Lēsoni 43
“Ko e Kakai Kuo Fili”
1 Pita mo e 2 Pita, Sute
-
Koe hā te tau fai ke tau muimui ai ki he sīpinga ʻa e Fakamoʻuí ʻi heʻetau tali ʻa e ngaahi ʻahiʻahí mo e fakatangá? (Vakai, 1 Pita 2:19–23.) Ko e hā ha ngaahi sīpinga kuó ke mamata ki ai ʻo ha kakai ʻoku anga faka-Kalaisi kuo nau kātekina ʻa e ngaahi ʻahiʻahí? ʻOku tāpuekina fēfē kitautolu ʻi heʻetau muimui ki he sīpinga ʻa e Fakamoʻuí ʻi hono tali ʻo e ngaahi faingataʻá?
-
Ko e fē ha ngaahi ʻulungaanga ne fakamatalaʻi ʻe Paula ko ha konga ʻo e natula faka-ʻOtuá? (Vakai, 2 Pita 1:4–7) Ko e hā hono ʻuhinga ʻoku mahuʻinga ai ke tau fakatupulaki ʻa e ngaahi ʻulungaanga lelei ko ʻení? (Vakai, 2 Pita 1:8). Kuo anga fēfē hano fakahoko ʻo e ngaahi ʻulungaanga ko ʻení ʻe ha niʻihi kehe?
-
Naʻe fakatokanga mai ʻa Pita mo Sute ʻe ʻi ai ha kau akonaki loi ʻi he lotolotonga ʻo e kāingalotu ʻo e Siasí. Ko e hā ne na tala ko ha niʻihi ia ʻo e ngaahi ʻulungaanga ʻo e kau akonaki loí? (Vakai 2 Pita 2:1–3, 10, 12–19; Sute 1:4, 8, 10, 13, 16, 18–19). Ko e hā ha akonaki ne ʻomai ʻe Pita mo Sute ke tau fakaʻehiʻehi ai mei he kau akonaki loí pea mo kei faivelenga ʻi he teuteu ki he Hāʻele ʻAnga Ua Maí? (Vakai, 2 Pita 3:11–14, 17–18; Sute 1:3, 20–21; vakai foki, Molonai 7:12–17; D&C 45:57; T&F 45:57: 46:7–8).
Fokotuʻu ki hono Aleaʻi ʻe he Fāmilí
Fili ha meʻatokoni ʻe lava ke mou teuteuʻi fakatahá. Mou muimui ʻi he founga ngaohi ʻo e meʻatokoni ko iá, pea mou aleaʻi ʻa e ʻuhinga ʻoku mahuʻinga ai ke maʻu kotoa ʻa e ngaahi meʻa oku ngaohi ʻaki ʻa e meʻatokoni ko iá. ʻO ka ʻosi hoʻomou teuteuʻí, mou lau ʻa e 2 Pita 1:4–8. Aleaʻi ha ʻuhinga ʻoku mahuʻinga e foʻi ʻulungaanga kotoa pē ʻo e natula faka-ʻOtuá kae lava ke tau hoko ʻo tatau mo e Tamai Hēvaní mo Sīsū Kalaisi.