Lēsoni 35
“Mou Fakalelei mo e ʻOtuá”
2 Kolinitō 1–6
-
Ko e hā ne lava ai ʻe Paula mo Tīmote ʻo tekeʻi ʻa e loto-foʻí kae hili iá naʻá na faingataʻaʻia, fevālaaki, fakatangaʻi pea mo hono fakamoʻulāloaʻi kinauá? (Vakai, 2 Kolinitō 1:3–5; 4:5–15). Kuo tokoniʻi fēfē koe ʻe he Tamai Hēvaní mo Sīsū Kalaisi ʻi ha lolotonga hano ʻahiʻahiʻi koe?
-
Naʻe valokiʻi ʻe Paula ʻa e kāingalotú ke nau fefakamolemoleʻaki (2 Kolinitō 2:5–8). Ko e hā hono ʻuhinga ʻoku mahuʻinga ai ke tau fakamolemoleʻi e niʻihi kehé? (Vakai, Mātiu 6:14–15; 2 Kolinitō 2:7–8; T&F 64:9–10). Ko e hā te tau lava ʻo fai ke toe lahi ange ai ʻetau loto fakamolemolé?
-
ʻOku ʻuhinga ki he hā ʻa e “mamahi faka-ʻOtuá” ʻi heʻetau ngaahi angahalá? (2 Kolinitō 7:9–10). Ko e hā hono ʻuhinga ʻoku hoko ai ʻa e mamahi fakaʻOtuá ko ha konga mahuʻinga ʻo e fakatomalá?
Fokotuʻu ki hono Aleaʻi ʻe he Fāmilí
Lau ʻa e 2 Kolinitō 11:3–4, peá ke tokanga makehe ki he ngaahi feinga ʻa Paula ke fakafiemālieʻi ʻa e niʻihi kehé “ʻaki ʻa e fiemālie ʻoku fakafiemālieʻi ʻaki kitautolu ʻe he ʻOtuá.” Fokotuʻutuʻu ke mou ʻaʻahi ki ha falemahaki, nofoʻanga ʻo e kakai masivá, pe ko ha fale tauhiʻanga kau toulekeleka. Tokoni ke tufaki ha meʻatokoni, fakafiefiaʻi ha kau toulekeleka, foaki ha meʻakai, vala pe ko ha ngaahi meʻa kehe ʻoku fie maʻu.
ʻAi ke hoko ko ha konga ʻo e fealēleaʻaki ʻa e fāmilí, haʻamou hivaʻi fakataha ʻa e ”Kuo Lahi Hoku Tāpuakí” Ngaahi Himi, 126.