hono Aleaʻi ʻe he Fāmilí
Lau ʻa e Luke 1:16, pea mou aleaʻi ʻa e mahuʻinga ʻo hono tokoniʻi e kakaí ke nau “tafoki ki he ʻEikí” ʻaki haʻo vahevahe mo kinautolu ʻa e ongoongoleleí. ʻAi ha lisi ʻo ha kau mēmipa pe ko hao ngaahi kaungāmeʻa ʻoku ʻikai ke nau kau ki he Siasí pe ʻoku nau māmālohi ʻi he Siasí. Mou lotu fakafāmili ke maʻu e tataki ʻa e laumālié ʻi hono fili pe ko hai te mou vahevahe ki ai ʻa e ongoongoleleí pea mo e founga ke mou fakahoko ai iá.