“He Kuo ʻAloʻi Kiate Kimoutolu … ʻa e Fakamoʻuí”

Ko e hā ha ngaahi meʻa ne hoko ʻi hono ʻaloʻi ʻo Sīsuú? (Vakai, Luke 2:7.) Ko e hā ha ngaahi founga kuo fakafisi ai ha kakai he ngaahi ʻahó ni ke nau ʻoange ki he Fakamoʻuí ha konga ʻo ʻenau moʻuí? Ko e hā te tau lava ʻo fai ke foaki ai kiate ia ʻa ʻetau moʻuí?
Ko e hā hono ʻuhinga naʻe hāʻele mai ai ʻa Sīsū ki he māmaní? (Vakai, 3 Nīfai 27:13–16.)
Ko e hā e meʻa naʻe fai ʻe he kau “tangata poto mei he Hahaké” ʻi he taimi naʻa nau ʻilo ai ʻa e tamasiʻi ko Sīsuú? (Vakai, Mātiu 2:11.) Ko e hā ha ngaahi meʻaʻofa te tau foaki ange maʻá e ʻEikí?
ʻI he fatu-tangata ʻa Sīsuú, “naʻe tupulaki ʻi he poto mo lahi, pea naʻe ʻofeina ia ʻe he ʻOtuá mo e tangatá” (Luke 2:52). ʻI hono toe fakalea ʻe tahá, naʻá ne fakalakalaka fakaeʻatamai, fakaesino, fakalaumālie, pea mo fakasōsiale. Ko e hā ha ngaahi meʻa pau te tau fai ke tau tupulaki fakaʻatamai, fakasino, fakalaumālie, pea mo fakasōsiale ai?

Fokotuʻu ki hono Aleaʻi ʻe he Fāmilí

Lau ha ngaahi kupu mei ha niʻihi ʻo e ngaahi himi pe hiva Palaimelí ʻoku fekauʻaki mo hono ʻaloʻi ʻo Sīsuú, peá ke fakaafeʻi ha kau mēmipa ʻo e fāmilí ke nau mateʻi atu ʻa e ngaahi himí. Hivaʻi fakafāmili ha taha ʻo e ngaahi hiva ʻi he himí, pea mou aleaʻi ʻa hono mahuʻinga hono fakamanatua ʻo e ʻaloʻi ʻo Sīsuú ʻi he taʻú kakato kae ʻikai ko e lolotonga pē ʻo e faʻahitaʻu Kilisimasí.