Lēsoni 10
“Toʻo ʻEku Haʻamongá Kiate Kimoutolu, Pea Mou Ako ʻIate Au”
-
Ko e hā ha ngaahi haʻamonga ʻoku tau fua ʻi he moʻuí ni? ʻE lava fēfē ʻe he ʻEikí ʻo foaki mai ha “fiemālie [kiate kitautolu]” mei he ngaahi haʻamonga ko ʻení? (Vakai, Mātiu 11:28–30.) ʻOku ʻuhinga ki he hā ʻa ʻetau toʻo kiate kitautolu ʻa e haʻamonga ʻa Kalaisí? (Vakai ki he Folofola Fekauʻaki Mo Iá ʻi he konga ko ʻení.)
-
Ko e fefine ko ia naʻe hū ki he fale ʻo Saimone ko e Fālesí, naʻá ne mafasia ʻi he kavenga ʻo e fai angahalá (Luke 7:37). Ko e hā ne fai ʻe he fefiné ni, ne fakatupunga ai hono toʻo ʻe Sīsū ʻene kavengá (Luke 7:38 ), 44–50). Ko e hā te tau fai ke hanga ai ʻe he Fakamoʻuí ʻo toʻo ʻa e kavenga ʻo e fai angahalá mei heʻetau moʻuí?
Fokotuʻu ki hono Aleaʻi ʻe he Fāmilí
Kole ki ha mēmipa ʻo e fāmilí ke ne pukepuke ha ngeʻesi tangai pe puha kuo fakaava. Fekau ki he toenga ʻo e fāmilí ke nau faʻo tahataha ki ai ha faʻahinga meʻa pē. Ko ʻene kamata pe ke mamafa e ngeeʻsi puhá/tangaí, peá ke fakaafeʻi ha mēmipa ʻo e fāmilí ke ne tokoni ʻi hono hikí. Fakamatalaʻi ange ko e ngeʻesi tangai ko ʻení ʻokú ne fakafofongaʻi ʻa e ngaahi mafasia ko ia ʻoku tau fuesiá ʻo hangē ko e faingataʻaʻiá mo e lotomamahí. Ko e tokoni ko ia mei he mēmipa hono ua ʻo e fāmilí, ʻokú ne fakafofongaʻi ʻa e fakafiemālie ʻoku foaki ʻe he Fakamoʻuí maʻatautolú ʻi heʻetau haʻu kiate ia ʻi he taimi ʻoku tau “feinga mo mafasia aí” (Mātiu 24:8–15). Lau ʻa e Mātiu 11:28–30 mo e Mōsaia 24:8–15, peá ke tokoniʻi e fāmilí ke mahino kiate kinautolu ko e taimi ko ia ʻoku tau muimui ai ki he Fakamoʻuí, te ne fakafaingofuaʻi mo fakamaʻamaʻaʻi ʻetau ngaahi kavengá.