Lēsoni 25
“ʻOua Naʻa Fai Hoku Lotó, Ka Ko e Finangalo ʻOʻoú”
-
Ko e hā hono ʻuhinga ne finangalo ai ʻa Sīsū ke ne fakavaivaiʻi pē ia ki he mamahi lahi naʻá ne ʻosi ʻafioʻi ʻe hoko ki ai ʻi he Ngoue Ketisemaní? (Vakai, Mātiu 26:39, 42, 44). Ko e hā te tau lava ʻo ako mei he lotu ʻa e Fakamoʻuí ʻi Ketisemaní? Kuo tāpuekina fēfē koe ʻi haʻo fakavaivai ki he finangalo ʻo e Tamai Hēvaní?
-
Ko e hā ha meʻa ne hoko ki he Fakamoʻuí ʻi Ketisemani? (Vakai, T&F 19:16–19; Luke 22:44; Mōsaia 3:7; ʻAlamā 7:11–13).
-
Ko e hā hono ʻuhinga ʻoku tau fie maʻu ai ʻa e Fakalelei ʻa Sīsū Kalaisí? (Vakai, 1 Nīfai 10:21; 2 Nīfai 2:5–9; ʻAlamā 34:9; Mōsese 6:48.) Ko e hā ha ngaahi tāpuaki ʻoku atā ke tau maʻu ʻa ia ko ha ola ʻo e feilaulau fakalelei ʻa e Fakamoʻuí? (Vakai, Mōsaia 16:7–8; ʻAlamā 7:11–13, T&F 19:23.) Te tau lava fēfē ʻo maʻu ʻa e ngaahi tāpuaki ko ení (Vakai, ʻAlamā 7:14) Tefito ʻo e Tuí 1:3).
Fokotuʻu ki hono Aleaʻi ʻe he Fāmilí
Fakaʻaliʻali e fakatātā ʻo e Lotu ʻa Sīsū ʻi Ketisemaní (Ngaahi Fakatātā ʻo e Ongoongoleleí 227). Lau ʻa e talanoa ʻo Sīsū ʻi Ketisemaní, ʻa ia ʻoku maʻu ʻi he Mātiu 26:36–46, Luke 22:34–46, pe Tokāteline mo e Ngaahi Fuakava 19:16–19. Fakaafeʻi e mēmipa takitaha ʻo e fāmilí ke ne vahevahe ʻa e ngaahi ongo ʻokú ne maʻu fekauʻaki mo e Fakalelei ʻa Sīsū Kalaisí.