“Ko ia Ia ʻe Ikuná, ʻE Maʻu ʻe Ia ʻa e Ngaahi Meʻa Kotoa Pē

Ko e hā ne haʻu mei he fofonga ʻo e Fakamoʻuí ʻi he mata-meʻa-hā mai ko ia ʻa Sioné? (Vakai, Fakahā 1:16). Ko e hā ne fakafofongaʻi ʻe he heletā ko ʻení? (Vakai, T&F 6:2). Ko e hā ha ngaahi founga ʻoku tatau ai e folofola ʻa e ʻEikí mo ha heletā? (Vakai, Hepelū 4:12; Hilamani 3:29).
ʻI he mata-meʻa-hā mai ko ia ʻa Sioné, ko e hā e talaʻofa ʻa e ʻEikí kiate kinautolu te nau ikunaʻi ʻa e ngaahi faingataʻa mo e ngaahi ʻahiʻahi ʻo e moʻui fakamatelié? (Vakai, Folofola Fekauʻaki Mo Ia ʻi he vahe ko ʻení).
ʻE faifai pea ikunaʻi fēfē ʻe he Siasí mo e puleʻanga ʻo e ʻOtuá ʻa Sētané? (Vakai Fakahā 12:11). ʻE tokoniʻi fēfē koe ʻe he Fakalelei ʻa Kalaisí pea mo hoʻo fakamoʻoní ʻi hoʻo fefāʻuhi mo Sētané?

Fokotuʻu ki hono Aleaʻi ʻe he Fāmilí

Lau ʻa e Fakahā 6:12–14 mo e Fakahā 16:18–21, peá ke fakamatalaʻi ange ʻoku fakamatalaʻi ʻi he ngaahi potu folofola ko ʻení ʻa e ngaahi meʻa ne mamata ki ai ʻa Sione ʻe hoko ʻi he ngaahi ʻaho fakaʻosí. Hili iá peá ke fakamatalaʻi ange neongo ʻoku fakailifia ha niʻihi ʻo e ngaahi kikite ʻi he tohi ʻa Fakahaá, ka ʻe ʻomi kiate kitautolu ʻe ha ngaahi kikite kehe ʻi he tohi ʻa Fakahaá ha ʻamanaki lelei mo tokoniʻi kitautolu ke ʻoua naʻa tau manavahē he lolotonga e ngaahi taimi faingataʻá. Lau ha niʻihi ʻo e ngaahi potu folofola mei he Folofola Fekauʻaki Mo Iá ʻi he vahe ko ʻení ke maʻu ai ha niʻihi ʻo ha ngaahi pōpoaki fakatupu ʻamanaki lelei.